30

കീവ്: റഷ്യൻ സേന യുക്രെയ്നിൽ നടത്തിയ മിസൈൽ-ഡ്രോൺ ആക്രമണത്തിൽ എട്ടു പേർ കൊല്ലപ്പെടുകയും നിരവധിപ്പേർക്കു പരിക്കേൽക്കുകയും ചെയ്തു. യുക്രെയ്ൻ തലസ്ഥാനമായ കീവിലെ പ്രസവാശുപത്രിയും ആക്രമണത്തിനിരയായി.

കീവിൽ രണ്ടു പേരാണ് മരിച്ചതെന്ന് യുക്രെയ്ൻ പ്രസിഡന്‍റ് സെലൻസ്കി അറിയിച്ചു. പ്രസവാശുപത്രിയുടെ കവാടത്തിനും വാതികൾക്കും ജനാലകൾക്കും തകരാറുണ്ടായി. ചികിത്സയിലിരുന്നവർക്കും ആശുപത്രി ജീവനക്കാർക്കും പരിക്കില്ല. പോസ്റ്റ് ഓഫീസ്, ഗോഡൗണുകൾ എന്നിവയ്ക്കു പുറമേ നിരവധി വാഹനങ്ങളും കീവിൽ നശിച്ചു.

ഖാർകീവ് നഗരത്തിനടുത്ത് പച്ചക്കറി സംഭരണ കേന്ദ്രത്തിലുണ്ടായ റഷ്യൻ ആക്രമണത്തിലാണ് ആറു പേർ കൊല്ലപ്പെട്ടത്. ഇവിടെ 12 പേർക്കു പരിക്കേൽക്കുകയും ചെയ്തു.

തുറമുഖ നഗരമായ ഒഡേസയിലുണ്ടായ റഷ്യൻ ആക്രമണത്തിൽ സ്കൂൾ, വൈദ്യകേന്ദ്രം, വീടുകൾ എന്നിവയ്ക്കു കേടുപാടുണ്ടായി.

റഷ്യയുടെ നാലു ഡ്രോണുകൾ മോൾഡോവ വ്യോമാതിർത്തിയിൽ പ്രവേശിക്കുകയും ഇതിലൊരെണ്ണം പൊട്ടിത്തെറിക്കുകയും ചെയ്തതായി അവിടുത്തെ പ്രസിഡന്‍റ് മയാ സന്ദു അറിയിച്ചു. റുമേനിയായിലും ഒരു ഡ്രോൺ തകർന്നുവീണു.

മതിയായതോതിൽ സമ്മർദം ചെലുത്താത്തതുകൊണ്ടാണ് റഷ്യ ഇത്തരം ആക്രമണങ്ങൾ ആവർത്തിക്കുന്നതെന്ന് യുഎൻ സമ്മേളനത്തിനായി ന്യൂയോർക്കിലുള്ള യുക്രെയ്് പ്രസിഡന്‍റ് സെലൻസ്കി പറഞ്ഞു. അമേരിക്ക ശക്തമായി പ്രതികരിക്കണമെന്നും റഷ്യൻ ആക്രണത്തെ ചെറുക്കാൻ ഇന്‍റർസെപ്റ്റർ മിസൈലുകൾ നല്കണമെന്നും സെലൻസ്കി ആവശ്യപ്പെട്ടു.

അമേരിക്കൻ നിർമിത പേട്രിയറ്റ് വ്യോമപ്രതിരോധ സംവിധാനത്തിലെ ഇന്‍റർസെപ്റ്റർ മിസൈലുകളുടെ അഭാവം യുക്രെയ്ൻ നേരിടുന്നുണ്ട്. ഇതുമൂലം അടുത്തകാലത്തെ റഷ്യൻ ആക്രമണങ്ങളിൽ മരണസംഖ്യയും നാശനഷ്ടവും വളരെ കൂടുതലാണ്.

കീവ്: യുക്രെയ്ൻ പ്രസിഡന്‍റ് സെലൻസ്കി അമേരിക്കൻ പ്രസിഡന്‍റ ്ട്രംപുമായി കൂടിക്കാഴ്ച നടത്തിയതിനു പിന്നാലെ യുക്രെയ്ൻ തലസ്ഥാനമായ കീവിൽ റഷ്യ നടത്തിയ ഉഗ്ര വ്യോമാക്രമണത്തിൽ രണ്ടു പേർ കൊല്ലപ്പെടുകയും 22 പേർക്കു പരിക്കേൽക്കുകയും ചെയ്തു.

റെയിൽവേ സ്റ്റേഷൻ, ഗോഡൗൺ, പെട്രോൾ പന്പ് മുതലായവ ലക്ഷ്യമിട്ടായിരുന്നു റഷ്യൻ ആക്രണം. കീവ് നഗത്തിന്‍റെ പല ഭാഗങ്ങളിൽ സ്ഫോടന ശബ്ദങ്ങൾ കേട്ടു.

ന്യൂയോർക്കിൽ യുഎൻ സമ്മേനത്തിനിടെയാണ് സെലൻസ്കി ട്രംപിനെ കണ്ടത്. റഷ്യയും യുക്രെയ്നും പരസ്പരം ഊർജോത്പാദന കേന്ദ്രങ്ങൾ ആക്രമിക്കുന്നത് അവസാനിപ്പിക്കാനുള്ള വെടിനിർത്തലിനെക്കുറിച്ച് ഇരുവരും ചർച്ച ചെയ്തു. റഷ്യൻ ബാലിസ്റ്റിക് മിസൈൽ ആക്രമണം തടയാൻ അമേരിക്കൻ നിർമിത പേട്രിയൻ വ്യോമ പ്രതിരോധ സംവിധാനത്തിൽ ഉപയോഗിക്കുന്ന ഇന്‍റർസെപ്റ്റർ മിസൈലുകൾ നല്കണമെന്ന് സെലൻസ്കി അഭ്യർഥിച്ചു.

യൂറോപ്യൻ കമ്മീഷൻ പ്രസിഡന്‍റ് ഉർസുല ഫോൺ ദെർ ലെയ്‌നുമായും സെലൻസ്കി കൂടിക്കാഴ്ച നടത്തി.

റഷ്യൻ വിദേശകാര്യമന്ത്രി സെർഗി ലാവ്‌റോവും അമേരിക്കൻ വിദേശകാര്യ സെക്രട്ടറി മാർക്കോ റൂബിയോയും യുഎൻ സമ്മേളനത്തിനിടെ കൂടിക്കാഴ്ച നടത്തും. യുക്രെയ്ൻ യുദ്ധം അവസാനിപ്പിക്കുന്നതിനെക്കുറിച്ചായിരിക്കും ചർച്ച.

മോസ്കോ: റഷ്യൻ പാർലമെന്‍റ് തെരഞ്ഞെടുപ്പിനിടെ കനത്ത ഡ്രോൺ ആക്രമണവുമായി യുക്രെയ്ൻ. മൂന്നു ദിവസം നീണ്ട വോട്ടെടുപ്പ് അവസാനിച്ച ഞായറാഴ്ച യുക്രെയ്ൻ സേന തൊടുത്ത ആയിരത്തിലധികം ഡ്രോണുകൾ വെടിവച്ചിട്ടതായി റഷ്യ അറിയിച്ചു. ഇതിൽ 450 ഡ്രോണുകൾ തലസ്ഥാനമായ മോസ്കോയെയാണ് ലക്ഷ്യമിട്ടത്.

യുക്രെയ്ൻ നടത്തിയതിൽവച്ച് ഏറ്റവും വലിയ ഡ്രോൺ ആക്രമണമായിരുന്നു ഇതെന്നും തെരഞ്ഞെടുപ്പ് തടസപ്പെടുത്തുകയായിരുന്നു ലക്ഷ്യമെന്നും മോസ്കോ മേയർ സെർഗി സോബ്യാനിൽ പറഞ്ഞു.

മോസ്കോ മേഖലയിൽ രണ്ട് മരണങ്ങൾ റിപ്പോർട്ട് ചെയ്തു. റഷ്യാ അധിനിവേശ യുക്രെയ്ൻ പ്രദേശമായ ഖേർസണിൽ തെരഞ്ഞെടുപ്പ് ഉദ്യോഗസ്ഥർ അടക്കം മറ്റു രണ്ടുപേരും കൊല്ലപ്പെട്ടു.

മോസ്കോയിലെ എണ്ണശുദ്ധീകരണ ശാലയിൻ വലിയ നാശനഷ്ടമുണ്ടായി. 21 നില കെട്ടിടത്തിനു തീപിടിച്ചതിനെത്തുടർന്ന് നാനൂറു പേരെ ഒഴിപ്പിച്ചു മാറ്റി.

ഇതിനിടെ, റഷ്യൻ പാർലമെന്‍റിന്‍റെ അധോസഭയായ ഡ്യൂമയിലേക്കുള്ള തെരഞ്ഞെടുപ്പിൽ കാര്യമായ തടസങ്ങളുണ്ടായില്ല. ഓൺലൈൻ വോട്ടിംഗ് സംവിധാനത്തിനു നേർക്ക് ശനിയാഴ്ച സൈബർ ആക്രമണം ഉണ്ടായതായി റഷ്യ അറിയിച്ചിരുന്നു. ആക്രമണത്തിൽ പങ്കില്ലെന്ന് യുക്രെയ്ൻ പ്രതികരിച്ചു.

പ്രസിഡന്‍റ് വ്ലാദിമിർ പുടിനെ പിന്തുണയ്ക്കുന്ന യുണൈറ്റഡ് റഷ്യ പാർട്ടി പാർലമെന്‍റിൽ ഭൂരിപക്ഷം നിലനിർത്തുമെന്നാണ് ഏല്ലാവരും പ്രതീക്ഷിക്കുന്നത്. യുക്രെയ്ൻ അധിനിവേശത്തെ എതിർക്കുന്ന സ്ഥാനാർഥികളെ വിലക്കിയിരുന്നു.

യുക്രെയ്ൻ അധിനിവേശം ആരംഭിച്ചശേഷം റഷ്യയിലെ ആദ്യ പാർലമെന്‍റ് തെരഞ്ഞെടുപ്പാണിത്. തെരഞ്ഞെടുപ്പു വിജയം യുദ്ധത്തിനുള്ള ജനപിന്തുണയായി പുടിൻ ചിത്രീകരിച്ചേക്കും.

പാരീസ്: യൂറോപ്പിനും ഫ്രാൻസിനും എതിരേ റഷ്യയുടെ ഹൈബ്രിഡ് ആക്രമണ ഭീഷണി വർധിച്ചതായി ഫ്രഞ്ച് പ്രസിഡന്‍റ് ഇമ്മാനുവൽ മക്രോൺ. ഫ്രാൻസിലെ പ്രതിരോധ വ്യവസായത്തെയും പശ്ചാത്തല മേഖലയെയും ഇത്തരം ആക്രമണങ്ങളിൽനിന്നു സംരക്ഷിക്കാനുള്ള പദ്ധതി തയാറാക്കാൻ സർക്കാരിനു നിർദേശം നല്കിയെന്നും അദ്ദേഹം അറിയിച്ചു.

ശത്രുരാജ്യത്തെ ദുർബലമാക്കാൻ വിവിധതരം യുദ്ധമുറകൾ സമന്വയിപ്പിക്കുന്ന തന്ത്രമാണ് ഹൈബ്രിഡ് ആക്രമണം. പരന്പരാഗത ആക്രമണങ്ങൾക്കൊപ്പം സൈബർ, ഡ്രോൺ ആക്രമണങ്ങളും ഉൾപ്പെടുത്തും.

യുക്രെയ്ൻ, പശ്ചിമേഷ്യ യുദ്ധങ്ങളുടെ അനന്തരഫലങ്ങൾ വിലയിരുത്താൻ ചേർന്ന രാഷ്‌ട്രീയ യോഗത്തിനുശേഷം മാധ്യമപ്രവർത്തകരോട് സംസാരിക്കുകയായിരുന്നു മക്രാൺ. കഴിഞ്ഞ ആഴ്ചകളിൽ ഫ്രാൻസിനു നേരേ റഷ്യയുടെ ഹൈബ്രിഡ് ആക്രമണങ്ങൾ ഉണ്ടായതായി അദ്ദേഹം വെളിപ്പെടുത്തി.

കഴിഞ്ഞ മാസം ജർമനിയിലെ ലിപിസിഗ് വിമാനത്താവളത്തിലുണ്ടായ റഷ്യൻ ഡ്രോൺ ആക്രമണം മക്രോൺ പരാമർശിച്ചു. യുക്രെയ്നു പിന്തുണ നല്കുന്നതിന്‍റെ പേരിൽ ചില നാറ്റോ രാജ്യങ്ങളിൽ മിസൈൽ-ഡ്രോൺ ആക്രമണത്തിന് റഷ്യ പദ്ധതിയിടുന്നുവെന്നു പോളിഷ് പ്രധാനമന്ത്രി ഡോണൾഡ് ടസ്ക് പറഞ്ഞതും ചൂണ്ടിക്കാട്ടി.

“ഞങ്ങളെ ഭീഷണിപ്പെടുത്തി യുക്രെയ്നുള്ള പിന്തുണ അവസാനിപ്പിക്കാം എന്നാണ് റഷ്യ കരുതുന്നത്. പക്ഷേ, ഫലം വിപരീതമായിരിക്കും. ഞങ്ങൾക്കൊട്ടും പേടിയില്ല. യൂറോപ്പിന്‍റെ സുരക്ഷാ ഭാവിക്ക് യുക്രെയ്നുള്ള പ്രധാന്യം ഞങ്ങൾക്കു വ്യക്തമായി അറിയാം.”-മക്രോൺ വ്യക്തമാക്കി.

ലണ്ടൻ: സൈനികരെ അടക്കം ചെയ്ത സെമിത്തേരിയുടെ ഫോട്ടോകളും വീഡിയോകളും പകർത്തിയയാൾക്ക് റഷ്യൻ കോടതി 14 വർഷം തടവുശിക്ഷ വിധിച്ചു. നിക്കോളായ് ഷെർബാക്കോവ് എന്ന നാൽപ്പത്തെട്ടുകാരനാണ് ശിക്ഷയെന്ന് ബ്രിട്ടീഷ് മാധ്യമങ്ങളുടെ റിപ്പോർട്ടിൽ പറയുന്നു.

കടുത്ത രാജ്യദ്രോഹക്കുറ്റമാണ് ഇയാൾക്കെതിരേ തെളിഞ്ഞത്. മോസ്കോയ്ക്കു വടക്കുകിഴക്ക് യാരോസ്‌ലാവൽ നഗരത്തിലുള്ള സെമിത്തേരിയുടെ ദൃശ്യങ്ങൾ 2024 ഒക്‌ടോബർ മുതൽ ഇയാൾ രഹസ്യമായി പകർത്തിയിരുന്നു എന്നാണ് തെളിഞ്ഞത്.

2025 അവസാനത്തിൽ ഇയാൾക്കെതിരേ കേസെടുത്ത് അന്വേഷണം തുടങ്ങി. യുക്രെയ്നിലെ രഹസ്യാന്വേഷണ ഏജൻസികൾക്കു കൈമാറാനാണ് ദൃശ്യങ്ങൾ പകർത്തിയതെന്ന് റഷ്യൻ അന്വേഷകർ കണ്ടെത്തി.

അതേസമയം ഈ ദൃശ്യങ്ങൾ യുക്രെയ്ൻ രഹസ്യാന്വേഷണ വിഭാഗത്തിന് എങ്ങനെ സഹായകരമാകും എന്നതിൽ വിശദീകരണമില്ല.

റഷ്യയിൽ ഇത്തരം കേസുകൾ ആദ്യമല്ല. പട്ടാള സെമിത്തേരിയുടെ ദൃശ്യങ്ങൾ പകർത്തിയ വനിത ജൂണിൽ പിടിയിലായിരുന്നു.

മോസ്കോ: സമാധാന ചർച്ചയ്ക്കെത്തിയ അമേരിക്ക പ്രതിനിധികളായ സ്റ്റീവ് വിറ്റ്കോഫ്, ജാരദ് കുഷ്നർ എന്നിവരുമായി റഷ്യൻ പ്രസിഡന്‍റ് വ്ലാദിമിർ പുടിൻ അങ്ങേയറ്റം ഫലപ്രദമായ മൂന്നു മണിക്കൂർ കൂടിക്കാഴ്ച നടത്തിയെന്ന് ക്രെംലിന്‍റെ അറിയിപ്പ്.

എന്നാൽ യുക്രെയ്ൻ യുദ്ധം അവസാനിപ്പിക്കുന്നതിനു സഹായകരമായ തീരുമാനങ്ങൾ കൂടിക്കാഴ്ചയിൽ ഉണ്ടായില്ലെന്നാണ് പുടിന്‍റെ വിദേശനയ ഉപദേശകൻ യൂറി ഉഷക്കോവിന്‍റെ വാക്കുകളിൽനിന്നു വ്യക്തമായത്.

അമേരിക്കൻ പ്രസിഡന്‍റ് ട്രംപിന്‍റെ പ്രത്യേക പ്രതിനിധി വിറ്റ്കോഫും ട്രംപിന്‍റെ മരുമകനായ കുഷ്നറും യുദ്ധം അവസാനിപ്പിക്കുന്നതു സംബന്ധിച്ച് ഒരു കൂട്ടം ആശയങ്ങൾ പുടിനു മുന്നിൽ അവതരിപ്പിച്ചു. ഈ ആശയങ്ങളെക്കുറിച്ചു വിശദീകരിക്കാൻ ഉഷക്കോവ് തയാറായില്ല.

യുദ്ധം അവസാനിപ്പിക്കാനായി ട്രംപ് നടത്തുന്ന ശ്രമങ്ങളെ പുടിൻ പ്രശംസിച്ചു. യുദ്ധത്തിൽ റഷ്യ മുന്നേറുകയാണെന്നും ലക്ഷ്യങ്ങൾ നേടുമെന്നതിൽ ആത്മവിശ്വാസമുണ്ടെന്നും പുടിൻ അമേരിക്കൻ പ്രതിനിധികളെ അറിയിച്ചെന്നും ഉഷക്കോവ് കൂട്ടിച്ചേർത്തു.

വിറ്റ്കോഫും കുഷ്നറും പുടിനുമായുള്ള കൂടിക്കാഴ്ചയെക്കുറിച്ച് പ്രതികരിച്ചിട്ടില്ല. കൂടിക്കാഴ്ച ഫലപ്രദമായിരുന്നുവെന്ന സൂചനയാണ് വൈറ്റ് ഹൗസ് നല്കിയത്.

വിറ്റ്കോഫും കുഷ്നറും മോസ്കോയിൽനിന്ന് യുക്രെയ്ൻ തലസ്ഥാനമായ കീവിലെത്തി പ്രസിഡന്‍റ് സെലൻസ്കിയുമായി കൂടിക്കാഴ്ച നടത്തി.

മോസ്കോ: അമേരിക്കൻ പ്രസിഡന്‍റ് ട്രംപിന്‍റെ പ്രത്യേക പ്രതിനിധി സ്റ്റീവ് വിറ്റ്കോഫും ട്രംപിന്‍റെ മരുമകൻ ജാരദ് കുഷ്നറും ശനി, ഞായർ ദിവസങ്ങളിൽ റഷ്യയും യുക്രെയ്നും സന്ദർശിക്കും. യുക്രെയ്ൻ യുദ്ധം അവസാനിപ്പിക്കാനുള്ള യുഎസ് ശ്രമത്തിന്‍റെ ഭാഗമായിട്ടാണ് സന്ദർശനമെന്നു സൂചനയുണ്ട്.

റഷ്യൻ മാധ്യമങ്ങളാണ് സന്ദർശനവിവരം റിപ്പോർട്ട് ചെയ്തത്. ഇക്കാര്യത്തിൽ ഔദ്യോഗിക സ്ഥിരീകരണം ഉണ്ടായിട്ടില്ല.

വിറ്റ്കോഫും കുഷ്നറും ജനുവരിയിൽ റഷ്യൻ തലസ്ഥാനമായ മോസ്കോയിൽ എത്തിയിരുന്നു. അന്ന് ഇരുവരും റഷ്യൻ പ്രസിഡന്‍റ് പുടിനുമായി നാലു മണിക്കൂർ ചർച്ച നടത്തിയിരുന്നു.

നാലര വർഷത്തിലെത്തിയ റഷ്യ-യുക്രെയ്ൻ യുദ്ധം അവസാനിപ്പിക്കാൻ അമേരിക്കൻ പ്രസിഡന്‍റ് ട്രംപ് ശ്രമങ്ങൾ നടത്തുന്നുണ്ടെങ്കിലും കാര്യമായ ഫലമുണ്ടായിട്ടില്ല.

യുക്രെയ്ന്‍റെ കൂടുതൽ ഭൂമി വിട്ടുകിട്ടണം എന്നതടക്കമുള്ള ആവശ്യങ്ങളാണ് പുടിനുള്ളത്. ഇത് അംഗീകരിക്കാൻ യുക്രെയ്ൻ തയാറല്ല.

അമേരിക്കയുടെ മധ്യസ്ഥതയിൽ റഷ്യയും യുക്രെയ്നും അവസാനമായി ചർച്ച നടത്തിയത് ഫെബ്രുവരിയിലായിരുന്നു. ഇതിനു പിന്നാലെയാണ് അമേരിക്കയും ഇസ്രയേലും ഇറാനെ ആക്രമിക്കാൻ തുടങ്ങിയത്.

 കീവ്: യുക്രെയ്നിൽ റഷ്യ നടത്തിയ വ്യോമാക്രമണങ്ങളിൽ ഇന്ത്യൻ പൗരനടക്കം 12 പേർ കൊല്ലപ്പെട്ടതായി പ്രസിഡന്‍റ് സെലൻസ്കി അറിയിച്ചു. ചൊവ്വാഴ്ച പുലർച്ചെയുണ്ടായ ആക്രമണത്തിൽ പാർപ്പിട മേഖലകളും പശ്ചാത്തല സൗകര്യങ്ങളും നശിച്ചു.

യുക്രെയ്ൻ തലസ്ഥാനമായ കീവിലും ഇതിനോടു ചേർന്ന ബോറിസ്പിൽ നഗരത്തിലുമാണ് മരണങ്ങൾ റിപ്പോർട്ട് ചെയ്തത്. കീവിലാണ് ഇന്ത്യക്കാരൻ കൊല്ലപ്പെട്ടതെന്നു സൂചനയുണ്ട്. ഇയാളുടെ പേരുവിവരങ്ങൾ പുറത്തുവന്നിട്ടില്ല.

ബാലിസ്റ്റിക് മിസൈലുകൾ, ഡ്രോണുകൾ, ഗ്ലൈഡ് ബോംബുകൾ എന്നിവ ഉപയോഗിച്ചാണ് റഷ്യ ആക്രമണം നടത്തിയത്. തുറമുഖ നഗരമായ ഒഡേസ, ഖേർസൺ, സാപ്പോറിഷ്യ, ഖാർകീവ്, ചെർണിഹീവ്, സുമി, നിപ്രോ പ്രദേശങ്ങളിലും റഷ്യൻ ആക്രമണമുണ്ടായി.

ജെറ്റ് എൻജിനുകൾ ഘടിപ്പിച്ച പുതിയതരം ഡ്രോണുകളും റഷ്യ ഉപയോഗിച്ചതായി സെലൻസ്കി അറിയിച്ചു. വേഗത കൂടിയ ഇത്തരം ഡ്രോണുകൾ വെടിവച്ചിടുക ദുഷ്കരമാണ്.

യുക്രെയ്ന്‍റെ വ്യോമപ്രതിരോധ സംവിധാനങ്ങൾ ദുർബലമായ പശ്ചാത്തലത്തിൽ റഷ്യൻ ആക്രമണങ്ങളിൽ പതിവിലും കൂടുതൽ പേർ കൊല്ലപ്പെടുന്നുണ്ട്. മിത്ര രാജ്യങ്ങൾ വ്യോമപ്രതിരോധ സംവിധാനങ്ങൾ നല്കണമെന്ന് യുക്രെയ്ൻ നേതൃത്വം അഭ്യർഥിച്ചു.

കീവ്: യുക്രെയ്ൻ തലസ്ഥാനമായ കീവിലെ ഒരു ഗോഡൗണിൽ റഷ്യ നടത്തിയ ഡ്രോൺ ആക്രമണത്തിൽ 37 പേർ കൊല്ലപ്പെട്ടു. ഡ്രോൺ ആക്രമണത്തിനു പിന്നാലെ ഗോഡൗണിൽ തുടരത്തുടരെ സ്ഫോടനങ്ങളുണ്ടാവുകയായിരുന്നു. ഗോഡൗണിൽ ആയുധങ്ങൾ സൂക്ഷിച്ചിരുന്നുവെന്നാണ് സൂചന.

വെള്ളിയാഴ്ച രാത്രിയുണ്ടായ ആക്രമണത്തിൽ ഗോഡൗണിന്‍റെ പരിസരത്തുള്ള പാർപ്പിടസമുച്ചങ്ങളും വയോജന സംരക്ഷണ കേന്ദ്രവും തകർന്നു. 50 പാർപ്പിട സമുച്ചയങ്ങൾക്കു കേടുപാടുണ്ടായി എന്നാണ് യുക്രെയ്ൻ വൃത്തങ്ങൾ അറിയിച്ചത്. ഗോഡൗണിൽ ആയുധങ്ങൾ സംഭരിച്ചോ എന്നതിൽ അന്വേഷണം ആരംഭിച്ചു.

സംഭവത്തിൽ നാലു കുട്ടികൾ അടക്കം 42 പേർക്കു പരിക്കേറ്റു. നാനൂറോളം പേരെ ഒഴിപ്പിച്ചുമാറ്റി. ദുരന്ത നിവാരണത്തിനായി മുന്നൂറിലധികം പേരെ വിന്യസിച്ചു.

വീടുകൾക്കും പാർപ്പിടസമുച്ചയങ്ങൾക്കും സമീപം ആയുധങ്ങൾ സൂക്ഷിക്കരുതെന്ന് യുക്രെയ്ൻ പ്രസിഡന്‍റ് സെലൻസ്കി പറഞ്ഞു. ഗോഡൗൺ അധികൃതർ വീഴ്ച വരുത്തിയോ എന്ന കാര്യം അന്വേഷിച്ചു കണ്ടെത്തും.

കീവിലെ ആയുധ സംഭരണ കേന്ദ്രം ആക്രമിച്ചുവെന്നാണ് റഷ്യ അറിയിച്ചത്.

യുക്രെയ്നിലെ ഒഡേസ, നിപ്രോപെട്രോവ്സ്ക്, സുമി, സാപ്പോറിഷ്യ മേഖലകളിലും റഷ്യൻ ആക്രമണമുണ്ടായി. ബോറിസ്പിൽ എന്ന സ്ഥലത്തെ ആക്രമണത്തിൽ ഒരാൾ കൊല്ലപ്പെട്ടു.

ഇതിനിടെ യുക്രെയ്ൻ സേന റഷ്യയിലും ഡ്രോൺ ആക്രമണം നടത്തി. ബെൽഗരോദ്, റോസ്തോവ് മേഖലകളിലായി രണ്ടു പേർ കൊല്ലപ്പെട്ടു. റഷ്യൻ ഓൺലൈൻ വ്യാപാരസ്ഥാപനമായ ഓസോണിന്‍റെ ഗോഡൗണും ആക്രമിക്കപ്പെട്ടു.

കീവ്: യുക്രെയ്നിലുടനീളം റഷ്യൻ ഡ്രോൺ ആക്രമണം. പ്രധാനമായും പ്രമുഖ ചില്ലറവില്പന സ്ഥാപനങ്ങളുടെ ഗോഡൊണുകളെ ലക്ഷ്യമിട്ട ആക്രമണത്തിൽ ഒരാൾ കൊല്ലപ്പെട്ടു.

തലസ്ഥാനമായ കീവിൽ 14 ഗോഡോണുകൾ, 16 വീടുകൾ, പാർപ്പിട സമുച്ചയത്തിലെ മൂന്നു ബ്ലോക്കുകൾ എന്നിവ നശിച്ചു. സുമി, സാപ്പോറിഷ്യ, ഖാർകീവ് നഗരങ്ങളിലും ആക്രമണമുണ്ടായി.

വ്യാഴാഴ്ചയും റഷ്യ യുക്രെയ്നു നേർക്കു വലിയ തോതിൽ മിസൈലുകളും ഡ്രോണുകളും പ്രയോഗിച്ചിരുന്നു.

കോടിക്കണക്കിനു പേരുടെ നിത്യജീവിതം താറുമാറാക്കാൻ ലക്ഷ്യമിട്ടാണ് റഷ്യ ഇത്തരം ആക്രമണങ്ങൾ നടത്തുന്നതെന്ന് യുക്രെയ്ൻ ആറോപിച്ചു.

 സീയൂൾ: യുക്രെയ്ൻ യുദ്ധത്തിൽ റഷ്യയെ സഹായിക്കാൻ ഉത്തരകൊറിയ വീണ്ടും സൈന്യത്തെ അയയ്ക്കാൻ ഒരുങ്ങുന്നതായി ദക്ഷിണകൊറിയൻ പ്രതിരോധ മന്ത്രാലയം അറിയിച്ചു. എന്നാൽ, സൈനിക വിന്യാസം ഉടൻ ഉണ്ടാവില്ലെന്നാണ് നിഗമനം.

ഉത്തരകൊറിയ റഷ്യയിലെക്ക് 50,000 സൈനികരെ കൂടി ആയയ്ക്കാൻ പോകുകയാണെന്ന് യുക്രെയ്ൻ പ്രസിഡന്‍റ് സെലൻസ്കി കഴിഞ്ഞയാഴ്ച പറഞ്ഞിരുന്നു. ഉത്തരകൊറിയൻ നേതാവ് കിം ജോംഗ് ഉന്നിന്‍റെ സഹോദരി കിം യോ ജോംഗ് ഇക്കാര്യം നിഷേധിക്കുകയുണ്ടായി.

ഉത്തരകൊറിയ റഷ്യയ്ക്ക് മിസൈലുകൾ അടക്കം വിവിധ പടക്കോപ്പുകൾ നല്കുന്നുണ്ട്. ഒന്നരക്കോടി പീരങ്കിയുണ്ടകൾ ഇതിൽ ഉൾപ്പെടുന്നു.

ഉത്തരകൊറിയയുടെ മിസൈലുകളും റഷ്യ പ്രയോഗിക്കുന്നുണ്ട്. യുദ്ധഭൂമിയിലെ പ്രകടനം അടിസ്ഥാനമാക്കി മിസൈലുകളുടെ കൃത്യത മെച്ചപ്പെടുത്താൻ ഉത്തരകൊറിയയ്ക്കു കഴിയുന്നു. ഇക്കാര്യത്തിൽ റഷ്യയുടെ സാങ്കേതികസഹായവും ഉപദേശവും ഉത്തരകൊറിയയ്ക്കു ലഭിക്കുന്നു.

യുക്രെയ്ൻ അധിനിവേശത്തോടെയാണ് റഷ്യ-ഉത്തരകൊറിയ ബന്ധം മെച്ചപ്പെട്ടത്. നേരത്തേ ഏതാണ്ട് 11,000 സൈനികരെ ഉത്തരകൊറിയ റഷ്യയിലേക്ക് അയച്ചിരുന്നു. ഇതിൽ ധാരാളം പേർ കൊല്ലപ്പെട്ടു.

 കീവ്: യുക്രെയ്ൻ തലസ്ഥാനമായ കീവിലും പരിസരപ്രദേശങ്ങളഇലും റഷ്യ നടത്തിയ മിസൈൽ-ഡ്രോൺ ആക്രമണത്തിൽ 16 മരണം; 40നു മുകളിൽപ്പേർക്കു പരിക്കേൽക്കുകയും ചെയ്തു. വ്യോമപ്രതിരോധസംവിധാനങ്ങളുടെ അഭാവമാണ് മരണസംഖ്യ ഉയരാൻ കാരണമെന്ന് യുക്രെയ്ൻ പ്രസിഡന്‍റ് സെലൻസ്കി പറഞ്ഞു.

ബാലിസ്റ്റിക്, ക്രൂസ്, ഹൈപ്പർസോണിക് ഇനങ്ങളിൽപ്പെട്ട മിസൈലുകളും 168 ഡ്രോണുകളുമാണ് റഷ്യ പ്രയോഗിച്ചതെന്ന് യുക്രെയ്്ൻ സൈനിക വൃത്തങ്ങൾ അറിയിച്ചു. ഭൂരിഭാഗം ഡ്രോണുകളും ബാലിസ്റ്റിക് ഒഴികെയുള്ള മിസൈലുകളഉം നിർവീര്യമാക്കാനായെന്നും കൂട്ടിച്ചേർത്തു.

കീവിലെ സ്ലൊമിയാൻസികിയിൽ ഒന്പതുനിലക്കെട്ടിടത്തിന്‍റെ മുകൾഭാഗം തകർന്നാണ് 15 പേരും കൊല്ലപ്പെട്ടത്. സ്കൂൾ, കുട്ടികളുടെ ആശുപത്രി, ഗോഡൗണുകൾ മുതലായവയും ആക്രമിക്കപ്പെട്ടു. യുക്രെയ്നിലെ തുറമുഖ നഗരമായ ഒഡേസയിലും കനത്ത റഷ്യൻ ആക്രമണമുണ്ടായി.

അതേസമയം, ഡ്രോൺ ഘടങ്ങൾ ഉത്പാദിപ്പിക്കുന്ന കേന്ദ്രങ്ങൾ, ആയുധ സംഭരണശാല മുതലായ കേന്ദ്രങ്ങളിലാണ് ആക്രമണം നടത്തിയതെന്ന് റഷ്യൻ പ്രതിരോധ മന്ത്രാലയം അവകാശപ്പെട്ടു.

അമേരിക്കൻ നിർമിത പേട്രിയറ്റ് വ്യോമപ്രതിരോധ സംവിധാനത്തിൽ ഉപയോഗിക്കുന്ന ഇന്‍റർസെപ്റ്റർ മിസൈലുകളുടെ അഭാവം മൂലം അടുത്തിടെ യുക്രെയ്നിൽ റഷ്യ നടത്തുന്ന ആക്രമണങ്ങളിൽ മരണസംഖ്യ ഉയരുന്നുണ്ട്. ബാലിസ്റ്റിക് മിസൈലുകളെ വെടിവച്ചിടാൻ പേട്രിയറ്റിനേ കഴിയൂ.

യുക്രെയ്ന്‍റെ സഖ്യകക്ഷികൾ പേട്രിറ്റ് മിസൈലുകൾ നല്കാൻ തയാറാകണമെന്ന് പ്രസിഡന്‍റ് സെലൻസ്കി ഇന്നലെ വീണ്ടും അഭ്യർഥിച്ചു.

 മോസ്കോ: റഷ്യൻ അധിനിവേശ ക്രിമിയയിൽ ഉന്നത നാവികസേനാ ഓഫീസർ ബോംബ് സ്ഫോടനത്തിൽ മരിച്ചതിനു പിന്നിൽ യുക്രെയ്നെന്നു സൂചന. ഓഫീസറിനൊപ്പമുണ്ടായിരുന്ന എസ്കോർഡ് ഗേൾ ആണ് ബോംബ് സ്ഥാപിച്ചത്. മുന്പ് യുക്രെയ്ൻ നാവിക സേനയിൽ മുങ്ങിക്കപ്പൽ കമാൻഡറായിരുന്ന ഓഫീസർ പിന്നീട് റഷ്യയിലേക്കു കൂറുമാറിയതാണ്.

റഷ്യൻ നാവികസേനയിലെ കരിങ്കടൽ കപ്പൽപ്പടയിൽ ഉന്നത ഉദ്യോഗസ്ഥനായിരുന്ന റോബർട്ട് ഷഗീവ് (49) ആണ് വ്യാഴാഴ്ച ക്രിമിയയിലെ സെവാസ്തപ്പോളിലുണ്ടായ സ്ഫോടനത്തിൽ കൊല്ലപ്പെട്ടത്. സംഭവത്തിൽ 32 വയസുള്ള റഷ്യൻ വനിത മാർഗരീത്ത റൂത്ത് അറസ്റ്റിലായിരുന്നു.

ഷഗീവിന്‍റെ മുറിയിലെ ചവറ്റുകുട്ടയിലാണ് മാർഗരീത്ത ബോംബ് സ്ഥാപിച്ചത്. സ്ഫോടനത്തിൽ ഉടൻതന്നെ ഷഗീവ് മരണപ്പെട്ടു. ഉഗ്രശബ്ദത്തിലുള്ള സ്ഫോടനം ഡ്രോൺ ആക്രമണം ആയിരിക്കാമെന്ന് സമീപവാസികൾ തെറ്റിദ്ധരിച്ചിരുന്നു.

റഷ്യയിലെ യാരോ‌സ്ലാവൽ പ്രദേശത്തു ജനിച്ച മാർഗരീത്ത, എസ്കോർട്ട് വെബ്സൈറ്റുകളിൽ പതിവായി പ്രത്യക്ഷപ്പെട്ടിരുന്നുവെന്നാണ് റിപ്പോർട്ട്. കൂടെക്കൂടെ ക്രിമിയയിലേക്കും യാത്ര ചെയ്തിരുന്നു. കഴിഞ്ഞ വർഷം ജൂലൈയിൽ യുക്രെയ്ൻ അനുകൂല പരാമർശത്തിന്‍റെ പേരിൽ മാർഗരീത്ത അറസ്റ്റിലായിരുന്നു. രണ്ടു ദിവസം കസ്റ്റഡിയിലായിരുന്ന അവർ പിഴയൊടുക്കി പുറത്തിറങ്ങുകയായിരുന്നു.

നാവികസേനാ ഓഫീസർ കൊല്ലപ്പെട്ടതിനു പിന്നാലെ റഷ്യ വിടാനായിരുന്നു മാർഗരീത്തയുടെ പദ്ധതി. എന്നാൽ റഷ്യൻ അധികൃതർ സെവാസ്തപ്പോളിൽവച്ചുതന്നെ അവരെ പിടികൂടി. കൊലപാതകം നടത്തിയകാര്യം മാർഗരീത്ത സമ്മതിച്ചുവെന്നാണ് റിപ്പോർട്ട്. കൃത്യത്തിൽ ഇവർ ഖേദം പ്രകടിപ്പിച്ചില്ലെന്നും പറയുന്നു. ഷഗീവിനെ വധിക്കാനായി യുക്രെയ്ൻ ഇന്‍റലിജൻസ് മാർഗരീത്തയെ റിക്രൂട്ട് ചെയ്തതായിരിക്കാം എന്നാണ് അനുമാനം. 

യുക്രെയ്ന്‍റെ ഭാഗമായ ക്രിമിയൻ പ്രദേശം റഷ്യൻ സേന 2014ൽ പിടിച്ചെടുത്തപ്പോഴാണ് റോബർട്ട് ഷഗീവ് കൂറുമാറിയത്. ആ സമയത്ത് യുക്രെയ്ൻ നാവിക സേനയിലെ ഏക മുങ്ങിക്കപ്പലായിരുന്ന സാപ്പോറിഷ്യയുടെ ആക്‌ടിംഗ് കമാൻഡറായിരുന്നു ഇദ്ദേഹം.

 മോ​സ്കോ: ​റ​ഷ്യ​ക്കെ​തി​രേ യു​ക്രെ​യ്ന്‍റെ വ​ൻ ഡ്രോ​ൺ ആ​ക്ര​മ​ണം. ശ​നി​യാ​ഴ്ച രാ​ത്രി​യും തി​ങ്ക​ളാ​ഴ്ച പു​ല​ർ​ച്ചെ​യു​മാ​യി യു​ക്രെ​യ്ൻ തൊ​ടു​ത്ത 822 ഡ്രോ​ണു​ക​ളാ​ണ് നി​ർ​വീ​ര്യ​മാ​ക്കി​യ​തെ​ന്ന് റ​ഷ്യ​ൻ പ്ര​തി​രോ​ധ മ​ന്ത്രാ​ല​യം അ​റി​യി​ച്ചു. ആറു പേരെങ്കിലും കൊല്ലപ്പെട്ടതായി റിപ്പോർട്ടുകളിൽ പറയുന്നു.

അ​തേ​സ​മ​യം, റ​ഷ്യ​ൻ ത​ല​സ്ഥാ​ന​മാ​യ മോ​സ്കോ​യി​ൽ അ​ട​ക്കം വ​ൻ നാ​ശ​ന​ഷ്ട​ങ്ങ​ളു​ണ്ടാ​യി എ​ന്നാ​ണ് റി​പ്പോ​ർ​ട്ട്. മോ​സ്കോ മേ​ഖ​ല​യി​ൽ ഒ​രാ​ൾ കൊ​ല്ല​പ്പെ​ട്ട​താ​യി പ്ര​വി​ശ്യാ ഗ​വ​ർ​ണ​ർ അ​ന്ദ്രെ​യ് വൊ​റോ​ബ്യോ​വ് അ​റി​യി​ച്ചു.

റ​ഷ്യ​യി​ലെ ഏ​റ്റ​വും വ​ലി​യ ഓ​ൺ​ലൈ​ൻ വ്യാ​പാ​ര​സ്ഥാ​പ​ന​മാ​യ വൈ​ൽ​ഡ്ബെ​റീ​സി​ന്‍റെ ഗോ​ഡൗ​നി​നു നേ​ർ​ക്കു​ണ്ടാ​യ ആ​ക്ര​മ​ണ​ത്തി​ൽ വൻ തീപിടിത്തമുണ്ടായി. ഇവിടെ ഒരാൾ കൊല്ലപ്പെടുകയും ഒ​ട്ടേ​റെ​പ്പേ​ർ​ക്കു പ​രി​ക്കേ​ൽ​ക്കു​ക​യും ചെ​യ്തു. മോ​സ്കോ​യി​ലെ മ​റ്റു പ​ല സ്ഥ​ല​ങ്ങ​ളി​ലും നാ​ശ​ന​ഷ്ട​ങ്ങ​ളു​ണ്ടായെന്ന് ഗ​വ​ർ​ണ​ർ പ​റ​ഞ്ഞു.

ഒ​രു മാ​സ​ത്തി​ലേ​റെ​യാ​യി വൈ​ൽ​ഡ്ബെ​റീ​സി​ന്‍റെ ഗോ​ഡൗ​ണു​ക​ളി​ൽ യു​ക്രെ​യ്ൻ ആ​ക്ര​മ​ണം ന​ത്തു​ന്നു. റ​ഷ്യ​ൻ സേ​ന​യ്ക്കു​വേ​ണ്ട ഡ്രോ​ണു​ക​ളും മ​റ്റ് ഉ​പ​ക​ര​ണ​ങ്ങ​ളും ഗോ​ഡൗ​ണു​ക​ളി​ൽ സൂ​ക്ഷി​ക്കു​ന്നു​ണ്ടെ​ന്നാ​ണ് യു​ക്രെ​യ്ൻ ആ​രോ​പി​ക്കു​ന്ന​ത്.

 മോസ്കോ: കരിങ്കടലിൽ കപ്പൽ ഗതാഗതം തടസപ്പെടാതിരിക്കാൻ യുക്രെയ്നുമായി വെടിനിർത്തലുണ്ടാക്കാനുള്ള നിർദേശം റഷ്യ തള്ളി. യുക്രെയ്നു താത്കാലിക ആശ്വാസം ലഭിക്കുന്ന ഇത്തരം നടപടികൾക്കില്ലെന്ന് റഷ്യൻ വിദേശകാര്യ മന്ത്രാലയം വക്താവ് മരിയ സാക്കറോവ വ്യക്തമാക്കി.
അടുത്തകാലത്ത് റഷ്യയും യുക്രെയ്നും കരിങ്കടലിലെ വാണിജ്യ കപ്പലുകൾക്ക് നേർക്ക് ആക്രമണം വർധിപ്പിച്ചിരുന്നു. ലോകത്തിലെ ഏറ്റവും വലിയ ധാന്യ ഉത്പാദകരായ റഷ്യയുടെയും യുക്രെയ്ന്‍റെയും ഇത്തരം നടപടികൾ അന്താരാഷ്‌ട്ര വിപണിയിൽ ഭക്ഷ്യവസ്തുക്കളുടെ വില ഉയരാൻ കാരണമായി.
ഇതൊഴിവാക്കാൻ കരിങ്കടലിൽ വെടിനിർത്തലുണ്ടാക്കാമെന്ന നിർദേശം തുർക്കി മുന്നോട്ടുവച്ചതായി അവിടുത്തെ വിദേശകാര്യമന്ത്രി ഹാകാൻ ഫിദാൻ അറിയിച്ചു. എന്നാൽ ഇത്തരം നിർദേശം ലഭിച്ചിട്ടില്ലെന്നാണ് റഷ്യൻ വിദേശകാര്യമന്ത്രാലയം വക്താവ് മരിയ സാക്കറോവ പ്രതികരിച്ചത്.
വാണിജ്യ കപ്പലുകളെ ലക്ഷ്യമിടുന്ന യുക്രെയ്ന്‍റെ നടപടി ഭീകരാക്രമണം ആണെന്നും മരിയ ആരോപിച്ചു. അതേസയം റഷ്യൻ സേന വാണിജ്യ കപ്പലുകളെ ആക്രമിക്കുന്നതിനെക്കുറിച്ച് പരാമർശിച്ചില്ല.
2022-23 കാലയളവിൽ തുർക്കിയുടെ മധ്യസ്ഥതിയൽ റഷ്യയും യുക്രെയ്നും കരിങ്കടലിൽ വെടിനിർത്തിയിരുന്നു.

 
കീവ്/മോസ്കോ: യുക്രെയ്നിലെ ഒഡേസ തുറമുഖത്ത് റഷ്യ നടത്തിയ വ്യോമാക്രമണത്തിൽ വലിയ നാശമുണ്ടായെന്ന് യുക്രെയ്ൻ പ്രസിഡന്‍റ് സെലൻസ്കി അറിയിച്ചു. ഒഡേസ തുറമുഖത്തിനു നേർക്കുള്ള ആക്രമണം ലോക ഭക്ഷ്യവിതരണ ശൃംഖലയെ ബാധിക്കുമെന്നും അദ്ദേഹം മുന്നറിയിപ്പു നല്കി. യുക്രെയ്ന്‍റെ കാർഷിക ഉത്പന്നങ്ങൾ കയറ്റുമതി ചെയ്യുന്നത് ഒഡേസയിലൂടെയാണ്.
ഇതിനിടെ റഷ്യയിലെ ബെൽഗരോദ് നഗരത്തിൽ യുക്രെയ്ൻ നടത്തിയ ഡ്രോൺ ആക്രമണത്തിൽ അഞ്ചു പേർ കൊല്ലപ്പെട്ടു; രണ്ടു കുട്ടികളടക്കം 25 പേർക്കു പരിക്കേറ്റു. ആക്രമണത്തിൽ പാർപ്പിട സമുച്ചയങ്ങൾ അടക്കം ഒട്ടേറെ കെട്ടിടങ്ങൾക്കു തീപിടിച്ചു.

മോസ്കോ: ജയിലിൽ മരിച്ച റഷ്യൻ പ്രതിപക്ഷ നേതാവ് അലക്സി നവൽനിയുടെ വിധവ യൂലിയ നവൽനയ ചെയർമാനായ മനുഷ്യാവകാശ സംഘടനയ്ക്ക് വിലക്കേർപ്പെടുത്തി റഷ്യ. ന്യൂയോർക്ക് കേന്ദ്രീകരിച്ചു പ്രവർത്തിക്കുന്ന ‘ഹ്യൂമൻ റൈറ്റ്സ് ഫൗണ്ടേഷൻ’ സംഘടനയെ ‘അനഭിമത’ സംഘടനയായി റഷ്യൻ ഭരണകൂടം മുദ്രകുത്തി.
റഷ്യൻ ഭരണകൂടത്തിനു ഭീഷണി ഉയർത്തുന്ന പ്രസ്ഥാനങ്ങളെയാണ് ‘അനഭിമതം’ എന്നു മുദ്രകുത്താറുള്ളത്. ഇതിനർഥം ഇതിന്‍റെ പ്രവർത്തനം നിരോധിച്ചു എന്നാണ്. ഇവയുമായി സഹകരിക്കുന്നവർ വിചാരണ നേരിടേണ്ടിവരും.
യൂലിയയുടെ സംഘടന റഷ്യയെ ഏകാധിപത്യ ഭീകരഭരണകൂടമായി ചിത്രീകരിക്കുന്നു എന്നാണ് ആരോപണം. റഷ്യൻ സൈന്യത്തെ താറടിച്ചുകാണിക്കുന്ന പ്രവർത്തനങ്ങളും നടത്തുന്നു.
അതേസമയംനിരോധനത്തിലൂടെ സംഘടനയുടെ ആരോപണങ്ങൾ ശരിവയ്ക്കുകയാണ് റഷ്യയിലെ പുടിൻ ഭരണകൂടം ചെയ്യുന്നതെന്ന് ഹ്യൂമൻ റൈറ്റ്സ് ഫൗണ്ടേഷൻ പ്രതികരിച്ചു.

ന്യൂ​​ഡ​​ൽ​​ഹി: ജ​​നു​​വ​​രി​​യി​​ൽ റ​​ഷ്യ​​യി​​ൽ​​നി​​ന്ന് അ​​സം​​സ്കൃ​​ത എ​​ണ്ണ​​യു​​ടെ ഇ​​റ​​ക്കു​​മ​​തി പ്ര​​തീ​​ക്ഷി​​ക്കു​​ന്നി​​ല്ലെ​​ന്ന് റി​​ല​​യ​​ൻ​​സ് ഇ​​ൻ​​ഡ​​സ്ട്രീ​​സ് ഇ​​ന്ന​​ലെ അ​​റി​​യി​​ച്ചു. ഈ ​​നീ​​ക്കം ഇ​​ന്ത്യ​​യു​​ടെ റ​​ഷ്യ​​ൻ എ​​ണ്ണ ഇ​​റ​​ക്കു​​മ​​തി​​യെ വ​​ർ​​ഷ​​ങ്ങ​​ൾ​​ക്കി​​ട​​യി​​ലെ ഏ​​റ്റ​​വും താ​​ഴ്ന്ന നി​​ല​​യി​​ലെ​​ത്തി​​ച്ചേ​​ക്കും.

റ​​ഷ്യ​​ൻ എ​​ണ്ണ വാ​​ങ്ങു​​ന്ന​​ത് തു​​ട​​ർ​​ന്നാ​​ൽ യു​​എ​​സി​​ലേ​​ക്കു​​ള്ള ഇ​​ന്ത്യ​​ൻ ഇ​​റ​​ക്കു​​മ​​തി​​ക​​ൾ​​ക്ക് തീ​​രു​​വ വീ​​ണ്ടും ഉ​​യ​​ർ​​ത്തു​​മെ​​ന്ന് പ്ര​​സി​​ഡ​​ന്‍റ് ഡോ​​ണ​​ൾ​​ഡ് ട്രം​​പ് മു​​ന്ന​​റി​​യി​​പ്പ് ന​​ൽ​​കി​​യി​​രു​​ന്നു. ഇ​​തി​​നു പി​​ന്നാ​​ലെ​​യാ​​ണ് ലോ​​ക​​ത്തി​​ലെ ഏ​​റ്റ​​വും വ​​ലി​​യ റി​​ഫൈ​​നിം​​ഗ് കോം​​പ്ല​​ക്സി​​ന്‍റെ ന​​ട​​ത്തി​​പ്പു​​കാ​​രും ക​​ഴി​​ഞ്ഞ വ​​ർ​​ഷം റ​​ഷ്യ​​ൻ അ​​സം​​സ്കൃ​​ത എ​​ണ്ണ​​യു​​ടെ ഏ​​റ്റ​​വും വ​​ലി​​യ വാ​​ങ്ങ​​ലു​​കാ​​രു​​മാ​​യ റി​​ല​​യ​​ൻ​​സി​​ന്‍റെ പ്ര​​സ്താ​​വ​​ന വ​​ന്ന​​ത്.

ക​​ഴി​​ഞ്ഞ മൂ​​ന്നാ​​ഴ്ച​​യാ​​യി റി​​ല​​യ​​ൻ​​സ് ഇ​​ൻ​​ഡ​​സ്ട്രീ​​സി​​ന്‍റെ ജാം​​ന​​ഗ​​റി​​ലെ റി​​ഫൈ​​ന​​റി​​യി​​ൽ റ​​ഷ്യ​​ൻ എ​​ണ്ണ​​യു​​ടെ ച​​ര​​ക്കു​​ക​​ളൊ​​ന്നും എ​​ത്തി​​യി​​ട്ടി​​ല്ല. കൂ​​ടാ​​തെ, ജ​​നു​​വ​​രി മാ​​സ​​ത്തി​​ൽ റ​​ഷ്യ​​ൻ എ​​ണ്ണ​​യു​​ടെ വി​​ത​​ര​​ണ​​മൊ​​ന്നും ക​​ന്പ​​നി പ്ര​​തീ​​ക്ഷി​​ക്കു​​ന്നു​​മി​​ല്ല. എ​​ക്സി​​ൽ പോ​​സ്റ്റ് ചെ​​യ്ത പ്ര​​സ്താ​​വ​​ന​​യി​​ൽ പ​​റ​​യു​​ന്നു.

റ​​ഷ്യ​​ൻ അ​​സം​​സ്കൃ​​ത എ​​ണ്ണ​​യു​​മാ​​യി മൂ​​ന്നു ക​​പ്പ​​ലു​​ക​​ൾ റി​​ല​​ൻ​​സി​​ന്‍റെ ജാം​​ന​​ഗ​​റി​​ലെ റി​​ഫൈ​​ന​​റി ല​​ക്ഷ്യ​​മാ​​ക്കി നീ​​ങ്ങു​​ന്നു​​ണ്ടെ​​ന്ന് ക​​ഴി​​ഞ്ഞ​​യി​​ടെ വ​​ന്ന മാ​​ധ്യ​​മ റി​​പ്പോ​​ർ​​ട്ടി​​നെ ത​​ള്ളു​​ന്ന​​താ​​ണ് പ്ര​​സ്താവ​​ന.

2022ൽ യു​​ക്രെ​​യ്ൻ യു​​ദ്ധം ആ​​രം​​ഭി​​ച്ച​​തി​​നെ​​ത്തു​​ട​​ർ​​ന്ന് ഡി​​സ്കൗ​​ണ്ട് നി​​ര​​ക്കി​​ൽ ക​​ട​​ൽ​​മാ​​ർ​​ഗം വ​​രു​​ന്ന അ​​സം​​സ്കൃ​​ത എ​​ണ്ണ​​യു​​ടെ ഏ​​റ്റ​​വും വ​​ലി​​യ വാ​​ങ്ങ​​ലു​​കാ​​രി ഇ​​ന്ത്യ മാ​​റി. ഈ ​​എ​​ണ്ണ വാ​​ങ്ങ​​ൽ പാ​​ശ്ചാ​​ത്യ​​രാ​​ജ്യ​​ങ്ങ​​ളു​​ടെ ക​​ടു​​ത്ത എ​​തി​​ർ​​പ്പി​​നു കാ​​ര​​ണ​​മാ​​യി. റ​​ഷ്യ​​യു​​ടെ എ​​ണ്ണ വ​​രു​​മാ​​നം യു​​ദ്ധ​​ത്തി​​നാ​​യി വി​​നി​​യോ​​ഗി​​ക്കു​​ക​​യാ​​ണെ​​ന്ന് അ​​വ​​ർ വാ​​ദി​​ക്കു​​ന്ന​​ത്. ഇ​​തേ​​ത്തു​​ട​​ർ​​ന്ന് റ​​ഷ്യ​​യു​​ടെ ഉൗ​​ർ​​ജ മേ​​ഖ​​ല​​യ്ക്കു​​മേ​​ൽ ഉ​​പ​​രോ​​ധ​​വും ഏ​​ർ​​പ്പെ​​ടുത്തി.

ഇ​​ന്ത്യ വ​​ൻ​​തോ​​തി​​ൽ റ​​ഷ്യ​​ൻ ഓ​​യി​​ൽ വാ​​ങ്ങു​​ന്ന​​തി​​നു​​ള്ള ശി​​ക്ഷ​​യാ​​യി ക​​ഴി​​ഞ്ഞ വ​​ർ​​ഷം ഇ​​ന്ത്യൻ ഉ​​ത്പ​​ന്ന​​ങ്ങ​​ളു​​ടെ ഇ​​റ​​ക്കു​​മ​​തി തീ​​രു​​വ 50 ശ​​ത​​മാ​​ന​​മാ​​യി വ​​ർ​​ധി​​പ്പി​​ക്കു​​ക​​യും ചെ​​യ്തു. നി​​ല​​വി​​ൽ ഇ​​രു രാ​​ജ്യ​​ങ്ങ​​ളും ഒ​​രു വ്യാ​​പാ​​ര​​ക​​രാ​​റി​​നു​​ള്ള ച​​ർ​​ച്ച​​യി​​ലാ​​ണ്. എ​​ന്നാ​​ൽ, ക​​ടു​​ത്ത ത​​ർ​​ക്ക​​ങ്ങ​​ൾ മൂ​​ലം ക​​രാ​​ർ പ്ര​​ബ​​ല്യ​​ത്തി​​ലെ​​ത്തി​​ക്കാ​​നാ​​കു​​ന്നി​​ല്ല.

യു​​എ​​സു​​മാ​​യി ഒ​​രു വ്യാ​​പാ​​ര ക​​രാ​​റി​​ൽ ഏ​​ർ​​പ്പെ​​ടാ​​ൻ സാ​​ധ്യ​​ത​​യു​​ള്ള​​തി​​നാ​​ൽ ഇ​​ന്ത്യ​​യു​​ടെ റ​​ഷ്യ​​ൻ അ​​സം​​സ്കൃ​​ത എ​​ണ്ണ ഇ​​റ​​ക്കു​​മ​​തി പ്ര​​തി​​ദി​​നം ഒ​​രു മി​​ല്യ​​ണ്‍ ബാ​​ര​​ലി​​ലേ​​ക്ക് കുറയാ​​ൻ സാ​​ധ്യ​​ത​​യു​​ണ്ടെ​​ന്ന് റി​​പ്പോ​​ർ​​ട്ടു​​ണ്ട്.

യു​​എ​​സി​​ന്‍റെ​​യും യൂ​​റോ​​പ്യ​​ൻ യൂ​​ണി​​യ​​ന്‍റെ​​യും ക​​ടു​​ത്ത ഉ​​പ​​രോ​​ധ​​ത്തെ​​ത്തു​​ട​​ർ​​ന്ന് റ​​ഷ്യ​​യി​​ൽ​​നി​​ന്ന് ഇ​​ന്ത്യ​​യി​​ലേ​​ക്കു​​ള്ള എ​​ണ്ണ ഒ​​ഴു​​ക്കി​​നെ മ​​ന്ദ​​ഗ​​തി​​യി​​ലാ​​ക്കി. കെ​​പ്ല​​റി​​ൽ​​നി​​ന്നു​​ള്ള ക​​ണ​​ക്കു​​ക​​ൾ പ്ര​​കാ​​രം ഡി​​സം​​ബ​​റി​​ൽ പ്ര​​തി​​ദി​​നം 12 ല​​ക്ഷം ബാ​​ര​​ലി​​ലെ​​ത്തി. മൂ​​ന്നു വ​​ർ​​ഷ​​ത്തി​​നി​​ട​​യി​​ലെ ഏ​​റ്റ​​വും താ​​ഴ്ന്ന നി​​ര​​ക്കാ​​ണി​​ത്. ജൂ​​ണി​​ൽ ഇ​​ത് പ്ര​​തി​​ദി​​നം 20 ല​​ക്ഷം ബാ​​ര​​ലെ​​ന്ന ഉ​​യ​​ർ​​ന്ന നി​​ല​​യി​​ലാ​​യി​​രു​​ന്നു. ഇ​​തി​​ൽ​​നി​​ന്ന് 40 ശ​​ത​​മാ​​നം കു​​റ​​വാ​​ണു​​ണ്ടാ​​യ​​ത്.

റി​​ല​​യ​​ൻ​​സ് വാ​​ങ്ങ​​ൽ നി​​ർ​​ത്തി​​വ​​ച്ച​​തോ​​ടെ ജ​​നു​​വ​​രി​​യി​​ൽ റ​​ഷ്യ​​ൻ എ​​ണ്ണ​​യു​​ടെ ഇ​​ന്ത്യ​​യി​​ലേ​​ക്കു​​ള്ള വി​​ത​​ര​​ണം റ​​ഷ്യ​​യു​​ടെ പി​​ന്തു​​ണ​​യു​​ള്ള ന​​യാ​​ര എ​​ന​​ർ​​ജി, പൊ​​തു​​മേ​​ഖ​​ല റി​​ഫൈ​​ന​​റി​​ക​​ളാ​​യ ഇ​​ന്ത്യ​​ൻ ഓ​​യി​​ൽ കോ​​ർ​​പ​​റേ​​ഷ​​ൻ, ഭാ​​ര​​ത് പെ​​ട്രോ​​ളി​​യം കോ​​ർ​​പ​​റേ​​ഷ​​ൻ എ​​ന്നി​​വ​​യി​​ൽ ഒ​​തു​​ങ്ങാ​​നാ​​ണ് സാ​​ധ്യ​​ത​​യെ​​ന്ന് റി​​പ്പോ​​ർ​​ട്ടു​​ണ്ട്.

പ്ര​​തി​​ദി​​നം നാ​​ലു ല​​ക്ഷം ബാ​​ര​​ൽ ശു​​ദ്ധീ​​ക​​ര​​ണ​​ശേ​​ഷി​​യു​​ള്ള ന​​യാ​​ര എ​​ന​​ർ​​ജി ആ​​യി​​രി​​ക്കും ജ​​നു​​വ​​രി​​യി​​ൽ റ​​ഷ്യ​​ൻ അ​​സം​​സ്കൃ​​ത എ​​ണ്ണ​​യു​​ടെ പ്ര​​ധാ​​ന ഇ​​ന്ത്യ​​ൻ വാ​​ങ്ങ​​ലു​​കാ​​ർ. ന​​യാ​​ര​​യി​​ൽ റ​​ഷ്യ​​ൻ ക​​ന്പ​​നി​​യാ​​യ റോ​​സ്നെ​​ഫെ​​റ്റി​​ന് പ​​ങ്കാ​​ളി​​ത്ത​​മു​​ണ്ട്.

കീ​​​വ്: യു​​​ക്രെ​​​യ്ൻ യു​​​ദ്ധം അ​​​വ​​​സാ​​​നി​​​പ്പി​​​ക്കാ​​​നാ​​​യി റ​​​ഷ്യ​​​യും അ​​​മേ​​​രി​​​ക്ക​​​യും പു​​​തി​​​യ പ​​​ദ്ധ​​​തി ത​​​യാ​​​റാ​​​ക്കി​​​യ​​​താ​​​യി റി​​​പ്പോ​​​ർ​​​ട്ട്. യു​​​ക്രെ​​​യ്ൻ സേ​​​ന​​​യു​​​ടെ നി​​​യ​​​ന്ത്ര​​​ണ​​​ത്തി​​​ലു​​​ള്ള ഭൂ​​​മികൂ​​​ടി റ​​​ഷ്യ​​​ക്കു വി​​​ട്ടു​​​കൊ​​​ടു​​​ക്ക​​​ണ​​​മെ​​​ന്ന നി​​​ർ​​​ദേ​​​ശം പ​​​ദ്ധ​​​തി​​​യി​​​ലു​​​ണ്ട്. യു​​​ക്രെ​​​യ്ൻ സേ​​​ന​​​യു​​​ടെ വ​​​ലി​​​പ്പം കു​​​റ​​​യ്ക്ക​​​ണ​​​മെ​​​ന്ന​​​താ​​​ണ് മ​​​റ്റൊ​​​രു നി​​​ർ​​​ദേ​​​ശം.

പ​​​ദ്ധ​​​തി ച​​​ർ​​​ച്ച ചെ​​​യ്യാ​​​നാ​​​യി അ​​​മേ​​​രി​​​ക്ക​​​ൻ ആ​​​ർ​​​മി സെ​​​ക്ര​​​ട്ട​​​റി ഡാ​​​ൻ ഡ്രി​​​സ്കോ​​​ളി​​​ന്‍റെ നേ​​​തൃ​​​ത്വ​​​ത്തി​​​ലു​​​ള്ള സൈ​​​നി​​​കസം​​​ഘം ബു​​​ധ​​​നാ​​​ഴ്ച യു​​​ക്രെ​​​യ്നി​​​ലെ​​​ത്തി. ഇ​​​ന്ന​​​ലെ യു​​​ക്രെ​​​യ്ൻ പ്ര​​​സി​​​ഡ​​​ന്‍റ് സെ​​​ല​​​ൻ​​​സ്കി​​​യു​​​മാ​​​യി സം​​​ഘം ച​​​ർ​​​ച്ച ന​​​ട​​​ത്തി.

അ​​​മേ​​​രി​​​ക്ക​​​ൻ പ്ര​​​സി​​​ഡ​​​ന്‍റ് ട്രം​​​പി​​​ന്‍റെ പ്ര​​​ത്യേ​​​ക പ്ര​​​തി​​​നി​​​ധി സ്റ്റീ​​​വ് വി​​​റ്റ്കോ​​​ഫും റ​​​ഷ്യ​​​യു​​​ടെ പ്ര​​​ത്യേ​​​ക പ്ര​​​തി​​​നി​​​ധി കി​​​റി​​​ൾ ദി​​​മി​​​ത്രി​​​യേ​​​വും ചേ​​​ർ​​​ന്നാ​​​ണ് പ​​​ദ്ധ​​​തി ത​​​യാ​​​റാ​​​ക്കി​​​യ​​​ത്. അ​​​മേ​​​രി​​​ക്ക​​​യോ റ​​​ഷ്യ​​​യോ ഇ​​​ക്കാ​​​ര്യം ഔ​​​ദ്യോ​​​ഗി​​​ക​​​മാ​​​യി സ്ഥി​​​രീ​​​ക​​​രി​​​ച്ചി​​​ട്ടി​​​ല്ല. എ​​​ന്നാ​​​ൽ ദീ​​​ർ​​​ഘ​​​കാ​​​ല സ​​​മാ​​​ധാ​​​ന​​​ത്തി​​​ന് ഇ​​​രുകൂ​​​ട്ട​​​രും വി​​​ട്ടു​​​വീ​​​ഴ്ച​​​യ്ക്കു ത​​​യാ​​​റാ​​​കേ​​​ണ്ടിവ​​​രു​​​മെ​​​ന്ന് അ​​​മേ​​​രി​​​ക്ക​​​ൻ സ്റ്റേ​​​റ്റ് സെ​​​ക്ര​​​ട്ട​​​റി മാ​​​ർ​​​ക്കോ റൂ​​​ബി​​​യോ സോ​​​ഷ്യ​​​ൽ മീ​​​ഡി​​​യ​​​യി​​​ൽ പ​​​റ​​​ഞ്ഞു.

അ​​​മേ​​​രി​​​ക്ക​​​യും റ​​​ഷ്യ​​​യും ചേ​​​ർ​​​ന്ന് പ​​​ദ്ധ​​​തി ത​​​യാ​​​റാ​​​ക്കി​​​യ​​​തി​​​ൽ യൂ​​​റോ​​​പ്യ​​​ൻ യൂ​​​ണി​​​യ​​​ൻ എ​​​തി​​​ർ​​​പ്പ് പ്ര​​​ക​​​ടി​​​പ്പി​​​ച്ചു. ഏ​​​തു പ​​​ദ്ധ​​​തി​​​യും ന​​​ട​​​പ്പാ​​​ക​​​ണ​​​മെ​​​ങ്കി​​​ൽ യു​​​ക്രെ​​​യ്നെ​​​യും യൂ​​​റോ​​​പ്യ​​​ൻ യൂ​​​ണി​​​യ​​​നെ​​​യും ച​​​ർ​​​ച്ച​​​യി​​​ൽ ഉ​​​ൾ​​​പ്പെ​​​ടു​​​ത്ത​​​ണ​​​മെ​​​ന്ന് യൂ​​​റോ​​​പ്യ​​​ൻ യൂ​​​ണി​​​യ​​​ൻ വി​​​ദേ​​​ശ​​​ന​​​യ മേ​​​ധാ​​​വി കാ​​​യാ ക​​​ല്ലാ​​​സ് പ​​​റ​​​ഞ്ഞു. റ​​​ഷ്യ​​​യോ​​​ട് അ​​​ടി​​​യ​​​റ​​​വു പ​​​റ​​​യാ​​​ൻ യു​​​ക്രെ​​​യ്ൻ ത​​​യാ​​​റ​​​ല്ലെ​​​ന്ന് ഫ്ര​​​ഞ്ച് വി​​​ദേ​​​ശ​​​കാ​​​ര്യ​​​മ​​​ന്ത്രി ഷോ​​​ൺ നോ​​​യ​​​ൽ ബാ​​​ര​​​റ്റും പ​​​റ​​​ഞ്ഞു.

യു​​​ദ്ധ​​​കാര്യങ്ങളും വെ​​​ടി​​​നി​​​ർ​​​ത്ത​​​ലും ച​​​ർ​​​ച്ച ചെ​​​യ്യാ​​​നാ​​​ണ് അ​​​മേ​​​രി​​​ക്ക​​​ൻ സം​​​ഘം എ​​​ത്തി​​​യ​​​തെ​​​ന്ന് യു​​​ക്രെ​​​യ്ൻ വൃ​​​ത്ത​​​ങ്ങ​​​ൾ വെ​​​ളി​​​പ്പെ​​​ടു​​​ത്തി. നി​​​ല​​​വി​​​ൽ ഏ​​​റ്റു​​​മു​​​ട്ട​​​ൽ ന​​​ട​​​ക്കു​​​ന്ന സ്ഥ​​​ല​​​ത്തു​​​വ​​​ച്ച് യു​​​ദ്ധം നി​​​ർ​​​ത്താ​​​ൻ ത​​​യാ​​​റാ​​​ണെ​​​ന്ന് പ്ര​​​സി​​​ഡ​​​ന്‍റ് സെ​​​ല​​​ൻ​​​സ്കി ട്രം​​​പി​​​നോ​​​ട് സ​​​മ്മ​​​തി​​​ച്ചി​​​ട്ടു​​​ള്ള​​​താ​​​ണെ​​​ന്നും വൃ​​​ത്ത​​​ങ്ങ​​​ൾ കൂ​​​ട്ടി​​​ച്ചേ​​​ർ​​​ത്തു.