ച​ന്ദ​ന​പ്പ​ള്ളി​യി​ൽ ആ​ഘോ​ഷ​പൂ​ർ​വ​മാ​യ ചെ​ന്പെ​ടു​പ്പ്
Wednesday, May 8, 2024 4:09 AM IST
ച​ന്ദ​ന​പ്പ​ള്ളി: വി​ശ്വാ​സി​ക​ളു​ടെ ആ​ർ​പ്പു​വി​ളി​ക​ളാ​ൽ ഭ​ക്തിസാ​ന്ദ്ര​മാ​യ അ​ന്ത​രീ​ക്ഷ​ത്തി​ൽ ച​ന്ദ​ന​പ്പ​ള്ളി സെ​ന്‍റ് ജോ​ർ​ജ് മ​ല​ങ്ക​ര തീ​ർ​ഥാ​ട​ന ക​ത്തോ​ലി​ക്കാ പ​ള്ളി ചെ​മ്പെ​ടു​പ്പ് റാ​സ ന​ട​ന്നു. പെ​രു​ന്നാ​ളി​നു സ​മാ​പ​ന​മാ​യി ന​ട​ന്ന റാ​സ​യി​ൽ ആ​യി​ര​ക്ക​ണ​ക്കി​ന് വി​ശ്വ​സി​ക​ൾ പങ്കെടുത്തു. വി​വി​ധ സ്ഥ​ല​ങ്ങ​ളി​ൽനി​ന്നെ​ത്തി​യ ചെ​ന്പെ​ടു​പ്പ് റാ​സ​ക​ൾ പ​ള്ളി​യി​ൽ സം​ഗ​മി​ച്ച​ ശേ​ഷ​മാ​ണ് ആ​ഘോ​ഷ​പൂ​ർ​വ​മാ​യ ചെ​ന്പെ​ടു​പ്പ് ന​ട​ന്ന​ത്.

ഉ​ദ​യം​പേ​രൂ​ർ, ആ​ല​പ്പു​ഴ തീ​ര​ദേ​ശം, തി​രു​വ​ന​ന്ത​പു​രം, കു​ട​മു​ക്ക്, ച​ന്ദ​ന​പ്പ​ള്ളി മു​ഴി​ക്ക​ൽ പൗ​രാ​വ​ലി, കൈ​പ്പ​ട്ടൂ​ർ വെ​ള്ള​പ്പാ​റ എ​ന്നി​വി​ട​ങ്ങ​ളി​ൽനി​ന്നു ദേ​വാ​ല​യ​ത്തി​ലേ​ക്ക് ഇ​ത്ത​വ​ണ ചെ​ന്പെ​ടു​പ്പ് ന​ട​ന്നു. പൊ​ൻ​-വെ​ള്ളി​ക്കു​രി​ശു​ക​ൾ, മു​ത്തു​ക്കു​ട​ക​ൾ, വ​ർ​ണ​ക്കു​ട​ക​ൾ, പേ​പ്പ​ൽ പ​താ​ക​ക​ൾ, വാ​ദ്യ​മേ​ള​ങ്ങ​ൾ എ​ന്നി​വ​യു​ടെ അ​ക​മ്പ​ടി​യോ​ടെ​യാ​ണ് റാ​സ ന​ട​ന്ന​ത്.

കോ​ൺ​വ​ന്‍റ് ജം​ഗ്ഷ​നി​ലെ സെ​ന്‍റ് ജോ​ർ​ജ് ഷ്റൈ​നി​ൽ റാ​സ എ​ത്തി​യ​പ്പോ​ൾ അ​വി​ടെ ചെ​മ്പും​മൂ​ട്ടി​ൽ പ്ര​ത്യേ​കം ത​യാ​റാ​ക്കി​യ ചെ​മ്പി​ലെ പാതി ​വേ​വി​ച്ച ചോ​റി​ൽ അം​ശ​വ​സ്ത്രം ധ​രി​ച്ച മു​ഖ്യ കാ​ർ​മി​ക​ൻ സ്ലീ​ബാ മു​ദ്ര ചാ​ർ​ത്തി ആ​ദ​രി​ച്ചു.

തു​ട​ർ​ന്ന് വി​ശ്വാ​സി​ക​ൾ ചെ​മ്പെ​ടു​ത്തു. ഭ​ക്ത്യാ​ദ​ര​വു​ക​ളോ​ടെ ചെ​മ്പ് ഉ​യ​ർ​ത്തി ഹോ​യ്...​ഹോ​യ്.. വി​ളി​ച്ചും സ​ഹ​ദാ​യു​ടെ അ​പ​ദാ​ന​ങ്ങ​ൾ വാ​ഴ്ത്തി​പ്പാ​ടി​യും ആ​യി​ര​ങ്ങ​ളു​ടെ അ​ക​മ്പ​ടി​യോ​ടെ ചെ​മ്പ് ദേ​വാ​ല​യ​ത്തി​ൽ എ​ത്തി​ച്ചു. പാ​ത​യോ​ര​ങ്ങ​ളി​ൽ​കാ​ത്തു​നി​ന്ന വി​ശ്വ​സി​ക​ൾ പു​ഷ്പ​ങ്ങ​ളും വെ​റ്റി​ല​ക​ളും വി​ത​റി റാ​സ​യെ സ്വീ​ക​രി​ച്ചു.

തു​ട​ർ​ന്ന് ജം​ഗ്ഷ​നി​ലെ കു​രി​ശ​ടി​യി​ൽ ത​യാ​റാ​ക്കി​യ ര​ണ്ടാ​മ​ത്തെ ചെ​മ്പ് സ്ത്രീ​ക​ളു​ടെ നേ​തൃ​ത്വ​ത്തി​ൽ വ​ഹി​ച്ച് ദേവാ​ല​യ​ത്തി​ലെ​ത്തി​ച്ചു. പ്രാ​ർ​ഥി​ച്ച് ചെ​മ്പി​ൽ തൊ​ട്ട് അ​നു​ഗ്ര​ഹം തേ​ടാ​ൻ വി​ശ്വാ​സി​ക​ളു​ടെ വ​ലി​യ പ്ര​വാ​ഹ​മാ​യി​രു​ന്നു. ര​ണ്ട് ചെ​മ്പു​ക​ളും ദേവാ​ല​യ പ്ര​ദ​ക്ഷി​ണം നടത്തി. പി​ന്നീ​ട് നേ​ർ​ച്ച വി​ത​ര​ണ​വും ന​ട​ന്നു.

ഗീവർഗീസ് സഹദായുടെ തിരുശേഷിപ്പ് പ്രതിഷ്ഠിച്ചു

ച​ന്ദ​ന​പ്പ​ള​ളി: ഭ​ക്തി​സാ​ന്ദ്ര​മാ​യ അ​ന്ത​രീ​ക്ഷ​ത്തി​ൽ ച​ന്ദ​ന​പ്പ​ള്ളി തീ​ർ​ഥാ​ട​ന ക​ത്തോ​ലി​ക്കാ പ​ള്ളി​യി​ൽ വി​ശു​ദ്ധ ഗീ​വ​ർ​ഗീ​സ് സ​ഹ​ദാ​യു​ടെ തി​രു​ശേ​ഷി​പ്പ് പ്ര​തി​ഷ്ഠി​ച്ചു . ക​സാ​ഖ്സ്ഥാ​നി​ൽനി​ന്ന് ഏ​റ്റു​വാ​ങ്ങി ആ​ഘോ​ഷ​പൂ​ർ​വം ഇ​ന്ത്യ​യി​ലെ​ത്തി​ച്ച തി​രു​ശേ​ഷി​പ്പ് പ​ത്ത​നം​തി​ട്ട അ​ര​മ​ന ദൈവാ​ല​യ​ത്തി​ൽ സൂ​ക്ഷി​ച്ചി​രി​ക്കുകയാ​യി​രു​ന്നു.

അ​ര​മ​ന ചാ​പ്പ​ലി​ൽ ഇ​ന്ന​ലെ രാ​വി​ലെ രൂ​പ​താ​ധ്യ​ക്ഷ​ൻ ഡോ. ​സാ​മു​വ​ൽ മാ​ർ ഐ​റേ​നി​യോ​സ് മെ​ത്രാ​പ്പോ​ലീ​ത്തയു​ടെ കാ​ർ​മി​ക​ത്വ​ത്തി​ൽ ന​ട​ന്ന പ്രാ​ർ​ഥ​ന​യെത്തു​ട​ർ​ന്ന് ഹം​സ​ര​ഥ​ത്തി​ലാ​ണ് ച​ന്ദ​ന​പ്പ​ള്ളി​യി​ലേ​ക്ക് തി​രു​ശേ​ഷി​പ്പ് ആ​ന​യി​ച്ച​ത്.

തി​രു​നാ​ളി​നോ​ട​നു​ബ​ന്ധി​ച്ച് രാ​വി​ലെ ക​ർ​ദി​നാ​ൾ മാ​ർ ബ​സേ​ലി​യോ​സ് ക്ലീ​മി​സ് കാ​തോ​ലി​ക്കാ ബാ​വ​യു​ടെ കാ​ർ​മി​ക​ത്വ​ത്തി​ൽ ന​ട​ന്ന ആ​ഘോ​ഷ​മാ​യ വി​ശു​ദ്ധ കു​ർ​ബാ​ന​യെത്തു​ട​ർ​ന്ന് തി​രു​ശേ​ഷി​പ്പ് പ്ര​തി​ഷ്ഠി​ച്ചു. മ​ദ്ബ​ഹ​യ്ക്കു സ​മീ​പം സ്ഥാ​പി​ച്ച രൂ​പ​ക്കൂ​ട്ടി​ലാ​ണ് തി​രു​ശേ​ഷി​പ്പ് പ്ര​തി​ഷ്ഠി​ച്ച​ത്.

പ​ത്ത​നം​തി​ട്ട രൂ​പ​താ​ധ്യ​ക്ഷ​ൻ ഡോ.​സാ​മു​വേ​ൽ മാ​ർ ഐ​റേ​നി​യോ​സ്, മാ​വേ​ലി​ക്ക​ര രൂ​പ​താ​ധ്യ​ക്ഷ​ൻ ഡോ.​ജോ​ഷ്വാ മാ​ർ ഇ​ഗ്്നാ​ത്തി​യോ​സ്, തി​രു​വ​ന​ന്ത​പു​രം മേ​ജ​ർ അ​തി​രൂ​പ​ത സ​ഹാ​യ മെ​ത്രാ​ൻ മാ​ത്യൂ​സ് മാ​ർ പോ​ളി​ക്കാ​ർ​പ്പോ​സ് തു​ട​ങ്ങി​യ​വ​രും നി​ര​വ​ധി വൈ​ദി​ക​രും സ​ഹ​കാ​ർ​മി​ക​രാ​യി​രു​ന്നു.

തി​രു​നാ​ളി​നോ​ട​നു​ബ​ന്ധി​ച്ചു രാ​വി​ലെ മു​ത​ൽ ദൈവാ​ല​യ​ത്തി​ലേ​ക്ക് വി​ശ്വാ​സി​ക​ളു​ടെ പ്ര​വാ​ഹ​മാ​യി​രു​ന്നു.

Copyright @ 2022 , Rashtra Deepika Ltd.