ജീവൻ നിലനിർത്താൻ ജീവൻ പണയം വയ്ക്കുന്നവർ
Wednesday, May 8, 2024 12:47 AM IST
വെ​ള്ള​രി​ക്കു​ണ്ട്: മാ​ലോ​ത്തു​നി​ന്ന്‌ ആ​റു​കി​ലോ​മീ​റ്റ​ർ അ​ക​ലെ ക​ർ​ണാ​ട​ക വ​നാ​തി​ർ​ത്തി​യി​ലു​ള്ള കാ​പ്പി​ത്ത​ട്ട് കോ​ള​നി​യി​ലെ മി​ക്ക കു​ടും​ബ​ങ്ങ​ളും ഇ​പ്പോ​ൾ കു​ടി​വെ​ള്ള​മെ​ത്തി​ക്കു​ന്ന​ത് വ​ന​ത്തി​നു​ള്ളി​ലെ നീ​രു​റ​വ​ക​ളി​ൽ​നി​ന്ന് പൈ​പ്പി​ട്ടാ​ണ്. ഒ​ന്ന​ര കി​ലോ​മീ​റ്റ​റോ​ളം അ​ക​ലെ​യാ​ണ് നീ​രു​റ​വ​യു​ള്ള​ത്. ഇ​ട​യ്ക്കി​ടെ വെ​ള്ളം വ​രാ​താ​കും. നീ​രു​റ​വ​യി​ൽ വെ​ള്ളം കു​റ​ഞ്ഞ​തോ കാ​ട്ടാ​ന​ക​ൾ പൈ​പ്പ് ച​വി​ട്ടി ഒ​ടി​ച്ച​തോ ആ​വും കാ​ര​ണം. അ​ത് ശ​രി​യാ​ക്ക​ണ​മെ​ങ്കി​ൽ ജീ​വ​ൻ പ​ണ​യം​വെ​ച്ച് കാ​ട്ടി​ൽ പോ​യി നോ​ക്കേ​ണ്ടി​വ​രും.

മി​ക്ക സ​മ​യ​ങ്ങ​ളി​ലും കോ​ള​നി​ക്ക​ടു​ത്തു​ത​ന്നെ കാ​ട്ടാ​ന​ക​ളു​ടെ ചി​ന്നം​വി​ളി കേ​ൾ​ക്കാം. രാ​ത്രി​കാ​ല​ങ്ങ​ളി​ൽ അ​വ കാ​ടി​റ​ങ്ങി വ​രു​ന്ന​തും പ​തി​വ്. പ​ല​രു​ടെ​യും വീ​ട്ടു​മു​റ്റം വ​രെ​യെ​ത്തും. മ​റ്റു സു​ര​ക്ഷ​യൊ​ന്നു​മി​ല്ലാ​ത്ത വീ​ടു​ക​ളി​ൽ ഒ​രു ധൈ​ര്യ​ത്തി​നു വേ​ണ്ടി നാ​യ്ക്ക​ളെ പോ​റ്റു​ന്നു​ണ്ട്. ഇ​വ​യി​ൽ ര​ണ്ടെ​ണ്ണ​ത്തെ പു​ലി പി​ടി​ച്ച​ത് അ​ടു​ത്ത​കാ​ല​ത്താ​ണ്. മു​മ്പ് കോ​ള​നി​വാ​സി​ക​ൾ ആ​ടു​ക​ളെ വ​ള​ർ​ത്തി​യി​രു​ന്നെ​ങ്കി​ലും പു​ലി​യെ ആ​ക​ർ​ഷി​ക്കു​മെ​ന്നു പേ​ടി​ച്ച് അ​തും നി​ർ​ത്തി. ആ​ന​യും കാ​ട്ടു​പ​ന്നി​യു​മൊ​ക്കെ ഇ​റ​ങ്ങു​ന്ന​തി​നാ​ൽ കൃ​ഷി​യും കാ​ര്യ​മാ​യൊ​ന്നും ചെ​യ്യാ​നാ​വി​ല്ല.

ഇ​ത് ഒ​രി​ട​ത്തെ മാ​ത്രം അ​വ​സ്ഥ​യ​ല്ല. മി​ക്ക​യി​ട​ങ്ങ​ളി​ലും വ​നാ​തി​ർ​ത്തി ഗ്രാ​മ​ങ്ങ​ളി​ലെ സ്ഥി​തി ഇ​പ്പോ​ൾ ഇ​ങ്ങ​നെ​യാ​ണ്. ക​ഴി​ഞ്ഞ മാ​സം കോ​ളി​ച്ചാ​ൽ മൊ​ട്ട​യം​കൊ​ച്ചി​യി​ൽ കാ​ടി​നു​ള്ളി​ലെ കു​ടി​വെ​ള്ള പൈ​പ്പ് ശ​രി​യാ​ക്കാ​ൻ പോ​യ യു​വാ​വി​നെ കാ​ട്ടാ​ന എ​ടു​ത്തെ​റി​ഞ്ഞ സം​ഭ​വം ഉ​ദാ​ഹ​ര​ണം. പ​ക്ഷേ വെ​ള്ളം കി​ട്ടാ​ൻ മ​റ്റു വ​ഴി​യി​ല്ലാ​ത്ത​തു​കൊ​ണ്ട് അ​തി​ർ​ത്തി ഗ്രാ​മ​ങ്ങ​ളി​ൽ മി​ക്ക ആ​ളു​ക​ൾ​ക്കും പി​ന്നെ​യും കാ​ട്ടി​ലേ​ക്കു​ത​ന്നെ പോ​കേ​ണ്ടി​വ​രു​ന്നു. മി​ക്ക ത​ദ്ദേ​ശ​സ്ഥാ​പ​ന​ങ്ങ​ളി​ലും ജ​ല​നി​ധി​യും ജ​ല​ജീ​വ​ൻ മി​ഷ​ൻ പ​ദ്ധ​തി​യു​മൊ​ക്കെ ന​ട​പ്പാ​ക്കി​യി​ട്ടു​ണ്ടെ​ങ്കി​ലും ചെ​ങ്കു​ത്താ​യ കു​ന്നി​ൻ ച​രി​വു​ക​ളി​ൽ പ​ല​യി​ട​ങ്ങ​ളി​ലും വെ​ള്ള​മെ​ത്തു​ന്നി​ല്ല. അ​ത​തി​ട​ങ്ങ​ളി​ൽ ത​ന്നെ കു​ഴ​ൽ​കി​ണ​റു​ക​ളെ​ങ്കി​ലും കു​ഴി​ച്ചു​ത​ര​ണ​മെ​ന്ന ആ​വ​ശ്യ​വും ന​ട​പ്പാ‍​യി​ട്ടി​ല്ല.

ക​ർ​ണാ​ട​ക വ​നം​വ​കു​പ്പ് വ​നാ​തി​ർ​ത്തി​യി​ൽ കു​ളം കു​ഴി​ച്ച് കാ​ട്ടാ​ന​ക​ളെ ക്ഷ​ണി​ച്ചു​വ​രു​ത്തി​യ ബ​ന്ത​ടു​ക്ക​യ്ക്കു സ​മീ​പ​ത്തെ ക​ണ്ണാ​ടി​ത്തോ​ട്, ചൂ​ളം​ക​ല്ല് ഭാ​ഗ​ങ്ങ​ളി​ലും ഇ​തേ സാ​ഹ​ച​ര്യ​മാ​ണ്. ഇ​ന്ന​ലെ​യും ഇ​വി​ടെ കാ​ട്ടാ​ന​ക​ളി​റ​ങ്ങി വ്യാ​പ​ക കൃ​ഷി​നാ​ശം വ​രു​ത്തി​യി​രു​ന്നു. പ​ന്തം ക​ത്തി​ച്ചു​വ​ച്ചും ത​ക​ര​പ്പാ​ട്ട​ക​ൾ കൊ​ട്ടി​യു​മാ​ണ് ചൂ​ളം​ക​ല്ല് കോ​ള​നി​വാ​സി​ക​ൾ ഓ​രോ രാ​ത്രി​യും ത​ള്ളി​നീ​ക്കു​ന്ന​ത്. വ​ന​ത്തി​ൽ നി​ന്നും ജ​ന​വാ​സ​കേ​ന്ദ്ര​ങ്ങ​ളി​ലേ​ക്ക് സ്ഥാ​പി​ച്ച കു​ടി​വെ​ള്ള പൈ​പ്പു​ക​ളും വ്യാ​പ​ക​മാ​യി ത​ക​ർ​ക്ക​പ്പെ​ടു​ന്നു. കു​ടി​വെ​ള്ള​ത്തി​നു വേ​ണ്ടി മ​നു​ഷ്യ​ർ കാ​ട്ടു​മൃ​ഗ​ങ്ങ​ളോ​ട് മ​ത്സ​രി​ച്ച് തോ​ല്ക്കേ​ണ്ടി​വ​രു​ന്ന അ​വ​സ്ഥ​യാ​ണ്.

Copyright @ 2022 , Rashtra Deepika Ltd.