14

‎‎നെ​ടു​മ​ങ്ങാ​ട് : മ​ല​യോ​ര ക​ർ​ഷ​ക​രു​ടെ മു​ഖ​മു​ദ്ര​യാ​യി​രു​ന്ന വെ​റ്റി​ല കൃ​ഷി അ​ന്യ​മാ​കു​ന്നു. തി​രു​വ​ന​ന്ത​പു​രം ജി​ല്ല​യി​ലെ നെ​ടു​മ​ങ്ങാ​ട്, പാ​ലോ​ട്, വി​തു​ര, ആ​ര്യ​നാ​ട് തു​ട​ങ്ങി​യ ഹൈ​റേ​ഞ്ച് മേ​ഖ​ല​ക​ളി​ൽ ത​ല​മു​റ​ക​ളാ​യി കൈ​മാ​റി​വ​ന്ന ഈ ​പ​ച്ച​ത്തു​രു​ത്തു​ക​ൾ ക​ർ​ഷ​ക​രു​ടെ ക​ണ്ണീ​രി​ൽ കുതിരു കയാണ്.

വ​ൻ​തോ​തി​ലു​ള്ള വി​ല​യി​ടി​വും ഉ​യ​ർ​ന്ന പ​രി​പാ​ല​ന ചെ​ല​വും കാ​ലാ​വ​സ്ഥാ വ്യ​തി​യാ​ന​വും ഒ​രു​പോ​ലെ തി​രി​ച്ച​ടി​ച്ച​തോ​ടെ​യാ​ണ് അ​വ​ശേ​ഷി​ക്കു​ന്ന ക​ർ​ഷ​ക​രും ഈ ​പ​ര​മ്പ​രാ​ഗ​ത കൃ​ഷി ഉ​പേ​ക്ഷി​ക്കാ​ൻ നി​ർ​ബ​ന്ധി​ത​രാ​യി​രി​ക്കു​ന്ന​ത്. ‎പ​ത്ത് സെ​ന്‍റിൽ വെ​റ്റി​ല കൃ​ഷി​യി​റ​ക്കാ​ൻ ഇ​ന്നു കു​റ​ഞ്ഞ​ത് അ​ര​ല​ക്ഷ​ത്തി​ല​ധി​കം രൂ​പ​യാ​ണ് ചെ​ല​വ് വ​രു​ന്ന​ത്. ക​ടം വാ​ങ്ങി​യും വാ​യ്പ​യെ​ടു​ത്തു​മാ​ണു മി​ക്ക​വ​രും കൃ​ഷി മു​ന്നോ​ട്ടു കൊ​ണ്ടു​പോ​കു​ന്ന​ത്. ക​ഴി​ഞ്ഞ വ​ർ​ഷം ഈ ​സ​മ​യ​ത്ത് ഒ​രു കെ​ട്ട് വെ​റ്റി​ല​യ്ക്ക് ഇ​രു​നൂ​റു രൂ​പ വ​രെ ല​ഭി​ച്ചി​രു​ന്നു​വെ​ങ്കി​ൽ, ഇ​ത്ത​വ​ണ ഓ​ണ​ക്കാ​ല​ത്ത് അ​തു നൂ​റു മു​ത​ൽ നൂ​റ്റി​യി​രു​പ​ത് രൂ​പ​യാ​യി ഇ​ടി​ഞ്ഞിരുന്നു. ഓ​ണം ക​ഴി​ഞ്ഞ​യു​ട​ൻ വി​ല വീ​ണ്ടും പാ​ടേ ഇ​ടി​ഞ്ഞ് അ​മ്പ​ത്ത​ഞ്ച് രൂ​പ​യി​ലെ​ത്തി നി​ൽ​ക്കു​ന്നു. വി​പ​ണി​യി​ലെ ​ക​ന​ത്ത അ​സ്ഥി​ര​ത ക​ർ​ഷ​ക​രെ വ​ലി​യ സാ​മ്പ​ത്തി​ക ബാ​ധ്യ​ത​യി​ലേ​ക്കാ​ണ് ത​ള്ളി​വി​ടു​ന്ന​ത്.

‎‎പ്ര​കൃ​തി​യു​ടെ ക്രൂ​ര​മാ​യ വി​നോ​ദ​ങ്ങ​ളും ക​ർ​ഷ​ക​ർ​ക്ക് തി​രി​ച്ച​ടി​യാ​കു​ന്നു​ണ്ട്. ഇ​ട​വി​ട്ടു​ള്ള ക​ന​ത്ത മ​ഴ​യി​ൽ വ​ൻ കൃ​ഷി​നാ​ശ​മാ​ണ് ഉ​ണ്ടാ​കു​ന്ന​ത്. വേ​ന​ൽ​ക്കാ​ല​മാ​ക​ട്ടെ ചെ​ടി​ക​ളെ പൂ​ർ​ണ​മാ​യി മു​ര​ടി​പ്പി​ക്കു​ന്നു. ഇ​തോ​ടെ വെ​റ്റി​ല​യു​ടെ വ​ലി​പ്പം കു​റ​യു​ക​യും വി​പ​ണി​യി​ൽ ഉ​പ​യോ​ഗി​ക്കാ​ൻ ക​ഴി​യാ​ത്ത സ്ഥി​തി​യി​ലേ​ക്ക് എ​ത്തു​ക​യും ചെ​യ്യു​ന്നു. ഇ​തി​നെ​ല്ലാം പു​റ​മേ​യാ​ണ് പ്ര​ദേ​ശ​ത്ത് രൂ​ക്ഷ​മാ​യി​രി​ക്കു​ന്ന കാ​ട്ടു​പ​ന്നി ശ​ല്യം. രാ​പ്പ​ക​ലി​ല്ലാ​തെ കാ​വ​ൽ നി​ന്നാ​ലും വി​ള​വെ​ടു​പ്പി​നു പാ​ക​മാ​യ കൃ​ഷി പ​ന്നി​ക്കൂ​ട്ട​ങ്ങ​ൾ ന​ശി​പ്പി​ക്കു​ന്ന​തോ​ടെ ക​ർ​ഷ​ക​രു​ടെ അ​വ​സാ​ന പ്ര​തീ​ക്ഷ​യും അ​റ്റു​പോ​കു​ന്നു.

‎‎ക​ണ്ണീ​രി​ൽ കു​തി​ർ​ന്ന ഈ ​കൃ​ഷി​രീ​തി നി​ല​നി​ർ​ത്താ​ൻ അ​ടി​യ​ന്ത​ര സ​ർ​ക്കാ​ർ ഇ​ട​പെ​ട​ൽ മാ​ത്ര​മാ​ണ് ഏ​ക പോം​വ​ഴി. നാ​ട​ൻ വെ​റ്റി​ലക്ക​ർ​ഷ​ക​രെ സം​ര​ക്ഷി​ക്കു​ന്ന​തി​നാ​യി പ്ര​ത്യേ​ക പാ​ക്കേ​ജു​ക​ൾ പ്ര​ഖ്യാ​പി​ക്ക​ണ​മെ​ന്നും വി​പ​ണി​യി​ൽ ന്യാ​യ​വി​ല ഉ​റ​പ്പാ​ക്കാ​ൻ സ​പ്ലൈ​കോ പോ​ലു​ള്ള ഏ​ജ​ൻ​സി​ക​ൾ ഇ​ട​പെ​ട​ണ​മെ​ന്നു​മാ​ണു ദു​രി​ത​ത്തി​ലാ​യ ക​ർ​ഷ​ക​രു​ടെ അ​പേ​ക്ഷ. ക​ർ​ഷ​ക​രു​ടെ ഈ ​കൂ​ട്ടപ്പ​ലാ​യ​നം ത​ട​യാ​ൻ അ​ധി​കാ​രി​ക​ൾ ഉ​ണ​ർ​ന്നു പ്ര​വ​ർ​ത്തി​ച്ചി​ല്ലെ​ങ്കി​ൽ വ​രും​നാ​ടു​ക​ളി​ൽ ന​മ്മു​ടെ നാ​ട​ൻ വെ​റ്റി​ല ക​മ്പോ​ള​ങ്ങ​ളി​ൽ നി​ന്ന് എന്നെന്നേയ്ക്കുമായി അപ്രത്യക്ഷമായേക്കും.

Tags : Betel leaf cultivation NattuVishasham DistrictNews