കല്പ്പറ്റ: പെട്രോളും ഡീസലും കന്നാസുകളില് നല്കുന്നത് കേന്ദ്ര സര്ക്കാര് ഗസറ്റ് വിജ്ഞാപനത്തിലൂടെ വിലക്കിയത് പന്തല്, ശബ്ദ, വെളിച്ച മേഖലയെ പ്രതിസന്ധിയിലാക്കിയതായി കേരള സ്റ്റേറ്റ് ഹയര് ഗുഡ്സ് ഓണേഴ്സ് അസോസിയേഷന് ജില്ലാ പ്രസിഡന്റ് ഷിബു കരണി, വൈസ് പ്രസിഡന്റുമാരായ ഷംസുദ്ദീന് കമ്പളക്കാട്, ഹൈദ്രു കല്പ്പറ്റ, ജനറല് സെക്രട്ടറി മനാഫ് പിണങ്ങോട്, ട്രഷറര് പി.സി. രാജു എന്നിവര് വാര്ത്താസമ്മേളനത്തില് പറഞ്ഞു.
വിജ്ഞാപനം പുനഃപരിശോധിക്കാന് ഉത്തരവാദപ്പെട്ട മന്ത്രാലയം തയാറാകണമെന്ന് അവര് ആവശ്യപ്പെട്ടു. ഡീസലും പെട്രോളും കാനുകളില് ലഭിക്കാത്തത് ജനറേറ്ററും അനുബന്ധ ഉപകരണങ്ങളും പ്രവര്ത്തിപ്പിക്കുന്നതിന് തടസമാകുകയാണ്. അഞ്ച് ലിറ്റര് ഡീസല് പോലും കന്നാസില് ലഭിക്കാത്ത സ്ഥിതിയാണ്.
പന്തല്-അലങ്കാര മേഖല മാത്രമല്ല ഡീസല് ഉപയോഗിക്കുന്ന യന്ത്രസാമഗ്രികളുള്ള സകല മേഖലകളും പ്രതിസന്ധി നേരിടുകയാണ്. കുറഞ്ഞത് 25 ലിറ്റര് ഡീസല് വീതം കാനുകളില് ലഭിക്കുന്നതിന് സാഹചര്യം ഉണ്ടാകണമെന്നും അസോസിയേഷന് ഭാരവാഹികള് പറഞ്ഞു.
Tags : Local News Nattuvishesham Wayanad