14

പ​റ​ക്കാ​ന്‍ വാ​ട​ക​യ്ക്കെ​ടു​ത്ത വി​മാ​നം ക​ളി​പ്പാ​ട്ടം പോ​ലെ​യു​ണ്ടാ​യി​രു​ന്നു​വെ​ന്ന്, വി​മാ​ന​ത്തി​ല്‍ നി​ന്നി​റ​ങ്ങി​യ​ശേ​ഷം സാ​മൂ​ഹ്യ​മാ​ധ്യ​മ​ങ്ങ​ളി​ല്‍ എ​ഴു​തി​യി​ട്ട​തി​ന്, ബോ​ളി​വു​ഡ് ന​ടി​യും ഗാ​യി​ക​യും ന​ര്‍​ത്ത​കി​യു​മാ​യ നോ​റ ഫ​ത്തേ​ഹി പു​ലി​വാ​ല്‍ പി​ടി​ച്ച​ത് വാ​ര്‍​ത്ത​യ​യ​ത് ക​ഴി​ഞ്ഞ​യാ​ഴ്ച​യാ​ണ്. ​മൊ​റോ​ക്കോ ക​നേ​ഡി​യ​ന്‍ വം​ശ​ജ​യാ​യ നോ​റ മും​ബൈ​യി​ല്‍​നി​ന്ന് ജ​യ്പു​രി​ലേ​ക്കു പോ​കാ​ന്‍ ഡ്യൂ​ണ്‍​സ് എ​യ​ര്‍ എ​ന്ന ക​മ്പ​നി വാ​ട​ക​യ്ക്കു ന​ല്‍​കി​യ സെ​സ്ന സൈ​റ്റേ​ഷ​ന്‍ സി​ജെ 2+ വി​മാ​ന​ത്തി​ല്‍ ക​യ​റു​ന്ന​ത് ക​ഴി​ഞ്ഞ വ​ർ​ഷം ഡി​സം​ബ​ര്‍ പ​തി​നാ​ലി​നാ​ണ്.

“ഇ​തെ​ന്തു വി​മാ​നം, ക​ളി​പ്പാ​ട്ടം​പോ​ലെ, ലെ​ഗോ വി​മാ​നം പോ​ലെ​യു​ണ്ട​ല്ലോ” എ​ന്ന,് സാ​മൂ​ഹ്യ​മാ​ധ്യ​മ​ങ്ങ​ളി​ല്‍ പോ​സ്റ്റു​ചെ​യ്ത മൂ​ന്നു വീ​ഡി​യോ​ക​ളി​ല്‍ നോ​റ പ​റ​ഞ്ഞ​ത് ത​ങ്ങ​ള്‍​ക്ക് അ​പ​കീ​ര്‍​ത്തി​ക​ര​മാ​യെ​ന്നും വി​മാ​നം വാ​ട​ക​യ്ക്കു ന​ല്‍​കു​ന്ന ബി​സി​ന​സി​നെ ദോ​ഷ​ക​ര​മാ​യി ബാ​ധി​ച്ചു​വെ​ന്നും അ​തി​നാ​ല്‍ മൂ​ന്നു കോ​ടി രൂ​പ ന​ഷ്‌​ട​പ​രി​ഹാ​രം വേ​ണ​മെ​ന്നും ആ​വ​ശ്യ​പ്പെ​ട്ട് ഡ്യൂ​ണ്‍​സ് എ​യ​ര്‍ ഗു​ജ​റാ​ത്തി​ലെ ഗാ​ന്ധി​ന​ഗ​ര്‍ കോ​ട​തി​യി​ല്‍ കേ​സു കൊ​ടു​ക്കു​ക​യാ​യി​രു​ന്നു.

‘ഇ​തൊ​രു ക​ളി​പ്പാ​ട്ട​മാ​ണ്. ആ​മ​സോ​ണി​ല്‍ ഓ​ര്‍​ഡ​ര്‍ ചെ​യ്താ​ല്‍ ഇ​താ​ണ് കി​ട്ടു​ന്ന​ത്’ എ​ന്ന് ഒ​രു വി​ഡി​യോ​യി​ല്‍ പ​റ​യു​ന്ന നോ​റ, മ​റ്റൊ​രു വീ​ഡി​യോ​യി​ല്‍, ഡ്യൂ​ണ്‍​സ് എ​യ​റി​ന്‍റെ ബി​സി​ന​സ് ജെ​റ്റി​നെ വി​ശേ​ഷി​പ്പി​ക്കു​ന്ന​ത് ‘ലെ​ഗോ’ വി​മാ​നം എ​ന്നാ​ണ്.​ഇ​ന്‍​സ്റ്റ​ഗ്രാ​മി​ല്‍ 4.55 കോ​ടി​യി​ലേ​റെ പേ​ര്‍ ഫോ​ളോ ചെ​യ്യു​ന്ന നോ​റ​യു​ടെ, ഈ ​പ​രാ​മ​ര്‍​ശം വ​ന്ന​തി​നു​ശേ​ഷം ത​ങ്ങ​ളു​ടെ വി​മാ​നം ബു​ക്കു ചെ​യ്തി​രു​ന്ന കു​റേ​പ്പേ​ര്‍ അ​ത് റ​ദ്ദാ​ക്കി​യെ​ന്നും പു​തി​യ ബു​ക്കിം​ഗു​ക​ള്‍ ഏ​റെ കു​റ​ഞ്ഞെ​ന്നും ഡ്യൂ​ണ്‍​സ് എ​യ​റി​ന്‍റെ ഹ​ര്‍​ജി​യി​ല്‍ പ​റ​യു​ന്നു. മൂ​ന്നു​കോ​ടി രൂ​പ ന​ഷ്‌​ട​പ​രി​ഹാ​ര​മെ​ന്ന​ത് വെ​റു​തെ​യ​ങ്ങു പ​റ​യു​ന്ന സം​ഖ്യ​യ​ല്ലെ​ന്നു ചു​രു​ക്കം.

ഡ്യൂ​ണ്‍​സ് എ​യ​റി​ന്‍റെ ഇ ​സെ​സ്ന സൈ​റ്റേ​ഷ​ന്‍ സി​ജെ2+ വി​മാ​നം 18 കൊ​ല്ലം പ​ഴ​ക്ക​മു​ള്ള​താ​ണെ​ന്നാ​ണ് വി​മാ​ന​ട്രാ​ക്കിം​ഗ് സൈ​റ്റു​ക​ളി​ല്‍ കി​ട്ടു​ന്ന വി​വ​രം. 1993ല്‍ ​അ​മേ​രി​ക്ക​ന്‍ ക​മ്പ​നി​യാ​യ ടെ​ക്സ്ട്രോ​ണ്‍ ഏ​വി​യേ​ഷ​ന്‍ നി​ര്‍​മി​ച്ചു തു​ട​ങ്ങി 2014 വ​രെ 225 വി​മാ​ന​ങ്ങ​ള്‍ പു​റ​ത്തി​റ​ക്കി​യ​തി​ല്‍, 2008 മോ​ഡ​ല്‍ വി​മാ​ന​മാ​ണ് നോ​റ ക​യ​റി​യ വി​ടി​എ​ന്‍​ഡി​എ. ഇ​തു​കൂ​ടാ​തെ, ഒ​രു സെ​സ്ന 208 ബി ​ഗ്രാ​ന്‍​ഡ് കാ​ര​വാ​നും ഒ​രു ചാ​ല​ഞ്ച​ര്‍ ജെ​റ്റും ക​മ്പ​നി വാ​ട​ക​യ്ക്ക് കൊ​ടു​ക്കു​ന്നു​ണ്ട്.

ചാ​ര്‍​ട്ട​ര്‍ ചെ​യ്തു പ​റ​ക്കാ​നും എ​യ​ര്‍ ആം​ബു​ല​ന്‍​സാ​യി ഉ​പ​യോ​ഗി​ക്കാ​നും തീ​ര്‍​ഥാ​ട​ന​ത്തി​നു​പോ​കാ​നും എ​ല്ലാം ന​ല്‍​കു​ന്ന വി​മാ​ന​ങ്ങ​ള്‍ തേ​ടി വീ​ണ്ടും​വീ​ണ്ടും ആ​വ​ശ്യ​ക്കാ​ര്‍ വ​ര​ണ​മെ​ങ്കി​ല്‍, ഉ​പ​യോ​ഗി​ച്ച​വ​രു​ടെ ന​ല്ല അ​ഭി​പ്രാ​യ​ത്തി​ന് പ്ര​ചാ​രം കി​ട്ട​ണ​മെ​ന്ന​ത് സ്വാ​ഭാ​വി​കം. അ​പ്പോ​ഴാ​ണ്, ദ​ശ​ല​ക്ഷ​ക്ക​ണ​ക്കി​ന് ആ​രാ​ധ​ക​രു​ള്ള ഒ​രു ബോ​ളി​വു​ഡ് ഗ്ലാ​മ​ര്‍ ന​ടി, ‘അ​യ്യേ, ഇ​തെ​ന്തു വി​മാ​നം’ എ​ന്ന മ​ട്ടി​ല്‍, ഒ​ന്ന​ല്ല, മൂ​ന്നു വീ​ഡി​യോ​ക​ള്‍ പോ​സ്റ്റ് ചെ​യ്യു​ന്ന​ത്.

ഡ്യൂ​ണ്‍​സ് എ​യ​റി​ന്‍റെ, മേ​ല്‍​പ്പ​റ​ഞ്ഞ വി​മാ​ന​ങ്ങ​ളി​ല്‍ ഏ​റ്റ​വും ചെ​റു​തും നോ​റ പ​റ​ന്ന വി​മാ​ന​മാ​ണ്. ഏ​ഴു പേ​ര്‍​ക്ക് പ​റ​ക്കാ​വു​ന്ന വി​മാ​നം ര​ണ്ടു പൈ​ല​റ്റു​മാ​ര്‍​ക്കോ അ​ല്ലെ​ങ്കി​ല്‍ ഒ​രു പൈ​ല​റ്റി​നു മാ​ത്ര​മാ​യോ പ​റ​ത്താം. ചാ​ല​ഞ്ച​ര്‍ വി​മാ​ന​ത്തി​ന് ഒ​ന്‍​പ​തു സീ​റ്റു​ണ്ട്. ഗ്രാ​ന്‍​ഡ് കാ​ര​വാ​ന്‍ (സെ​സ്ന 208 ബി) ​വി​മാ​ന​ത്തി​ന് എ​ട്ടു സീ​റ്റും.​നോ​റ, ക​ളി​പ്പാ​ട്ട​മെ​ന്നു പ​റ​ഞ്ഞ വി​മാ​ന​ത്തി​ന് 18 വ​ര്‍​ഷ​വും ചാ​ല​ഞ്ച​ര്‍ വി​മാ​ന​ത്തി​ന് 20 വ​ര്‍​ഷ​വും സെ​സ്ന 208 ബി ​ഗ്രാ​ന്‍​ഡ് കാ​ര​വാ​ന് പ​തി​നാ​റു വ​ര്‍​ഷ​വു​മാ​ണ് പ​ഴ​ക്കം.

പ്രൈ​വ​റ്റ് ജെ​റ്റു​ക​ളു​ടെ കാ​ര്യ​ത്തി​ല്‍ ഈ ​പ​ഴ​ക്കം ഒ​ട്ടും അ​സാ​ധാ​ര​ണ​മ​ല്ലെ​ന്ന​താ​ണ് വാ​സ്ത​വം. ലോ​ക​മെ​മ്പാ​ടു​മു​ള്ള എ​ല്ലാ ബി​സി​ന​സ് ജെ​റ്റ് വാ​ട​ക ക​മ്പ​നി​ക​ളും ശ​രാ​ശ​രി ഇ​ത്ര​യും പ​ഴ​ക്ക​മു​ള്ള വി​മാ​ന​ങ്ങ​ളാ​ണ് വാ​ട​ക​യ്ക്ക് ന​ല്‍​കാ​റു​ള്ള​ത്. വി​മാ​ന​ങ്ങ​ളു​ടെ കാ​ര്യ​ത്തി​ല്‍, കാ​ലാ​കാ​ലം കൃ​ത്യ​മാ​യി ന​ട​ത്തു​ന്ന അ​റ്റ​കു​റ്റ​പ്പ​ണി​ക​ളാ​ണ്, അ​ല്ലാ​തെ പ്രാ​യ​മ​ല്ല, സു​ര​ക്ഷ നി​ര്‍​ണ​യി​ക്കു​ന്ന പ്ര​ധാ​ന ഘ​ട​കം എ​ന്നോ​ര്‍​ക്കു​ക.
അ​തേ​സ​മ​യം, പ​റ​ക്കാ​ന്‍ ക​യ​റു​ന്ന വി​മാ​ന​ത്തെ​പ്പ​റ്റി ഇ​ത്ത​രം അ​ഭി​പ്രാ​യ​ങ്ങ​ള്‍ യാ​ത്ര​ക്കാ​ര്‍​ക്ക് ഉ​ണ്ടാ​കു​ന്ന​തും സ്വാ​ഭാ​വി​ക​മാ​ണ്.

ഇ​ന്‍​ഡി​ഗോ​യു​ടെ​യും അ​ല​യ​ന്‍​സ് എ​യ​റി​ന്‍റെ​യു​മൊ​ക്കെ നാ​ല്‍​പ്പ​ത്തി​ര​ണ്ടും എ​ഴു​പ​ത്തി​യെ​ട്ടും യാ​ത്ര​ക്കാ​ര്‍​ക്ക് ക​യ​റാ​വു​ന്ന എ​ടി​ആ​ര്‍ വി​മാ​ന​ങ്ങ​ളി​ല്‍ ആ​ദ്യ​മാ​യി ക​യ​റു​ന്ന​വ​രി​ല്‍ ഏ​റെ​പ്പേ​ര്‍, തീ​രെ ചെ​റി​യ വി​മാ​ന​മാ​ണ​ല്ലോ എ​ന്ന് അ​ഭി​പ്രാ​യ​പ്പെ​ടാ​റു​ണ്ട്. ബോ​യിം​ഗ് 737, എ​യ​ര്‍​ബ​സ് എ 320 ​തു​ട​ങ്ങി​യ നാ​രോ ബോ​ഡി വി​മാ​ന​ങ്ങ​ള്‍ മു​ത​ല്‍ എ​യ​ര്‍​ബ​സ് എ 350, ​എ 380, ബോ​യിം​ഗ് 777 തു​ട​ങ്ങി വ​മ്പ​ന്‍ വി​മാ​ന​ങ്ങ​ളി​ല്‍​വ​രെ ക​യ​റി​യി​ട്ടു​ള്ള​വ​ര്‍​ക്ക് മേ​ഖ​ലാ സ​ര്‍​വീ​സു​ക​ള്‍ ന​ട​ത്തു​ന്ന എ​ടി​ആ​ര്‍ വി​മാ​ന​ങ്ങ​ള്‍ തീ​രെ ചെ​റു​താ​ണ​ല്ലോ എ​ന്ന തോ​ന്ന​ലു​ണ്ടാ​കു​ന്ന​ത് സ്വാ​ഭാ​വി​കം.

‌വി​മാ​നം എ​ന്ന വാ​ഹ​ന​ത്തെ​പ്പ​റ്റി, എ​ല്ലാ​വ​രു​ടെ​യും മ​ന​സി​ല്‍ സ്വ​ത​വേ​യു​ള്ള, ‘വ​മ്പ​ന്‍’ എ​ന്ന മു​ന്‍​വി​ധി​യും ഈ ​തോ​ന്ന​ലി​നു കാ​ര​ണ​മാ​ണ്. യാ​ത്ര​യ്ക്കി​ട​യി​ല്‍, എ​ടി​ആ​ര്‍ വി​മാ​ന​ങ്ങ​ള്‍ ചെ​റു​താ​യി കു​ലു​ങ്ങി​യാ​ല്‍​പോ​ലും യാ​ത്ര​ക്കാ​ര്‍ കൂ​ടു​ത​ല്‍ പേ​ടി​ക്കു​ന്ന​ത്, വ​ലി​പ്പ​വും സു​ര​ക്ഷ​യും ത​മ്മി​ല്‍ ബ​ന്ധ​പ്പെ​ട്ടി​രി​ക്കു​ന്നു എ​ന്ന അ​ബോ​ധ​പൂ​ര്‍​വ​മാ​യ തോ​ന്ന​ല്‍ മൂ​ല​വും.​അ​മേ​രി​ക്ക​യും യൂ​റോ​പ്പും പോ​ലെ​യു​ള്ള പ​ടി​ഞ്ഞാ​റ​ന്‍ രാ​ജ്യ​ങ്ങ​ളെ അ​പേ​ക്ഷി​ച്ച്, ചെ​റു​വി​മാ​ന​ങ്ങ​ള്‍ എ​ണ്ണ​ത്തി​ല്‍ തീ​രെ കു​റ​വാ​ണെ​ന്ന​തും ഇ​ന്ത്യ​യി​ല്‍ വി​മാ​ന​യാ​ത്ര​ക്കാ​രു​ടെ ഈ ​ധാ​ര​ണ​യ്ക്ക് കാ​ര​ണ​മാ​ണ്.

ര​ണ്ടും മൂ​ന്നും നാ​ലും സീ​റ്റു​ക​ള്‍ മാ​ത്ര​മു​ള്ള ആ​യി​ര​ക്ക​ണ​ക്കി​നു വി​മാ​ന​ങ്ങ​ള്‍ ദി​വ​സം മു​ഴു​വ​ന്‍ പ​റ​ന്നു​നി​റ​യു​ന്ന പ​ടി​ഞ്ഞാ​റി​ന്‍റെ ആ​കാ​ശ​ങ്ങ​ളി​ല്‍, ചെ​റു​വി​മാ​ന​ങ്ങ​ള്‍ ക​ളി​പ്പാ​ട്ട​മെ​ന്നോ ലെ​ഗോ വി​മാ​ന​മെ​ന്നോ ആ​രും ക​രു​താ​ത്ത​ത് അ​വ അ​ത്ര​മേ​ല്‍ സാ​ധാ​ര​ണ​മാ​യ​തു​കൊ​ണ്ടു ത​ന്നെ​യാ​ണ്. അ​തേ​സ​മ​യം, ഡ്യൂ​ണ്‍​സ് എ​യ​ര്‍ പോ​ലെ, പ്രൈ​വ​റ്റ് ജെ​റ്റു​ക​ള്‍ വാ​ട​ക​യ്ക്ക് കൊ​ടു​ക്കു​ന്ന ക​മ്പ​നി​ക​ളു​ടെ എ​ണ്ണ​ത്തി​ല്‍ വ​ന്‍ കു​തി​ച്ചു​ചാ​ട്ട​മാ​ണ് ഇ​ന്ത്യ​യി​ല്‍ അ​ടു​ത്ത​കാ​ല​ത്താ​യി ഉ​ണ്ടാ​യി​ട്ടു​ള്ള​ത്.

ര​ണ്ടാ​യി​ര​ത്തി​ല്‍ എ​ട്ട് സ്വ​കാ​ര്യ ബി​സി​ന​സ് ജെ​റ്റ് ക​മ്പ​നി​ക​ളു​ണ്ടാ​യി​രു​ന്ന സ്ഥാ​ന​ത്ത് ഇ​ന്ന് നൂ​റ് ക​മ്പ​നി​ക​ളാ​ണ് രാ​ജ്യ​ത്ത് പ്ര​വ​ര്‍​ത്തി​ക്കു​ന്ന​ത്. എ​ല്ലാ​വ​രും​കൂ​ടി പ​റ​ത്തു​ന്ന​ത് ഇ​രു​നൂ​റി​ലേ​റെ വി​മാ​ന​ങ്ങ​ളും. ജെ​റ്റ് സെ​റ്റ് ഗോ, ​താ​ജ് എ​യ​ര്‍, ക്ല​ബ് വ​ണ്‍ എ​യ​ര്‍, ജി​എം​ആ​ര്‍ ഏ​വി​യേ​ഷ​ന്‍, ഹെ​റി​റ്റേ​ജ്്‍, സി​റി​യ​സ് ഇ​ന്ത്യ എ​യ​ര്‍​ലൈ​ന്‍​സ്, എ​എ​സ്എ എ​യ​ര്‍ ചാ​ര്‍​ട്ട​ര്‍, വി​സ്റ്റ ജെ​റ്റ് തു​ട​ങ്ങി​യ​വ അ​വ​യി​ല്‍ ചി​ല​തു​മാ​ത്രം.

Tags : Sunday Deepika Nora Fateh dancer