10

ധാക്ക: ബംഗ്ലാദേശിലെ ചിറ്റഗോങ്ങിൽ സൈനിക പരിശീലനത്തിനിടെ ചൈനീസ് നിർമിത ടാങ്ക് പൊട്ടിത്തെറിച്ച് രണ്ട് സൈനികർ കൊല്ലപ്പെട്ടു. ഹഠസാരി ഫീൽഡ് ഫയറിംഗ് റേഞ്ചിൽ നടന്ന വെടിവയ്പ് പരിശീലനത്തിനിടെയാണ് ദുരന്തമുണ്ടായത്.

ടാങ്കിനുള്ളിലുണ്ടായിരുന്ന ഉദ്യോഗസ്ഥരാണ് മരിച്ചത്. സംഭവത്തിൽ ഗുരുതരമായി പരിക്കേറ്റ മറ്റൊരു സൈനികനെ ഉടനടി ആശുപത്രിയിലേക്ക് മാറ്റി.

അപകടത്തിൽപ്പെട്ട ടൈപ്പ് 59 മോഡൽ ടാങ്ക് ചൈനീസ് നിർമിതമാണെന്നാണ് റിപ്പോർട്ടുകൾ. സ്ഫോടനത്തിന്‍റെ യഥാർഥ കാരണം വ്യക്തമല്ല. സംഭവത്തിൽ ഉന്നതതല അന്വേഷണത്തിന് ഉത്തരവിട്ടിട്ടുണ്ട്.

Tags : ChineseTank Bangladesh Soldiers Deepika DeepikaNewspaper BreakingNews NewsUpdate Headlines