6

1937-ൽ, ആദ്യമായി ​ഇ​ല​ക്‌ട്രിക് മോ​ട്ടോ​ർ നി​ർമിച്ച് ഇന്ത്യയെ ഞെട്ടിച്ച മനുഷ്യൻ! 1921-ൽ ​ഒ​രൊ​റ്റ ബ​സു​മാ​യി ആ​രം​ഭി​ച്ച്, ചു​രു​ങ്ങി​യ കാ​ലം കൊ​ണ്ട് 280 ബ​സുക​ളു​ള്ള യു​ണൈ​റ്റ​ഡ് മോ​ട്ടോ​ർ സ​ർ​വീ​സ​സ് (യുഎംഎസ്) എന്ന സാമ്രാജ്യം സ്ഥാപിച്ച ദീർഘദർശിയായ വ്യവസായി! നി​ത്യ​ജീ​വി​ത​ത്തി​ൽ നാം ​ഉ​പ​യോ​ഗി​ക്കു​ന്ന പ​ല സാ​ങ്കേ​തി​കവി​ദ്യ​ക​ളും ഇ​ന്ത്യ​യി​ൽ ആ​ദ്യ​മാ​യി, ത​ദ്ദേ​ശീ​യ​മാ​യി വി​ക​സി​പ്പി​ച്ചെ​ടു​ത്ത അതുല്യ ശാസ്ത്രപ്രതിഭ! ബ്രിട്ടീഷ് കന്പനികളെ വെല്ലുവിളിച്ച കരുത്തൻ! ജനം അദ്ദേഹത്തെ ഇന്ത്യൻ എഡിസൺ എന്നു വിളിച്ചു. തമിഴ്നാട് കോയന്പത്തൂരിലെ ചെറിയ ഗ്രാമത്തിൽ ജനിച്ചുവളർന്ന ഗോ​പാ​ല​സ്വാ​മി ദൊ​രൈ​സ്വാ​മി നാ​യി​ഡു എ​ന്ന ജി.​ഡി. നാ​യി​ഡുവിന്‍റെ ജീവിതം വിസ്മയസഞ്ചാരമാണ്!

വരും തലമുറകൾക്കായി ജി.ഡി. നായിഡുവിന്‍റെ ജീവിതം സിനിമയാകുകയാണ്. ജിഡിഎൻ - എന്നാണ് ചിത്രത്തിന്‍റെ പേര്. തമിഴകത്തിന്‍റെ പ്രിയതാരം ആർ. മാധവനാണ് ജി.ഡി. നായിഡുമായി പകർന്നാടുന്നത്. കോയന്പത്തൂരിൽ അതിഗംഭീരമായ ചടങ്ങിൽ ചിത്രത്തിന്‍റെ ട്രെയിലർ റിലീസ് ചെയ്തിരുന്നു. ചടങ്ങിൽ മാധവൻ പറഞ്ഞ വാക്കുകൾ സമൂഹമാധ്യമങ്ങളിൽ തരംഗമായി മാറി. അവാർഡ് അല്ല ലക്ഷ്യമെന്നും, കണ്ടുപിടിത്തങ്ങളുടെ രാജാവിന്‍റെ യഥാർഥജീവിതം സ്വന്തം നാട്ടുകാർ മനസിലാക്കണമെന്നുമാണ് മാധവൻ പറഞ്ഞത്.

ഗോ​പാ​ല​സ്വാ​മി ദൊ​രൈ​സ്വാ​മി നാ​യി​ഡുവിന്‍റെ ജീവിതം വിസ്മൃതിയിലേക്കു മറയുന്നതല്ല. അറിവിന്‍റെ ആ വെളിച്ചം അനശ്വരമായി ജ്വലിച്ചുനിൽക്കും. ബ്രിട്ടീഷുകാർ ഇന്ത്യ ഭരിച്ചിരുന്നകാലത്ത് നിരവധി പ്രതികൂല സാഹചര്യങ്ങളെ അതിജീവിച്ചാണ് അദ്ദേഹം ലോകം അറിയപ്പെടുന്ന പ്രതിഭയായി മാറിയത്. നി​ത്യ​ജീ​വി​ത​ത്തി​ൽ നാം ​ഉ​പ​യോ​ഗി​ക്കു​ന്ന പ​ല ആധുനിക സാ​ങ്കേ​തി​ക വി​ദ്യ​ക​ളും രാജ്യത്ത് ആ​ദ്യ​മാ​യി, ത​ദ്ദേ​ശീ​യ​മാ​യി വി​ക​സി​പ്പി​ച്ചെ​ടു​ത്ത, എ​ന്നാ​ൽ കാ​ല​ത്തി​ന്‍റെ കു​ത്തൊ​ഴു​ക്കി​ൽ വി​സ്മൃ​തി​യി​ലാ​ണ്ടു​പോ​യ പ്രതിഭയാണ് നായിഡു. കോയന്പ​ത്തൂ​രിന്‍റെ സ​മ്പ​ത്തികശിൽപ്പിയായും അ​റി​യ​പ്പെ​ടു​ന്ന അ​ദ്ദേ​ഹം, ശാ​സ്ത്ര-​സാ​ങ്കേ​തി​ക-​വ്യ​വ​സാ​യ മേ​ഖ​ല​ക​ളി​ൽ വി​പ്ല​വം സൃ​ഷ്ടി​ച്ച അ​സാ​ധാ​ര​ണ വ്യ​ക്തി​ത്വ​മാ​യി​രു​ന്നു.

1921-ൽ ​ഒ​രൊ​റ്റ ബ​സു​മാ​യി ആ​രം​ഭി​ച്ച്, ചു​രു​ങ്ങി​യ കാ​ലത്തിനുള്ളിൽ 280 ബ​സു​ക​ളു​ള്ള യു​ണൈ​റ്റ​ഡ് മോ​ട്ടോ​ർ സ​ർ​വീ​സ​സ് എ​ന്ന വ​മ്പ​ൻ ഗ​താ​ഗ​ത ശൃം​ഖ​ല കെ​ട്ടി​പ്പ​ടു​ത്ത്, രാജ്യമാകെ ശ്രദ്ധ പിടിച്ചുപറ്റിയതാണ് നായിഡുവിന്‍റെ ട്രാൻസ്പോർട്ടിംഗ് കന്പനി. എ​ൻജിൻ പ്ര​വ​ർ​ത്തി​ക്കു​ന്ന ശ​ബ്ദം കേ​ട്ടു​മാ​ത്രം വാ​ഹ​ന​ത്തിന്‍റെ ത​ക​രാ​റു​ക​ൾ തി​രി​ച്ച​റി​യാ​ൻ സാ​ധി​ച്ചി​രു​ന്ന അ​സാ​ധ്യ​മാ​യ നി​രീ​ക്ഷ​ണ​പാ​ട​വം നാ​യി​ഡു​വി​നു​ണ്ടാ​യി​രു​ന്നു.

ക​ണ്ടെ​ത്ത​ലു​ക​ളു​ടെ നീ​ണ്ടനി​ര
1937-ൽ ​ഇ​ന്ത്യ​യി​ലെ ആ​ദ്യ​ത്തെ ഇ​ല​ക്‌ട്രിക് മോ​ട്ടോ​ർ നി​ർമിച്ചു​കൊ​ണ്ട് അ​ദ്ദേ​ഹം ച​രി​ത്രം കു​റി​ച്ചു. വി​ദേ​ശ​യാ​ത്ര​യ്ക്കി​ട​യി​ൽ ഒ​രു ക​ളി​പ്പാ​ട്ട കാ​റി​ന്‍റെ മോ​ട്ടോ​റി​ൽ ബ്ലേ​ഡ് ഘ​ടി​പ്പി​ച്ച് പ​രീ​ക്ഷ​ണ​ങ്ങ​ൾ ന​ട​ത്തി​യാ​ണ് അ​ദ്ദേ​ഹം ര​സ​ന്ത് -എ​ന്ന പ്ര​ശ​സ്ത​മാ​യ ഇ​ല​ക്‌ട്രിക് ഷേ​വ​ർ ക​ണ്ടു​പി​ടി​ച്ച​ത്. ഫി​ലിം ക്യാ​മ​റ​ക​ൾ​ക്കാ​യു​ള്ള ഡി​സ്റ്റ​ൻ​സ് അ​ഡ്ജ​സ്റ്റ​ർ, കൃ​ത്രി​മ​മാ​യി വോ​ട്ട് രേ​ഖ​പ്പെ​ടു​ത്തു​ന്ന​ത് ത​ട​യു​ന്ന വോ​ട്ടിം​ഗ് മെ​ഷീ​ൻ, ഫ്രൂ​ട്ട് ജ്യൂ​സ് എ​ക്‌​സ്‌​ട്രാ​ക്റ്റ​ർ തു​ട​ങ്ങി അ​ദ്ദേ​ഹ​ത്തി​ന്‍റെ ക​ണ്ടു​പി​ടി​ത്ത​ങ്ങ​ളു​ടെ പ​ട്ടി​ക നീ​ളു​ന്നു.

വി​ല​കു​റ​ഞ്ഞ റേ​ഡി​യോ​യും കാ​റും
റേ​ഡി​യോ എ​ന്ന​ത് സാ​ധാ​ര​ണ​ക്കാ​ർ​ക്ക് അ​പ്രാ​പ്യ​മാ​യ ആ​ഡം​ബ​ര​മാ​യി​രു​ന്ന കാ​ല​ത്ത് (ഏ​ക​ദേ​ശം 175 രൂ​പ വി​ല​യു​ള്ള​പ്പോ​ൾ), വെ​റും 70 രൂ​പ​യ്ക്ക് അ​ഞ്ച് വാ​ൽ​വു​ക​ളു​ള്ള റേ​ഡി​യോ സെ​റ്റു​ക​ൾ നി​ർ​മി​ച്ച് നാ​യി​ഡു ജ​ന​ങ്ങ​ളെ അ​ത്ഭു​ത​പ്പെ​ടു​ത്തി. 1952-ൽ ​വെ​റും 2,000 രൂ​പ​യ്ക്ക് ര​ണ്ട് സീ​റ്റു​ക​ളു​ള്ള പെ​ട്രോ​ൾ കാ​റും അ​ദ്ദേ​ഹം വി​ക​സി​പ്പി​ച്ചെ​ടു​ത്തു. എ​ന്നാ​ൽ അ​ന്ന​ത്തെ സ​ർ​ക്കാ​രി​ന്‍റെ ഭാ​ഗ​ത്തു​നി​ന്നു​ണ്ടാ​യ നി​സഹ​ക​ര​ണ​വും ലൈ​സ​ൻ​സ് നി​ഷേ​ധ​വും കാ​ര​ണം ഈ ​പ​ദ്ധ​തി​ക​ൾ​ക്ക് തു​ട​ർ​ച്ച​യു​ണ്ടാ​യി​ല്ല എ​ന്ന​ത് രാ​ജ്യ​ത്തി​നുത​ന്നെ വ​ലി​യൊ​രു ന​ഷ്ട​മാ​യി മാ​റി.

കാർഷികരംഗത്തെ അദ്ഭുതങ്ങൾ
കാർഷികപ​ശ്ചാ​ത്ത​ലത്തിൽ വളർന്ന നായിഡു, കാ​ർ​ഷി​ക രം​ഗ​ത്തും അ​ത്ഭു​ത​ങ്ങ​ൾ സൃ​ഷ്ടി​ച്ചു. പ​ത്ത​ടി ഉ​യ​ര​ത്തി​ൽ വ​ള​രു​ന്ന പ​രു​ത്തി​ച്ചെ​ടി​ക​ളും, ഉ​യ​ർ​ന്ന വി​ള​വ് ത​രു​ന്ന തി​ന വ​ർഗ​ങ്ങ​ളും, സ​സ്യ​ങ്ങ​ൾ​ക്കാ​യു​ള്ള പ്ര​ത്യേ​ക ഇ​ൻ​ജ​ക്ഷ​നു​ക​ളും അ​ദ്ദേ​ഹം വി​ക​സി​പ്പി​ച്ചെ​ടു​ത്തു. കെ​ട്ടി​ട നി​ർമാ​ണ രം​ഗ​ത്തും വി​പ്ല​വം സൃ​ഷ്ടി​ച്ച നായിഡു, മ​ണി​ക്കൂ​റുകൾ കൊ​ണ്ട് ത​റ​ക്ക​ല്ലി​ട​ൽ മു​ത​ൽ പൂ​ർ​ത്തീ​ക​ര​ണം വ​രെ​യു​ള്ള ഒ​രു വീ​ട് നി​ർ​മി​ച്ച് കാ​ണി​ച്ചു​കൊ​ടു​ത്തു.

1944-ൽ ​സ​ജീ​വ ബി​സി​ന​സ് രം​ഗ​ത്തു​നി​ന്ന് വി​ര​മി​ച്ച അ​ദ്ദേ​ഹം തന്‍റെ സ​മ്പ​ത്ത് മു​ഴു​വ​ൻ പൊ​തു​ക്ഷേ​മ​ത്തി​നാ​യി വി​നി​യോ​ഗി​ച്ചു. ഇ​ന്ത്യ​യി​ലെ ആ​ദ്യ​ത്തെ പോ​ളി​ടെ​ക്നി​ക് കോളജാ​യ ആ​ർ​ത​ർ ഹോ​പ്പ് പോ​ളി​ടെ​ക്നി​ക് സ്ഥാ​പി​ക്കു​ന്ന​തി​ൽ അ​ദ്ദേ​ഹം പ്ര​ധാ​ന പ​ങ്കു​വ​ഹി​ച്ചു (ഇ​ന്നത്തെ ഗ​വ​ൺ​മെന്‍റ് കോള​ജ് ഓ​ഫ് ടെ​ക്നോ​ള​ജി - ജിസിടി എ​ന്ന​റി​യ​പ്പെ​ടു​ന്നു). മ​ഹാ​ത്മാ​ഗാ​ന്ധി, പ​ണ്ഡി​റ്റ് ജ​വ​ഹ​ർ​ലാ​ൽ നെ​ഹ്‌​റു, സു​ഭാ​ഷ് ച​ന്ദ്ര​ബോ​സ് തു​ട​ങ്ങി​യ മ​ഹ​ദ് വ്യ​ക്തി​ക​ളു​മാ​യി അ​ടു​ത്ത ബ​ന്ധം പു​ല​ർ​ത്തി​യി​രു​ന്ന അ​ദ്ദേ​ഹം ഒ​രു മി​ക​ച്ച ഫോ​ട്ടോ​ഗ്രാ​ഫ​ർ കൂ​ടി​യാ​യി​രു​ന്നു.

ല​ക്ഷ​ത്തി​ൽ ഒ​രാ​ൾ എ​ന്ന് വി​ശേ​ഷി​പ്പി​ച്ചാ​ൽ പോ​ലും അ​ത് ജി.​ഡി. നാ​യി​ഡു​വി​നെ​പ്പോ​ലൊ​രു മ​ഹാ​പ്ര​തി​ഭ​യ്ക്ക് കു​റ​ഞ്ഞു​പോ​കും. 1974-ൽ ​അ​ന്ത​രി​ച്ച ജി.​ഡി. നാ​യി​ഡു​വിന്‍റെ സം​ഭാ​വ​ന​ക​ൾ ഇ​ന്നും ന​മ്മു​ടെ നി​ത്യ​ജീ​വി​ത​ത്തെ സ്വാ​ധീ​നി​ക്കു​ന്നു​ണ്ടെ​ങ്കി​ലും, ച​രി​ത്ര​ത്തിന്‍റെ താ​ളു​ക​ളി​ൽ അ​ദ്ദേ​ഹ​ത്തിന്‍റെ പേ​ര് വേ​ണ്ട​ത്ര രേ​ഖ​പ്പെ​ടു​ത്ത​പ്പെ​ടാ​തെ പോ​യി. ഈ ​വി​സ്മ​യ പ്ര​തി​ഭ​യു​ടെ ജീ​വി​തം വ​രും​ത​ല​മു​റ​ക​ൾ​ക്ക് എ​ന്നും വഴികാട്ടിയായിരിക്കും.

Tags : G. D. Naidu GDN Movie Edison of India R. Madhavan Tamil Movie News