10

മും​ബൈ: പ​ശ്ചി​മേ​ഷ്യ​യി​ലെ സം​ഘ​ർ​ഷ​ങ്ങ​ൾ രൂ​ക്ഷ​മാ​യ​തി​നെ​ത്തു​ട​ർ​ന്ന് ആ​ഗോ​ള വി​പ​ണി​യി​ൽ അ​സം​സ്കൃ​ത എ​ണ്ണ​വി​ല ബാ​ര​ലി​ന് 100 ഡോ​ള​റി​ലേ​ക്ക് ഉ​യ​ർ​ന്ന​തോ​ടെ ഇ​ന്ത്യ​ൻ ഓ​ഹ​രി വി​പ​ണി​യി​ൽ ക​ന​ത്ത ഇ​ടി​വ്.

തു​ട​ർ​ച്ച​യാ​യ മൂ​ന്നാം ദി​വ​സ​വും ന​ഷ്ടം നേ​രി​ട്ട പ്ര​ധാ​ന സൂ​ചി​ക​ക​ളാ​യ സെ​ൻ​സെ​ക്സും നി​ഫ്റ്റി​യും മൂ​ന്നു മാ​സ​ത്തെ ഏ​റ്റ​വും താ​ഴ്ന്ന നി​ല​വാ​ര​ത്തി​ലെ​ത്തി.

ഐ​ടി ഓ​ഹ​രി​ക​ളി​ലെ വി​റ്റ​ഴി​ക്ക​ലും വി​ദേ​ശ നി​ക്ഷേ​പം പി​ൻ​വ​ലി​ച്ച​തും വി​പ​ണി​യി​ലെ ത​ക​ർ​ച്ച​യ്ക്ക് ആ​ക്കം കൂ​ട്ടി.ഇ​ന്ന​ലെ വ്യാ​പാ​രം അ​വ​സാ​നി​ച്ച​പ്പോ​ൾ ബി​എ​സ്ഇ സെ​ൻ​സെ​ക്സ് 813.35 പോ​യി​ന്‍റ് (1.08 ശ​ത​മാ​നം) താ​ഴ്ന്ന് 74,764. 23ലും ​എ​ൻ​എ​സ്ഇ നി​ഫ്റ്റി 203.60 പോ​യി​ന്‍റ് (0.86 ശ​ത​മാ​നം) ഇ​ടി​ഞ്ഞ് 23,431.50ലു​മാ​ണ് ക്ലോ​സ് ചെ​യ്ത​ത്.

ബി​എ​സ്ഇ​യി​ൽ 1,805 ഓ​ഹ​രി​ക​ൾ നേ​ട്ട​മു​ണ്ടാ​ക്കി​യ​പ്പോ​ൾ 2,382 ഓ​ഹ​രി​ക​ൾ ന​ഷ്ടം നേ​രി​ട്ടു. 173 ഓ​ഹ​രി​ക​ളു​ടെ വി​ല​യി​ൽ മാ​റ്റ​മു​ണ്ടാ​യി​ല്ല. നി​ഫ്റ്റി സ്മോ​ൾ​ക്യാ​പ് സൂ​ചി​ക 0.48 ശ​ത​മാ​ന​വും മി​ഡ്ക്യാ​പ് സൂ​ചി​ക 0.51 ശ​ത​മാ​ന​വും താ​ഴ്ന്നു.

പ്ര​ധാ​ന കാ​ര​ണ​ങ്ങ​ൾ

ക്രൂ​ഡ് ഓ​യി​ൽ വി​ല​ക്ക​യ​റ്റം: ആ​ഗോ​ള എ​ണ്ണ സൂ​ചി​ക​യാ​യ ബ്രെ​ന്‍റ് ക്രൂ​ഡ് ബാ​ര​ലി​ന് 100 ഡോ​ള​ർ ക​ട​ന്ന​ത് ജൂ​ലൈ​ക്ക് ശേ​ഷം ഇ​താ​ദ്യ​മാ​ണ്. പ​ശ്ചി​മേ​ഷ്യ​ൻ യു​ദ്ധം രൂ​ക്ഷ​മാ​യ​തും മി​സൈ​ൽ ആ​ക്ര​മ​ണ​ങ്ങ​ളെ​ക്കു​റി​ച്ചു​ള്ള വാ​ർ​ത്ത​ക​ളും ആ​ഗോ​ള ഊ​ർ​ജ വി​ത​ര​ണ​ത്തി​ൽ ആ​ശ​ങ്ക സൃ​ഷ്ടി​ച്ചു. ക്രൂ​ഡ് ഓ​യി​ൽ വി​ല ഉ​യ​രു​ന്ന​ത് ഇ​ന്ത്യ​യു​ടെ വ്യാ​പാ​ര​ക്ക​മ്മി വ​ർ​ധി​പ്പി​ക്കാ​നും പ​ണ​പ്പെ​രു​പ്പ​ത്തി​നു വ​ഴി​വ​യ്ക്കാ​നും ഇ​ട​യാ​ക്കും.

ദു​ർ​ബ​ല​മാ​യ ആ​ഗോ​ള വി​പ​ണി: ജ​പ്പാ​ന്‍റെ നി​ക്കി, ഹോങ്കോ​ങ്ങി​ന്‍റെ ഹാം​ഗ് സെ​ങ് തു​ട​ങ്ങി​യ ഏ​ഷ്യ​ൻ സൂ​ചി​ക​ക​ളും അ​മേ​രി​ക്ക​ൻ വി​പ​ണി​ക​ളും ന​ഷ്ട​ത്തി​ലാ​ണ് വ്യാ​പാ​രം അ​വ​സാ​നി​പ്പി​ച്ച​ത്. ഭൗ​മ​രാ​ഷ്‌​ട്രീ​യ സം​ഘ​ർ​ഷ​ങ്ങ​ൾ ഉ​യ​ർ​ത്തു​ന്ന റി​സ്ക് പ്രീ​മി​യം കാ​ര​ണം വി​പ​ണി​യി​ലെ അ​നി​ശ്ചി​ത​ത്വം തു​ട​രു​മെ​ന്നാ​ണ് വി​ദ​ഗ്ധരു​ടെ വി​ല​യി​രു​ത്ത​ൽ.

വി​ദേ​ശ നി​ക്ഷേ​പ​ക​രു​ടെ വി​റ്റ​ഴി​ക്ക​ൽ: വി​ദേ​ശ ധ​ന​കാ​ര്യ സ്ഥാ​പ​ന​ങ്ങ​ൾ ഓ​ഹ​രി​ക​ൾ വ്യാ​പ​ക​മാ​യി വി​റ്റ​ഴി​ക്കാ​ൻ തു​ട​ങ്ങി​യ​ത് വി​പ​ണി​യി​ലെ പ​ണ​ല​ഭ്യ​ത​യെ ബാ​ധി​ച്ചു. സെ​പ്റ്റം​ബ​ർ എ​ട്ടി​ന് മാ​ത്രം 123.19 കോ​ടി രൂ​പ​യു​ടെ ഓ​ഹ​രി​ക​ളാ​ണ് വി​ദേ​ശ നി​ക്ഷേ​പ​ക​ർ വി​റ്റൊ​ഴി​ഞ്ഞ​ത്.

രൂ​പ​യു​ടെ മൂ​ല്യ​ത്ത​ക​ർ​ച്ച: യു​എ​സ് ഡോ​ള​റി​നെ​തി​രേ രൂ​പ​യു​ടെ മൂ​ല്യം 21 പൈ​സ ഇ​ടി​ഞ്ഞ് 94.95ലേ​ക്കു താ​ഴ്ന്നു.

ഐ​ടി ഓ​ഹ​രി​ക​ളി​ലെ വീ​ഴ്ച: ഐ​ടി സൂ​ചി​ക​യി​ൽ മൂ​ന്നു ശ​ത​മാ​ന​ത്തോ​ളം ഇ​ടി​വ് രേ​ഖ​പ്പെ​ടു​ത്തി. ഇ​ന്‍റേ​ണ​ൽ ഓ​ഡി​റ്റി​ലെ ചി​ല ക​ണ്ടെ​ത്ത​ലു​ക​ളെ​ത്തു​ട​ർ​ന്ന് ചെ​യ​ർ​മാ​ൻ ഓം ​പ്ര​കാ​ശ് ഭ​ട്ട് രാ​ജി സ​മ​ർ​പ്പി​ച്ച​തോ​ടെ കോ​ഫോ​ർ​ജ് (Coforge) ഓ​ഹ​രി​ക​ൾ ആ​റു ശ​ത​മാ​നം ഇ​ടി​ഞ്ഞു. അ​തേ​സ​മ​യം, ആ​ഗോ​ള​ത​ല​ത്തി​ൽ ഉ​ത്പ​ന്ന വി​ല വ​ർ​ധി​പ്പി​ച്ച​തി​നെ തു​ട​ർ​ന്ന് ഗ്രാ​ഫൈ​റ്റ് ഇ​ന്ത്യ ഓ​ഹ​രി​ക​ൾ 13 ശ​ത​മാ​ന​ത്തി​ല​ധി​കം മു​ന്നേ​റി.

Tags : Sensex Drops800 Nifty NSE BSE Crude Business