18

ചെ​ന്നൈ: ത​മി​ഴ്നാ​ട് നി​യ​മ​സ​ഭാ തെ​ര​ഞ്ഞെ​ടു​പ്പി​ൽ നേ​രി​ട്ട പ​രാ​ജ​യം അം​ഗീ​ക​രി​ക്കു​ന്ന​താ​യി മു​ഖ്യ​മ​ന്ത്രി​യും ഡി​എം​കെ അ​ധ്യ​ക്ഷ​നു​മാ​യ എം.​കെ. സ്റ്റാ​ലി​ൻ. ഡി​എം​കെ ആ​റ് ത​വ​ണ അ​ധി​കാ​ര​ത്തി​ലി​രു​ന്നി​ട്ടു​ണ്ടെ​ന്ന് ഓ​ർ​മി​പ്പി​ച്ച അ​ദ്ദേ​ഹം ജ​യ​വും പ​രാ​ജ​യ​വും ഡി​എം​കെ​യ്ക്ക് പു​ത്ത​രി​യ​ല്ലെ​ന്നും പ​റ​ഞ്ഞു.

ഭ​ര​ണ​ക​ക്ഷി​യാ​യി​രു​ന്ന​പ്പോ​ൾ ജ​ന​ക്ഷേ​മ പ​ദ്ധ​തി​ക​ൾ ന​ട​പ്പി​ലാ​ക്കി​യ​തു​പോ​ലെ ശ​ക്ത​മാ​യ പ്ര​തി​പ​ക്ഷ​മാ​യി ജ​ന​ങ്ങ​ളു​ടെ ആ​വ​ശ്യ​ങ്ങ​ൾ​ക്കാ​യി പോ​രാ​ടു​മെ​ന്ന് സ്റ്റാ​ലി​ൻ പ്ര​ഖ്യാ​പി​ച്ചു.

തെ​ര​ഞ്ഞെ​ടു​പ്പി​ൽ ഡി​എം​കെ സ​ഖ്യ​ത്തി​ന് 1,54,82,782 വോ​ട്ടു​ക​ൾ കി​ട്ടി. ടി​വി​കെ​യേ​ക്കാ​ൾ 17.43 ല​ക്ഷം വോ​ട്ടു​ക​ൾ മാ​ത്ര​മാ​ണ് ഡി​എം​കെ​യ്ക്ക് കു​റ​വു​ള്ള​ത്. വോ​ട്ടിം​ഗ് ശ​ത​മാ​ന​ത്തി​ലെ വ്യ​ത്യാ​സം വെ​റും 3.52 ശ​ത​മാ​നം മാ​ത്ര​മാ​ണ്. ഇ​ത് ജ​ന​ങ്ങ​ൾ ഇ​പ്പോ​ഴും ഡി​എം​കെ​യി​ൽ അ​ർ​പ്പി​ക്കു​ന്ന വ​ലി​യ വി​ശ്വാ​സ​ത്തി​ന്‍റെ തെ​ളി​വാ​ണ്.

പാ​ർ​ട്ടി പ്ര​വ​ർ​ത്ത​ക​ർ കൂ​ടെ​യു​ള്ള​പ്പോ​ൾ താ​ൻ എ​ന്തി​നെ പേ​ടി​ക്ക​ണം. ഒ​ന്ന​ര കോ​ടി​യി​ല​ധി​കം വ​രു​ന്ന വോ​ട്ടു​ക​ൾ സം​സ്ഥാ​ന​ത്ത് പാ​ർ​ട്ടി പ്ര​വ​ർ​ത്ത​ക​രു​ടെ ക​ഠി​നാ​ധ്വാ​ന​ത്തി​ന്‍റെ ഫ​ല​മാ​ണ്. ജ​യി​ച്ച എ​ല്ലാ ഡി​എം​കെ സ്ഥാ​നാ​ർ​ഥി​ക​ളും ഉ​ട​ൻ ത​ന്നെ മ​ണ്ഡ​ല​ങ്ങ​ളി​ൽ നേ​രി​ട്ടെ​ത്തി വോ​ട്ട​ർ​മാ​രോ​ട് ന​ന്ദി അ​റി​യി​ക്ക​ണം. ജ​നാ​ധി​പ​ത്യ​ത്തി​ൽ ജ​ന​ങ്ങ​ളാ​ണ് പ​ര​മാ​ധി​കാ​രി​ക​ൾ എ​ന്നും അ​ദ്ദേ​ഹം കു​റി​പ്പി​ൽ ചൂ​ണ്ടി​ക്കാ​ട്ടി.

പെ​രി​യാ​ർ, അ​ണ്ണാ, ക​ലൈ​ഞ്ജ​ർ ക​രു​ണാ​നി​ധി എ​ന്നി​വ​രു​ടെ പാ​ത പി​ന്തു​ട​ർ​ന്ന് ഭാ​ഷ​യ്ക്കും നാ​ടി​നും സം​സ്കാ​ര​ത്തി​നും വേ​ണ്ടി​യു​ള്ള ദ്രാ​വി​ഡ രാ​ഷ്ട്രീ​യ നി​ല​പാ​ട് തു​ട​രു​മെ​ന്നും ജ​ന​ത്തെ പി​ന്നി​ലാ​ക്കാ​തെ വീ​ണ്ടും ജ​യി​ക്കു​മെ​ന്നും പ​റ​ഞ്ഞാ​ണ് അ​ദ്ദേ​ഹം കു​റി​പ്പ് അ​വ​സാ​നി​പ്പി​ച്ച​ത്.

Tags : MK Stalin election DMK