ജമ്മു: ജമ്മു കാഷ്മീരിലെ ഭീകരവിരുദ്ധ നടപടികൾ ഊർജിതമാക്കി പോലീസ്. പ്രാദേശിക ഭീകരരെയും ഇവർക്ക് സഹായങ്ങൾ എത്തിക്കുന്നവരെയുമാണു ലക്ഷ്യം വയ്ക്കുന്നത്.
റാംബൻ, കിഷ്ത്വാർ, കഠുവ, ദോദ, പൂഞ്ച്, രജോരി എന്നീ ജില്ലകളിൽ വ്യാപക തെരച്ചിലുകളാണ് നടക്കുന്നത്. ദോഡ ജില്ലയിൽ നിരവധി പേരെ വിളിച്ചുവരുത്തി ചോദ്യംചെയ്തു. തണുപ്പുകാലത്ത് ഭീകരർ സമതലപ്രദേശങ്ങളിൽ സുരക്ഷിത താവളങ്ങൾ കണ്ടെത്താനൊരുങ്ങുന്നതായി ഇന്റലിജൻസ് റിപ്പോർട്ടുകളുണ്ട്.
പോലീസിനോടൊപ്പം സൈന്യവും സിആർപിഎഫും തെരച്ചിലിൽ പങ്കാളികളായി. പാക് അധീന കാഷ്മീരിൽ താമസിക്കുന്ന ഒരു അംഗമെങ്കിലുമുള്ള കുടുംബങ്ങളുടെ 25 വീടുകളാണ് ദോഡയിൽ പരിശോധിച്ചത്. നിരവധി മൊബൈൽ ഫോണുകളും പോലീസ് സംഘം പിടിച്ചെടുത്തിട്ടുണ്ട്.
Tags : Anti-terror operations