പൂ​ന്തു​റ​യി​ല്‍ ഇ​രു​സംഘങ്ങൾ ഏ​റ്റു​മു​ട്ടി; നാലുപേ​ര്‍​ക്കു പ​രിക്ക്
Thursday, May 9, 2024 2:08 AM IST
പൂ​ന്തു​റ: മ​ദ്യാ​പാ​ന​ത്തി​നി​ടെ​യു​ണ്ടാ​യ വാ​ക്കു​ത​ര്‍​ക്ക​ത്തി​ല്‍ ഇ​രു​കൂ​ട്ട​ര്‍ ത​മ്മി​ല്‍ ഏ​റ്റു​മു​ട്ടി. ബു​ധ​നാ​ഴ്ച ഉ​ച്ച​യോ​ടു​കൂ​ടി കിഴ​ക്കേ​കോ​ട്ട​യ്ക്കു സ​മീ​പ​ത്തു​ള്ള ബാ​റി​ല്‍നി​ന്നും മ​ദ്യ​പി​ച്ചി​റ​ങ്ങി​യ ര​ണ്ടു സംഘത്തിലെ യു​വാ​ക്ക​ള്‍ ത​മ്മി​ല്‍ റോ​ഡി​ല്‍ ത​ര്‍​ക്ക​മു​ണ്ടാ​യിരുന്നു.

പിന്നീട് ഫോ​ര്‍​ട്ട് പോ​ലീ​സ് സ്റ്റേ​ഷ​ന്‍ പ​രി​ധി​യി​ല്‍ എം​എ​ല്‍​എ റോ​ഡി​ല്‍വച്ചും സംഘാംഗങ്ങൾ തമ്മിൽ വാ​ക്കേ​റ്റ​മു​ണ്ടാ​യി. അ​വി​ടെനി​ന്നും ഇ​രു​കൂ​ട്ട​രും ശ്രീ​വ​രാ​ഹം ക്ഷേ​ത്ര​ത്തി​നു സ​മീ​പ​ത്തെ​ത്തു​ക​യും വീ​ണ്ടും വാ​ക്കേ​റ്റ​മു​ണ്ടാ​വു​കയും ചെയ്തു. തു​ട​ര്‍​ന്ന് ഒ​രു സം​ഘ​ത്തി​ലു​ണ്ടാ​യി​രു​ന്ന വ​ള്ള​ക്ക​ട​വ് സ്വ​ദേ​ശി സ​ഖീ​റി​നെ മ​റു​സം​ഘ​മെ​ത്തി​യ കാ​റി​ല്‍ ബ​ലം​പ്ര​യോ​ഗി​ച്ച് ക​യ​റ്റാ​ന്‍ ശ്ര​മി​ച്ച​താ​യും പോ​ലീ​സ് പ​റ​യുന്നു.

ഇ​തേ​ത്തു​ട​ര്‍​ന്ന് സ​ഖീ​ര്‍ വള്ള ക്ക​ട​വ് ബോ​ട്ടു​പു​ര​യ്ക്കു സ​മീ​പം താ​മ​സി​ക്കു​ന്ന ഇ​യാ​ളു​ടെ ബ​ന്ധു​വാ​യ നി​യാ​സി​നെ വി​വ​ര​മ​റി​യി​ക്കു​ക​യും തു​ട​ര്‍​ന്നു നി​യാ​സി​ന്‍റെ കാ​രാ​ളി​യി​ലു​ള​ള സു​ഹൃ​ത്തു​ക്ക​ള്‍ സം​ഘം ചേ​ര്‍​ന്നു മു​ട്ട​ത്ത​റ ബി​വ​റേ​ജ​സി​നു സ​മീ​പം എ​ത്തു​ക​യുമായി​രു​ന്നു. അ​വി​ടെ വ​ച്ച് കാ​റി​ലെ​ത്തി​യ ആ​ദ്യസം​ഘ​ത്തെ കാ​ണു​ക​യും സ​ഖീ​റും നീ​യാ​സും കാ​രാ​ളി​യി​ല്‍ നി​ന്നെ​ത്തി​യ​ സു​ഹൃ​ത്തു​ക്ക​ളും ചേ​ര്‍​ന്ന് കാർ അ​ടി​ച്ചു ത​ക​ര്‍​ക്കു​ക​യും അ​തി​ലു​ണ്ടാ​യി​രു​ന്ന സം​ഘ​ത്തെ മ​ര്‍​ദിക്കു​ക​യും ചെ​യ്ത​താ​യി മ​ര്‍​ദന​മേ​റ്റ​വ​ര്‍ പൂ​ന്തു​റ പോ​ലീ​സി​ല്‍ പ​രാ​തി ന​ല്‍​കിയിരുന്നു.

പൂ​ന്തു​റ സ്വ​ദേ​ശി​ക​ളാ​യ ശ​ക്തി​ധ​ര​ന്‍, സ​തീ​ഷ്, പൊ​ടി​യ​ന്‍, ബാ​ബു എ​ന്നി​വ​ര്‍​ക്കാ​ണ് മ​ര്‍​ദ​ന​മേ​റ്റ​ത്. ഇ​വ​ര്‍ ന​ല്‍​കി​യ പ​രാ​തി​യു​ടെ അ​ടി​സ്ഥാ​ന​ത്തി​ല്‍ പോ​ലീ​സ് എ​തി​ര്‍ സം​ഘ​ത്തി​ലു​ണ്ടാ​യി​രു​ന്ന നി​യാ​സി​നെ​യും അ​ന​സി​നെ​യും ക​സ്റ്റ​ഡി​യി​ലെ​ടുത്തു.

Copyright @ 2022 , Rashtra Deepika Ltd.