ക​ഠി​നാ​ധ്വാ​ന​ത്തി​ന് "ഇ​ര​ട്ട' മ​ധു​രം
Thursday, May 9, 2024 4:16 AM IST
കൊ​ച്ചി: പ​ഠ​ന​ത്തി​ന് പ​ണം ക​ണ്ടെ​ത്താ​ന്‍ വീ​ട്ടു​കാ​രെ ബു​ദ്ധി​മു​ട്ടി​ക്കാ​തെ പു​ല​ര്‍​ച്ചെ പ​ത്ര​വി​ത​ര​ണം, ശേ​ഷം കി​ട്ടി​യ ചു​രു​ങ്ങി​യ സ​മ​യ​ത്ത് മ​ന​സി​രു​ത്തി​യു​ള്ള പ​ഠ​നം. എ​സ്എ​സ്എ​ല്‍​സി പ​രീ​ക്ഷ​യു​ടെ ഫ​ലം വ​ന്ന​പ്പോ​ള്‍ ഇ​ര​ട്ടി മ​ധു​ര​ത്തി​ന്‍റെ സ​ന്തോ​ഷ​ത്തി​ലാ​ണ് ഉ​ണ്ണി​ച്ചി​റ കൂ​രേ​ലി വീ​ട്.

ഇ​ര​ട്ട​ക​ളാ​യ ആ​ല്‍​വി​നും അ​ശ്വി​നും ഒ​ന്പ​താം ക്ലാ​സ് പ​രീ​ക്ഷ​യ്ക്കു ശേ​ഷ​മു​ള്ള അ​വ​ധി​ക്ക് ചെ​റി​യൊ​രു വ​രു​മാ​ന​ത്തി​നാ​യി തു​ട​ങ്ങി​യ​താ​ണ് പ​ത്ര​വി​ത​ര​ണം. പ​ത്താം ക്ലാ​സ് പ​ഠ​നം തു​ട​ങ്ങി​യ​പ്പോ​ഴും പ​ത്ര​വി​ത​ര​ണം ഉ​പേ​ക്ഷി​ച്ചി​ല്ല. എ​സ്എ​സ്എ​ല്‍​സി പ​രീ​ക്ഷാ ദി​വ​സ​ത്തി​ലും പ​ത്ര​വി​ത​ര​ണ​ത്തി​ന് ശേ​ഷ​മാ​ണ് പ​രീ​ക്ഷാ ഹാ​ളി​ലേ​ക്ക് പോ​യ​ത്. ഫ​ലം വ​ന്ന​പ്പോ​ള്‍ ആ​ല്‍​വി​ല്‍ ഡേ​വി​ഡി​ന് എ​ല്ലാ വി​ഷ​യ​ങ്ങ​ള്‍​ക്കും എ ​പ്ല​സ്. ആ​ശ്വി​ന്‍ ഡേ​വി​ഡി​ന് ഒ​ന്പ​ത് വി​ഷ​യ​ങ്ങ​ളി​ല്‍ എ ​പ്ല​സ് സ്വ​ന്ത​മാ​ക്കി.

ഇ​ട​പ്പ​ള്ളി സെ​ന്‍റ് ജോ​ര്‍​ജ് സ്‌​കൂ​ളി​ലെ വി​ദ്യാ​ര്‍​ഥി​ക​ളാ​ണ് ഇ​രു​വ​രും. അ​ച്ഛ​ന്‍ കെ.​വി. ഡേ​വി​ഡ് ര​ണ്ടു​വ​ര്‍​ഷം മു​ന്പ് മ​രി​ച്ചു. അ​മ്മ നി​ഷ​യാ​യി​രു​ന്നു ഇ​രു​വ​രു​ടെ​യും ഏ​ക ആ​ശ്ര​യം.

ചെ​റി​യ വ​രു​മാ​നം മാ​ത്ര​മു​ള്ള അ​മ്മ​യെ പ​ഠ​ന​ച്ചെ​ല​വി​ലെ​ങ്കി​ലും കൈ​ത്താ​ങ്ങാ​ക​ണ​മെ​ന്ന ചി​ന്ത​യി​ലാ​ണ് ആ​ല്‍​വി​നും അ​ശ്വി​നും സ്വ​ന്ത​മാ​യി വ​രു​മാ​നം ക​ണ്ടെ​ത്താ​ന്‍ തു​ട​ങ്ങി​യ​ത്. തു​ട​ര്‍​പ​ഠ​ന കാ​ല​ത്തും വി​ദ്യാ​ഭ്യാ​സ ചെ​ല​വി​നു​ള്ള പ​ണം സ്വ​ന്ത​മാ​യി ക​ണ്ടെ​ത്ത​ണ​മെ​ന്നാ​ണ് ആ​ല്‍​വി​ന്‍റെ​യും അ​ശ്വി​ന്‍റെ​യും തീ​രു​മാ​നം.

Copyright @ 2022 , Rashtra Deepika Ltd.