14

തി​രു​വ​ന​ന്ത​പു​രം: സം​സ്ഥാ​ന​ത്ത് ഇ​ന്നും വൈ​ദ്യു​തി മു​ട​ങ്ങു​മെ​ന്ന് കെ​എ​സ്ഇ​ബി​യു​ടെ സ​ന്ദേ​ശം. വൈ​കു​ന്നേ​രം ആ​റേ​കാ​ൽ മു​ത​ൽ രാ​ത്രി 12:45 വ​രെ​യു​ള്ള സ​മ​യ​ങ്ങ​ളി​ല്‍ വൈ​ദ്യു​തി മു​ട​ങ്ങാ​നാ​ണ് സാ​ധ്യ​ത.

എ​ൽ​നി​നോ പ്ര​തി​ഭാ​സ​ത്തെ തു​ട​ർ​ന്നു​ള്ള മ​ഴ​ക്കു​റ​വും ഉ​യ​ർ​ന്ന താ​പ​നി​ല​യും കാ​ര​ണം മു​ൻ​വ​ർ​ഷ​ങ്ങ​ളി​ലെ സെ​പ്റ്റം​ബ​റി​നേ​ക്കാ​ൾ 1100 മെ​ഗാ​വാ​ട്ടി​ന്‍റെ അ​ധി​ക ആ​വ​ശ്യ​ക​ത​യാ​ണ് രേ​ഖ​പ്പെ​ടു​ത്തു​ന്ന​ത്. 900 മെ​ഗാ വാ​ട്ടി​ന്‍റെ കു​റ​വി​നാ​ണ് സാ​ധ്യ​ത​യു​ള്ള​ത്. വാ​യ്പ വ​ഴി​യു​ള്ള 200 മെ​ഗാ വാ​ട്ട് ഇ​ന്നും കി​ട്ടി​ല്ലെ​ന്ന് വ്യ​ക്ത​മാ​യ​തോ​ടെ​യാ​ണ് പ​വ​ർ​ക്ക​ട്ട് ഉ​ണ്ടാ​കു​മെ​ന്ന അ​റി​യി​പ്പ്.

ഞാ​യ​റാ​ഴ്ച റി​യ​ല്‍ ടൈം ​മാ​ര്‍​ക്ക​റ്റി​ല്‍ നി​ന്ന് വൈ​ദ്യു​തി ല​ഭി​ച്ച​ത് കൊ​ണ്ട് നി​യ​ന്ത്ര​ണം ഉ​ണ്ടാ​യി​രു​ന്നി​ല്ല. ഇ​ന്നും നി​യ​ന്ത്ര​ണം ഒ​ഴി​വാ​ക്കാ​ന്‍ പ​ര​മാ​വ​ധി ശ്ര​മി​ക്കു​ന്ന​താ​യി സ​ര്‍​ക്കാ​ര്‍ അ​റി​യി​ച്ചി​രു​ന്നു.

സം​സ്ഥാ​ന​ത്തെ വൈ​ദ്യു​തി പ്ര​തി​സ​ന്ധി​ക്ക് പ​രി​ഹാ​രം കാ​ണാ​ന്‍ കി​ട്ടാ​വു​ന്ന​യി​ട​ത്തു നി​ന്നെ​ല്ലാം വൈ​ദ്യു​തി വാ​ങ്ങാ​നാ​ണ് ആ​ലോ​ചി​ക്കു​ന്ന​തെ​ന്ന് മ​ന്ത്രി സ​ണ്ണി ജോ​സ​ഫ് ഇ​ന്ന് വ്യ​ക്ത​മാ​ക്കി​യി​രു​ന്നു. വി​ല കൂ​ടി​യാ​ലും വൈ​ദ്യു​തി വാ​ങ്ങി പ്ര​തി​സ​ന്ധി പ​രി​ഹ​രി​ക്കാ​നാ​ണ് സ​ര്‍​ക്കാ​ര്‍ തീ​രു​മാ​നം.

ഞാ​യ​റാ​ഴ്ച മു​ഖ്യ​മ​ന്ത്രി​യു​ടെ നേ​തൃ​ത്വ​ത്തി​ല്‍ ചേ​ര്‍​ന്ന യോ​ഗ​ത്തി​ല്‍ വി​ഷ​യം ഗൗ​ര​വ​മാ​യി ച​ര്‍​ച്ച ചെ​യ്തു. എ​ന്‍​ടി​പി​സി​യി​ല്‍​നി​ന്ന് വൈ​ദ്യു​തി വാ​ങ്ങാ​നാ​ണ് ശ്ര​മം. അ​ധി​ക സാ​മ്പ​ത്തി​ക ബാ​ധ്യ​ത ജ​ന​ങ്ങ​ളി​ലേ​ക്ക് എ​ത്തി​ല്ലെ​ന്ന് പ​റ​യാ​നാ​കി​ല്ല. അ​ടി​യ​ന്ത​ര സാ​ഹ​ച​ര്യ​ത്തി​ല്‍ വൈ​ദ്യു​തി വാ​ങ്ങു​ക എ​ന്ന​തു മാ​ത്ര​മാ​ണ് ല​ക്ഷ്യം. പ​ണ​ത്തെ​ക്കു​റി​ച്ച് ആ​ശ​ങ്ക​പ്പെ​ട്ടി​ട്ട് കാ​ര്യ​മി​ല്ലെ​ന്നും സ​ണ്ണി ജോ​സ​ഫ് വ്യ​ക്ത​മാ​ക്കി.

Tags : Power Cut State Today KSEB Kerala