1

വി​ശാ​ഖ​പ​ട്ട​ണം: ആ​ന്ധ്രാ​പ്ര​ദേ​ശി​ലെ അ​ന​ന്ത​പൂ​രി​ൽ കൃ​ഷി​യി​ട​ത്തി​ൽ ക​ത്തി​ക്ക​രി​ഞ്ഞ നി​ല​യി​ൽ മൃ​ത​ദേ​ഹം ക​ണ്ടെ​ത്തി​യ സം​ഭ​വം കൊ​ല​പാ​ത​ക​മെ​ന്ന് തെ​ളി​ഞ്ഞു. സം​ഭ​വ​സ്ഥ​ല​ത്തു​നി​ന്ന് ല​ഭി​ച്ച പ​പ്പ​ട പാ​യ്ക്ക​റ്റാ​ണ് കേ​സി​ൽ നി​ർ​ണാ​യ​ക​മാ​യ​തെ​ന്ന് ആ​ന്ധ്രാ പോ​ലീ​സ് പ​റ​ഞ്ഞു. കേ​സി​ൽ ക​ർ​ണാ​ട​ക​യി​ലെ ബ​ല്ലാ​രി ജി​ല്ല​ക്കാ​രാ​യ ബ​സ​വ​രാ​ജു (31), കോ​ട്രേ​ഷ് (36) എ​ന്നി​വ​രെ അ​ന​ന്ത​പൂ​ർ രാ​യ​ദു​ർ​ഗം പോ​ലീ​സ് അ​റ​സ്റ്റ് ചെ​യ്തു.

ക​ഴി​ഞ്ഞ 23നാ​ണ് അ​ന​ന്ത​പൂ​ർ ജി​ല്ല​യി​ലെ പു​ലാ​കു​ർ​ത്തി ഗ്രാ​മ​ത്തി​ലെ ഒ​രു കൃ​ഷി​യി​ട​ത്തി​ൽ തി​രി​ച്ച​റി​യാ​ൻ ക​ഴി​യാ​ത്ത​വി​ധം ക​ത്തി​ക്ക​രി​ഞ്ഞ നി​ല​യി​ൽ പു​രു​ഷ​ന്‍റെ മൃ​ത​ദേ​ഹം ക​ണ്ടെ​ത്തി​യ​ത്. തു​ട​ർ​ന്ന് മൃ​ത​ദേ​ഹം ക​ണ്ടെ​ത്തി​യ സ്ഥ​ല​ത്ത് പോ​ലീ​സ് ന​ട​ത്തി​യ വി​ശ​ദ​മാ​യ പ​രി​ശോ​ധ​ന​യി​ൽ ഭാ​ഗി​ക​മാ​യി ക​ത്തി​യ ഒ​രു ക​ന്ന​ഡ പ​ത്രം, വ​സ്ത്ര​ങ്ങ​ൾ, പൂ​ണൂ​ൽ, പ​പ്പ​ട പാ​ക്ക​റ്റ് എ​ന്നി​വ ക​ണ്ടെ​ടു​ത്തു.

ഈ ​പ​പ്പ​ട പാ​ക്ക​റ്റാ​ണ് അ​ന്വേ​ഷ​ണ​ത്തി​ൽ വ​ഴി​ത്തി​രി​വാ​യ​ത്. പ​പ്പ​ട​ത്തി​ന്‍റെ നി​ർ​മാ​താ​ക്ക​ൾ ചെ​ന്നൈ​യി​ലാ​ണെ​ന്ന് ക​ണ്ടെ​ത്തി​യ പോ​ലീ​സ്, ഇ​തി​ന്‍റെ വി​ത​ര​ണ​ക്കാ​ർ ബെ​ല്ലാ​രി​യി​ലു​ണ്ടെ​ന്ന് സ്ഥി​രീ​ക​രി​ച്ചു. തു​ട​ർ​ന്ന് അ​വി​ടെ ന​ട​ത്തി​യ അ​ന്വേ​ഷ​ണ​ത്തി​ലാ​ണ് ക​ഴി​ഞ്ഞ കു​റ​ച്ചു ദി​വ​സ​ങ്ങ​ളാ​യി ഗു​രു​രാ​ജു റാ​വു എ​ന്ന സം​സാ​ര​ശേ​ഷി​യും കേ​ൾ​വി​ശ​ക്തി​യു​മി​ല്ലാ​ത്ത പ​പ്പ​ട വ്യാ​പാ​രി​യെ കാ​ണാ​നി​ല്ലെ​ന്ന വി​വ​രം പോ​ലീ​സ് അ​റി​യു​ന്ന​ത്.

ഇ​തേ​ത്തു​ട​ർ​ന്ന് ന​ട​ത്തി​യ വി​ശ​ദ​മാ​യ പ​രി​ശോ​ധ​ന​യി​ലാ​ണ് മൃ​ത​ദേ​ഹം ഗു​രു​രാ​ജു​വി​ന്‍റേ​താ​ണെ​ന്ന് സ്ഥി​രീ​ക​രി​ച്ച​ത്. കൊ​ല​പാ​ത​ക​ത്തി​ന് ശേ​ഷം പ്ര​തി​ക​ൾ ഗു​രു​രാ​ജു​വി​ന്‍റെ എ​ടി​എം കാ​ർ​ഡ് ഉ​പ​യോ​ഗി​ച്ച് പ​ണം പി​ൻ​വ​ലി​ച്ച​താ​യി അ​ന്വേ​ഷ​ണ​സം​ഘം ക​ണ്ടെ​ത്തി​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ എ​ടി​എം കൗ​ണ്ട​റു​ക​ളി​ലെ സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ച്ചാ​ണ് പോ​ലീ​സ് പ്ര​തി​ക​ളെ തി​രി​ച്ച​റി​ഞ്ഞ​തും അ​റ​സ്റ്റ് ചെ​യ്ത​തും.

Tags : Burnt Body Papad Packet Murder Case Andhra Arrest Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash