8

ന്യൂഡൽഹി: ഇ​ന്ത്യ-​ബം​ഗ്ലാ​ദേ​ശ് ട്രെയി‌ൻ സ​ർ​വീ​സു​ക​ൾ പു​ന​രാ​രം​ഭി​ക്കു​ന്നതിനെക്കുറിച്ചുള്ള ചർച്ചകൾ പുരോഗമിക്കുന്നു. ഇ​ന്‍റ​ർ-​ഗ​വ​ൺ​മെന്‍റ​ൽ റെ​യി​ൽ​വേ മീ​റ്റിം​ഗി​ന്‍റെ ര​ണ്ടു​ദി​വ​സം നീ​ണ്ടു​നി​ൽ​ക്കു​ന്ന വാ​ർ​ഷി​കയോ​ഗ​ത്തി​ൽ അ​ന്തി​മ ച​ർ​ച്ച​ക​ൾ ന​ടത്താനാണ് ഇരുരാജ്യങ്ങളും തമ്മിലുള്ള ധാരണ.
ച​ർ​ച്ച​യി​ൽ അ​നു​കൂ​ല തീ​രു​മാ​ന​മു​ണ്ടാ​യാ​ൽ വൈകാതെ ട്രെ​യി​ൻ സർവീസുകൾ പുനരാരംഭിക്കും.

ബം​ഗ്ലാ​ദേ​ശ് ധാ​ക്ക​യിലെ ഉ​ഭ​യ​ക​ക്ഷി യോ​ഗ​ത്തി​ൽ ഇ​രു​രാ​ജ്യ​ങ്ങ​ളുടെയും റെ​യി​ൽ​വേ അ​ധി​കൃ​ത​രും മ​ന്ത്രാ​ല​യ പ്ര​തി​നി​ധി​ക​ളും പ​ങ്കെ​ടു​ക്കും. അ​തി​ർ​ത്തി ക​ട​ന്നു​ള്ള ട്രെ​യി​ൻ സ​ർ​വീ​സു​ക​ൾ, റെ​യി​ൽ​വേ ഇ​ൻ​ഫ്രാ​സ്ട്ര​ക്ച​ർ പ​ദ്ധ​തി​ക​ൾ, ച​ര​ക്കു ഗ​താ​ഗ​തം എ​ന്നി​വ​യാ​ണു പ്ര​ധാ​ന ച​ർ​ച്ചാ​വി​ഷ​യ​ങ്ങ​ൾ. 2024-ൽ ​സ​ർ​വീ​സു​ക​ൾ നി​ർ​ത്തി​വച്ച​തി​നുശേ​ഷം ഇ​താ​ദ്യ​മാ​യാ​ണ് ഈ ​വി​ഷ​യം ഔ​ദ്യോ​ഗി​ക​മാ​യി വാ​ർ​ഷി​ക യോ​ഗ​ത്തി​ന്‍റെ അ​ജ​ണ്ട​യി​ൽ ഉ​ൾ​പ്പെ​ടു​ന്നത്.

കൊ​ൽ​ക്ക​ത്ത​യി​ൽനി​ന്നു ധാ​ക്ക​യി​ലേ​ക്കു സ​ർ​വീ​സ് ന​ട​ത്തു​ന്ന മൈ​ത്രി എ​ക്സ്പ്ര​സ്, കൊ​ൽ​ക്ക​ത്ത​യെ​യും ഖു​ൽ​ന​യെ​യും ബ​ന്ധി​പ്പി​ക്കു​ന്ന ബ​ന്ധ​ൻ എ​ക്സ്പ്ര​സ്, പ​ശ്ചി​മ ബം​ഗാ​ളി​ലെ ന്യൂ ​ജ​ൽ​പാ​യ്ഗു​രി​യി​ൽനി​ന്നു ധാ​ക്ക ക​ന്‍റോ​ൺ​മെന്‍റി​ലേ​ക്കു സർവീസ് നടത്തുന്ന മി​താ​ലി എ​ക്സ്പ്ര​സ് എ​ന്നീ പ്ര​ധാ​ന സ​ർ​വീ​സു​ക​ളാ​ണു നി​ല​വി​ൽ പു​ന​രാ​രം​ഭി​ക്കാ​ൻ പദ്ധതിയിടുന്നത്. 2024-ൽ ​ബം​ഗ്ലാ​ദേ​ശി​ൽ ഉ​ണ്ടാ​യ രാ​ഷ്ട്രീ​യ അ​സ്വ​സ്ഥ​ത​ക​ളെ തു​ട​ർ​ന്നാ​ണു സ​ർ​വീ​സു​ക​ൾ നി​ർ​ത്തിവയ്ക്കേണ്ട സാഹചര്യമുണ്ടായത്.

നി​ല​വി​ലെ സ​ർ​വീ​സു​ക​ൾ പു​ന​രാ​രം​ഭി​ക്കു​ന്ന​തി​നു പു​റ​മെ ബംഗ്ലാദേശ് നഗരമായ രാ​ജ്ഷാ​ഹി​യി​ൽനി​ന്ന് കൊ​ൽ​ക്ക​ത്ത​യി​ലേ​ക്കു പു​തി​യൊ​രു പാ​സ​ഞ്ച​ർ ട്രെ​യി​ൻ സ​ർ​വീ​സ് ആ​രം​ഭി​ക്കാ​നും ബം​ഗ്ലാ​ദേ​ശ് യോ​ഗ​ത്തി​ൽ നി​ർ​ദേ​ശം വ​യ്ക്കും. കൂ​ടാ​തെ മൈ​ത്രി എ​ക്സ്പ്ര​സിന്‍റെ നി​ല​വി​ലെ റൂ​ട്ട് മാ​റ്റി പ​ദ്മ പാ​ലം വ​ഴി തി​രി​ച്ചു​വി​ടാ​നും അ​വ​ർ നി​ർദേ​ശി​ച്ചേ​ക്കും.

ച​ര​ക്കു ഗ​താ​ഗ​ത​ത്തോ​ടൊ​പ്പം ഇ​ന്ത്യ ന​ൽ​കു​ന്ന സാ​മ്പ​ത്തി​ക സ​ഹാ​യ​ത്തോ​ടെ ന​ട​പ്പാ​ക്കു​ന്ന റെ​യി​ൽ​വി​ക​സ​ന പ​ദ്ധ​തി​ക​ളും ച​ർ​ച്ച​യാ​കുന്നുണ്ട്. ബം​ഗ്ലാ​ദേ​ശ് റെ​യി​ൽ​വേ​യു​ടെ ന​വീ​ക​ര​ണ​ത്തി​നാ​യി ഇ​ന്ത്യ നി​ർമി​ക്കു​ന്ന 200 ബ്രോ​ഡ്‌​ഗേ​ജ് കോ​ച്ചു​ക​ളി​ൽ ആ​ദ്യ​ത്തെ 19 എ​ൽ​എ​ച്ച്ബി കോ​ച്ചു​ക​ൾ പ​ഞ്ചാ​ബി​ലെ ക​പു​ർ​ത്ത​ല ഫാ​ക്ട​റി​യി​ൽനി​ന്നു പു​റ​ത്തി​റ​ക്കി​യി​ട്ടു​ണ്ട്. 915 കോ​ടി രൂ​പ​യു​ടെ ഈ ​പ​ദ്ധ​തി അടുത്തവർഷം ഡി​സം​ബ​റോ​ടെ പൂ​ർ​ത്തി​യാ​കു​മെ​ന്നാ​ണു പ്ര​തീ​ക്ഷി​ക്കു​ന്ന​ത്.

Tags : NationalNews India Bangladesh RailwayServices IGRM