18

ചെ​ന്നൈ: ത​മി​ഴ്‌​നാ​ട്ടി​ലെ സ​ർ​ക്കാ​ർ രൂ​പീ​ക​ര​ണ​ത്തി​ൽ അ​നി​ശ്ചി​ത​ത്വം തു​ട​ര​വെ ടി​വി​കെ​യെ വെ​ട്ടി​ലാ​ക്കി മ​ല​ക്കം മ​റി​ഞ്ഞ് എ​എം​എം​കെ പാ​ർ​ട്ടി​യു​ടെ എം​എ​ൽ​എ​യാ​യ കാ​മ​രാ​ജ്. ടി​വി​കെ​യെ പി​ന്തു​ണ​യ്ക്കു​ന്ന ക​ത്തി​ൽ കാ​മ​രാ​ജ് ഒ​പ്പു​വ​യ്ക്കു​ന്ന വീ​ഡി​യോ ടി​വി​കെ മാ​ധ്യ​മ​ങ്ങ​ളി​ലൂ​ടെ പു​റ​ത്തു​വ​ന്നി​രു​ന്നു. എ​ന്നാ​ൽ, വീ​ഡി​യോ​യി​ൽ കാ​ണു​ന്ന ആ​ൾ താ​ൻ അ​ല്ലെ​ന്നാ​ണ് ഇ​പ്പോ​ൾ കാ​മ​രാ​ജ് പ​റ​യു​ന്ന​ത്. ടി​വി​കെ​യെ പി​ന്തു​ണ​ച്ചു​ള്ള ക​ത്തി​ൽ ഒ​പ്പി​ട്ടി​ട്ടി​ല്ലെ​ന്നും അ​ദ്ദേ​ഹം അ​റി​യി​ച്ചു.

അ​തേ​സ​മ​യം, വ്യാ​ജ​രേ​ഖ ച​മ​ച്ചെ​ന്ന കേ​സി​ൽ വി​ജ​യ്ക്കെ​തി​രെ അ​ന്വേ​ഷ​ണം വേ​ണ​മെ​ന്ന് എ​എം​എം​കെ അ​ധ്യ​ക്ഷ​ൻ ടി.​ടി.​വി. ദി​ന​ക​ര​ൻ ആ​വ​ശ്യ​പ്പെ​ട്ടു. വെ​ള്ളി​യാ​ഴ്ച ഗ​വ​ർ​ണ​റോ​ടും ടി.​ടി.​വി. ദി​ന​ക​ര​ൻ അ​ന്വേ​ഷ​ണം ആ​വ​ശ്യ​പ്പെ​ട്ടി​രു​ന്നു.

കാ​മ​രാ​ജി​ന്‍റെ പി​ന്തു​ണ​യു​ണ്ടെ​ന്ന വ്യാ​ജ​രേ​ഖ ടി​വി​കെ തയാ​റാ​ക്കി​യെ​ന്ന് ടി.​ടി.​വി. ദി​ന​ക​ര​ൻ ഗ​വ​ർ​ണ​റെ ക​ണ്ടു പ​രാ​തി​പ്പെ​ട്ടി​രു​ന്നു. ഇ​തിനു പി​ന്നാ​ലെ ടി​വി​കെ ഇ​ന്നു രാ​വി​ലെ ദൃശ്യങ്ങൾ പുറത്തുവിടുകയായിരുന്നു.

ടി.​ടി.​വി. ദി​ന​ക​ര​നാ​ണ് ത​ങ്ങ​ൾ​ക്കെ​തി​രെ വ്യാ​ജം പ്ര​ച​രി​പ്പി​ക്കു​ന്ന​തെ​ന്നും എ​എം​എം​കെ​യു​ടെ എം​എ​ൽ​എ കാ​മ​രാ​ജ് ത​ങ്ങ​ൾ​ക്ക് പി​ന്തു​ണ പ്ര​ഖ്യാ​പി​ച്ച​താ​യും ടി​വി​കെ അറിയിച്ചു. കാ​റി​ന്‍റെ മു​ൻ​സീ​റ്റി​ൽ ഇ​രുന്നു കാ​മ​രാ​ജ് പി​ന്തു​ണ​ക്ക​ത്ത് എ​ഴു​തി ന​ൽ​കു​ന്ന ദൃ​ശ്യ​ങ്ങ​ളും ടി​വി​കെ തെ​ളി​വാ​യി പു​റ​ത്തു​വി​ട്ടി​രു​ന്നു. ഇതോടെയാണ് ദൃശ്യങ്ങളിലുള്ളത് താനല്ലെന്ന വാദവുമായി കാമരാജ് രംഗത്തുവന്നത്. 

ത​മി​ഴ്‌​നാ​ട്ടി​ൽ ടി​വി​കെ​യു​ടെ സ​ർ​ക്കാ​ർ രൂ​പീ​ക​ര​ണം സം​ബ​ന്ധി​ച്ച സ​സ്പെ​ൻ​സ് നീ​ളു​ക​യാ​ണ്. സി​പി​എം, സി​പി​ഐ, വി​സി​കെ, മുസ്‌ലിം ലീ​ഗ് ക​ക്ഷി​ക​ളു​ടെ പി​ന്തു​ണ ല​ഭി​ച്ചി​ട്ടും വി​ജ​യ്ക്ക് ഇ​തേ​വ​രെ മു​ഖ്യ​മ​ന്ത്രി​യാ​യി സ​ത്യ​പ്ര​തി​ജ്ഞ ചെ​യ്യാ​ൻ അ​വ​സ​രം ല​ഭി​ച്ചി​ട്ടി​ല്ല.

Tags : tamilnadu ammk mla kamaraj letter tvk