Deepika
ADVERTISEMENT
തിരുവനന്തപുരം: വി.ഡി. സതീശന്റെ നേതൃത്വത്തിലുള്ള യുഡിഎഫ് സര്ക്കാരിന്റെ വകുപ്പുകളിലെ തര്ക്കം തീര്ന്നു. വകുപ്പ് വിഭജനം പൂര്ത്തിയാക്കി പട്ടിക മുഖ്യമന്ത്രി വി.ഡി. സതീശന് ഗവര്ണര്ക്ക് കൈമാറി. 42 വകുപ്പുകളടങ്ങിയ പട്ടികയാണ് മുഖ്യമന്ത്രി വി.ഡി.സതീശന് ഗവര്ണര് രാജേന്ദ്ര വിശ്വനാഥ് അര്ലേക്കര്ക്ക് കൈമാറിയിരിക്കുന്നത്.
കഴിഞ്ഞ മൂന്ന് ദിവസത്തെ ചര്ച്ചകള്ക്ക് ശേഷം ചൊവ്വാഴ്ച രാത്രിയിലാണ് വകുപ്പുകളുടെ കാര്യത്തില് അന്തിമ തീരുമാനമായത്. എഐസിസി നേതൃത്വത്തിന്റെ അംഗീകാരത്തോടെ ഇന്ന് രാവിലെയാണ് മുഖ്യമന്ത്രി വകുപ്പുകളുടെ പട്ടിക ഗവര്ണര്ക്ക് കൈമാറിയത്. നിയമാനുസൃതമായ നടപടികള് പൂര്ത്തിയാക്കി ഗസറ്റില് പ്രസിദ്ധീകരിച്ചുകൊണ്ടുള്ള ഉത്തരവ് ഉടന് പുറത്തിറങ്ങും.
ഉന്നത വിദ്യാഭ്യാസം, ഫിഷറീസ് വകുപ്പുകളുടെ കാര്യത്തിലാണ് തര്ക്കം നിലനിന്നിരുന്നത്. ഉന്നത വിദ്യാഭ്യാസ വകുപ്പ് മുസ്ലിം ലീഗിന്റെ പക്കലായിരുന്നു. ഇത് വിട്ടുനല്കണമെങ്കില് ഫിഷറീസ് നല്കണമെന്ന് ലീഗ് നിലപാട് സ്വീകരിച്ചിരുന്നു.
എന്നാല് ഫിഷറീസ് വകുപ്പ് കോണ്ഗ്രസ് ഏറ്റെടുക്കണമെന്നും കടലിനെ അറിയുന്നയാളായിരിക്കണം വകുപ്പ് കൈകാര്യം ചെയ്യേണ്ടതെന്ന് ലത്തീന് സഭ നിലപാട് സ്വീകരിച്ചിരുന്നു. ഫിഷറീസ് വകുപ്പ് വിട്ടുനല്കരുതെന്ന് കോണ്ഗ്രസിലെ ചില നേതാക്കള് നിലപാട് സ്വീകരിച്ചിരുന്നു.
ലത്തീന് സമുദായത്തില് നിന്നും കോണ്ഗ്രസ് ആരെയും മന്ത്രിയാക്കാത്തതിലെ അതൃപ്തിയും സഭാ നേതൃത്വം കോണ്ഗ്രസിനെ അറിയിച്ചിരുന്നു. ഇത് സംബന്ധിച്ച് കഴിഞ്ഞ രണ്ട് ദിവസമായി മുഖ്യമന്ത്രി സഭാ നേതൃത്വവുമായും ലീഗ് നേതൃത്വവുമായും നടത്തിയ ചര്ച്ചകള്ക്കൊടുവിലാണ് തര്ക്കപരിഹാരമായത്.
നിലവില് മുഖ്യമന്ത്രി ഉള്പ്പെടെയുള്ള മന്ത്രിമാര് കൈകാര്യം ചെയ്യുന്ന വകുപ്പുകള് താഴെ പറയുന്ന പ്രകാരമാണ്.
Tags : Kerala Ministers portfolios VD Satheesan
ADVERTISEMENT
ADVERTISEMENT
ADVERTISEMENT
ADVERTISEMENT
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN
Email
Facebook
Whatsapp
Linked In
Telegram