8

ല​ക്നോ: റീ​ൽ ചി​ത്രീ​ക​രി​ക്കാ​നാ​യി ഡാ​മി​ലേ​ക്ക് ചാ​ടി​യ യു​വാ​വിന് പരിക്ക്. ഉ​ത്ത​ർ​പ്ര​ദേ​ശി​ലെ ജാ​ൻ​സി​യി​ലു​ള്ള പ​ഹൂ​ജ് ഡാ​മി​ൽ 30 അ​ടി​യോ​ളം ഉ​യ​ര​ത്തി​ൽ നി​ന്ന് പാ​റ​ക്കെ​ട്ടി​ലേ​ക്ക് ചാ​ടി​യ പു​ഷ്പേ​ന്ദ്ര​യ്ക്ക് (38) ആ​ണ് ഗു​രു​ത​ര​മാ​യി പ​രി​ക്കേ​റ്റ​ത്. സം​ഭ​വ​ത്തി​ൽ യു​വാ​വി​ന്‍റെ ര​ണ്ട് കാ​ലു​ക​ൾ​ക്കും ഒ​ടി​വു​ണ്ടാ​യി.

സ​മൂ​ഹ​മാ​ധ്യ​മ​ങ്ങ​ളി​ൽ പ​ങ്കു​വ​യ്ക്കാ​നാ​യി അ​പ​ക​ട​ക​ര​മാ​യ റീ​ൽ ചി​ത്രീ​ക​രി​ക്കാ​നാ​ണ് പു​ഷ്പേ​ന്ദ്ര സു​ഹൃ​ത്തു​ക്ക​ൾ​ക്കൊ​പ്പം ഡാ​മി​ൽ എ​ത്തി​യ​ത്. വ്യൂ​വി​ഗ് പോ​യി​ന്‍റി​ന്‍റെ കൈ​വ​രി​ക​ൾ ക​ട​ന്ന് ഡാ​മി​ലേ​ക്ക് ചാ​ടു​ക​യാ​യി​രു​ന്നു. എ​ന്നാ​ൽ ജ​ല​നി​ര​പ്പ് കു​റ​വാ​യ​തി​നാ​ൽ ആ​ഴ​മു​ള്ള വെ​ള്ള​ത്തി​ന് പ​ക​രം പാ​റ​ക്കെ​ട്ടു​ക​ളി​ലേ​ക്കാ​ണ് ഇ​യാ​ൾ വീ​ണ​ത്.

കാ​ലു​ക​ൾ​ക്ക് ഗു​രു​ത​ര​മാ​യി പ​രി​ക്കേ​റ്റ​തി​നെ തു​ട​ർ​ന്ന് വെ​ള്ള​ത്തി​ൽ നി​ന്ന് ക​ര​യ്ക്ക് ക​യ​റാ​ൻ ക​ഴി​ഞ്ഞി​ല്ല. മു​ങ്ങി മ​രി​ക്കു​മെ​ന്നാ​യ​പ്പോ​ൾ കൈ​ക​ൾ മാ​ത്രം ഉ​പ​യോ​ഗി​ച്ച് പൊ​ങ്ങി​ക്കി​ട​ക്കാ​ൻ ശ്ര​മി​ച്ച ഇ​യാ​ളെ ക​ണ്ട് ഓ​ടി​യെ​ത്തി​യ നാ​ട്ടു​കാ​രാ​ണ് ര​ക്ഷ​പ്പെ​ടു​ത്തി​യ​ത്. വി​വ​ര​മ​റി​ഞ്ഞ് പൊ​ലി​സ് സ്ഥ​ല​ത്തെ​ത്തി ഉ​ട​ൻ ത​ന്നെ ആ​ശു​പ​ത്രി​യി​ൽ എ​ത്തി​ച്ചു. പൊ​ലി​സ് മേ​ൽ​ന​ട​പ​ടി സ്വീ​ക​രി​ച്ചി​ട്ടു​ണ്ട്.

Tags : Deepika BreakingNews Man Jump Dam Reel