കു​ന്ന​ങ്കാ​ട്- ക​ണ്ണം​കു​ളം റോ​ഡി​ൽ ഭീഷണിയായി മാ​ലി​ന്യക്കൂ​മ്പാ​രം ; ന​ട​പ​ടി എ​ടു​ക്കാ​തെ അധികൃതർ
Sunday, April 28, 2024 6:44 AM IST
വ​ട​ക്ക​ഞ്ചേ​രി: റോ​ഡ​രി​കി​ലെ സ​ർ​ക്കാ​ർവ​ക മാ​ലി​ന്യക്കൂമ്പാ​രം യാ​ത്ര​ക്കാ​ർ​ക്കും പ്ര​ദേ​ശ​വാ​സി​ക​ൾ​ക്കും ഭീ​ഷ​ണി​യാ​കു​ന്നു. കു​ന്ന​ങ്കാ​ട്- ക​ണ്ണം​കു​ളം റോ​ഡി​ൽ ക​ണ്ണംകു​ള​ത്തി​ന​ടു​ത്താ​ണ് ഈ ​കാ​ഴ്ച. തൊ​ഴി​ലു​റ​പ്പുപ​ദ്ധ​തി​യു​ടെ ഭാ​ഗ​മാ​യി മ​ഞ്ഞി​ല കു​ള​മ്പ് ഭാ​ഗ​ത്ത് മാ​ലി​ന്യ​ങ്ങ​ൾ നി​ക്ഷേ​പി​ക്കാ​നാ​യി ക​മ്പിനെ​റ്റ് കൊ​ണ്ടു​ള്ള കൂ​ട് സ്ഥാ​പി​ച്ചി​രു​ന്നു.

ത​രം​തി​രി​ച്ച മാ​ലി​ന്യ​ങ്ങ​ളാ​ണ് ഇ​തി​നു​ള്ളി​ൽ സൂ​ക്ഷി​ച്ചി​ട്ടു​ള്ള​ത്. മാ​ലി​ന്യം ആ​രെ​ങ്കി​ലും മോ​ഷ്ടി​ക്കാ​തി​രി​ക്കാ​ൻ പൂ​ട്ടി​ട്ട് പൂ​ട്ടി​യാ​ണ് ഇ​തെ​ല്ലാം സൂ​ക്ഷി​ക്കു​ന്ന​ത്. ഇ​വി​ടേ​ക്ക് ഇ​പ്പോ​ൾ തൊ​ഴി​ലു​റ​പ്പു​കാ​ർ പോ​യി​ട്ട് തൊ​ഴി​ലി​ല്ലാ​ത്ത​വ​ർപോ​ലും തി​രി​ഞ്ഞു​നോ​ക്കു​ന്നി​ല്ല. മാ​ലി​ന്യം മൂ​ലം പ​ല​വി​ധ ശ​ല്യ​മാ​യ​പ്പോ​ൾ ഇ​തെ​ല്ലാം നീ​ക്കംചെ​യ്യ​ണ​മെ​ന്നാ​വ​ശ്യ​പ്പെ​ട്ട് പ്ര​ദേ​ശ​വാ​സി​ക​ൾ പ​ഞ്ചാ​യ​ത്തി​ലും ആ​രോ​ഗ്യ​വ​കു​പ്പി​നും മാ​റി​മാ​റി പ​രാ​തി ന​ൽ​കി.

പ​ക്ഷേ, ആ​രും തി​രി​ഞ്ഞു നോ​ക്കു​ന്നി​ല്ല. മ​ഴ​ക്കാ​ല​ത്ത് പ​ക​ർ​ച്ച​വ്യാ​ധി​ക​ൾ പ​ട​രു​മ്പോ​ൾ അ​പ്പോ​ൾ ന​ട​പ​ടി​യെ​ടു​ക്കാം എ​ന്ന മ​ട്ടി​ലാ​ണ് ആ​രോ​ഗ്യ​വ​കു​പ്പ്.

ഇ​ത്ത​രം പ​രാ​തി​ക​ൾ എ​ത്ര ക​ണ്ടി​രി​ക്കു​ന്നു എ​ന്ന മ​ട്ടി​ൽ പ​ഞ്ചാ​യ​ത്തും അ​ന​ങ്ങു​ന്നി​ല്ല. ഇ​തി​നോ​ടുചേ​ർ​ന്ന് റോ​ഡ് വ​ക്കി​ലെ​ല്ലാം ഇ​പ്പോ​ൾ മാ​ലി​ന്യ​ങ്ങ​ൾ കു​ന്നു​കൂ​ടു​ക​യാ​ണ്. മാ​ലി​ന്യം നി​ക്ഷേ​പി​ക്കാ​നു​ള്ള സ്ഥ​ല​മാ​ണെ​ന്നു ക​രു​തി ദൂ​ര​സ്ഥ​ല​ങ്ങ​ളി​ൽനി​ന്നും വാ​ഹ​ന​ങ്ങ​ളി​ലാ​ണ് മാ​ലി​ന്യം കൊ​ണ്ടു​വ​ന്ന് ത​ള്ളു​ന്ന​ത്.

ഭ​ക്ഷ​ണാ​വ​ശി​ഷ്ട​ങ്ങ​ളും ത​ള്ളു​ന്ന സ്ഥി​തി​യാ​യ​പ്പോ​ൾ നാ​യ്ശ​ല്യ​വും രാ​ത്രി​യാ​യാ​ൽ പ​ന്നി​ക്കൂ​ട്ട​ങ്ങ​ളും സ്ഥി​രം സ​ന്ദ​ർ​ശ​ക​രാ​യി. കാ​ട്ടു​പ​ന്നി​ക​ൾ റോ​ഡി​നു കു​റു​കെ പാ​യു​ന്ന​തു വാ​ഹ​നാ​പ​ക​ട​ങ്ങ​ൾ​ക്കും കാ​ര​ണ​മാ​കു​ന്നു​ണ്ട്.

മ​ഴ​പെ​യ്താ​ൽ പ്ലാ​സ്റ്റി​ക്കി​ലെ​ല്ലാം വെ​ള്ളംകെ​ട്ടി​നി​ന്ന് കൊ​തു​ക് പെ​രു​കി അ​തു​വ​ഴി പ​ക​ർ​ച്ച​വ്യാ​ധി പ​ട​രു​മെ​ന്ന ആ​ശ​ങ്ക​യു​മു​ണ്ട്. മാ​ലി​ന്യം വ​ലി​ച്ചെ​റി​യ​രു​ത്, പ്ലാ​സ്റ്റി​ക് ക​ത്തി​ക്ക​രു​ത് എ​ന്നെ​ല്ലാം പ​റ​ഞ്ഞ് പേ​ടി​പ്പി​ച്ച് മാ​ലി​ന്യം കൊ​ണ്ടുപോ​കു​ന്ന​തി​ന് വീ​ട്ടു​കാ​രി​ൽ നി​ന്നും പ​ണം വാ​ങ്ങി ശു​ചീ​ക​ര​ണം ന​ട​ത്തു​ന്ന​വ​രേ​യും ഇ​പ്പോ​ൾ കാ​ണാ​നി​ല്ല​ത്രെ.

മാ​ലി​ന്യം എ​ടു​ക്കാ​ൻ വ​രു​മെ​ന്ന് ക​രു​തി മൂ​ന്നും നാ​ലും ചാ​ക്കു​ക​ൾ നി​റ​ച്ച് മാ​ലി​ന്യം സൂ​ക്ഷി​ച്ചി​രു​ന്ന​വ​ർ ഇ​പ്പോ​ൾ പെ​ട്ടി​രി​ക്കു​ക​യാ​ണ്. മാ​ലി​ന്യം സൂ​ക്ഷി​ച്ച് എ​ലി​ശ​ല്യ​വും മ​റ്റു ക്ഷു​ദ്ര​ജീ​വി​ക​ളു​മാ​യി സ്ഥ​ല കു​റ​വു​ള്ള വീ​ട്ടു​കാ​ർ ദു​രി​ത​ത്തി​ലാ​ണ്.

ബ​ന്ധ​വ​സി​ലു​ള്ള മാ​ലി​ന്യ​ങ്ങ​ളും സ​മീ​പ​ത്തെ മാ​ലി​ന്യ കൂ​മ്പാ​ര​ങ്ങ​ളു​മെ​ല്ലാം നീ​ക്കം ചെ​യ്ത് പ്ര​ദേ​ശം ശു​ചീ​ക​രി​ക്ക​ണ​മെ​ന്നാ​ണ് പൊ​തു​ജ​നാ​വ​ശ്യം.
Copyright @ 2018 , Rashtra Deepika Ltd.