കൊല്ലം : 2024ലെ പാര്ലമെന്റ് തെരഞ്ഞെടുപ്പുമായി ബന്ധപ്പെട്ട് നടന്ന ചാനല് ചര്ച്ചയില് പങ്കെടുക്കാന് തിരുമുല്ലവാരം ബീച്ചില് എത്തിയ സിപിഎം സംസ്ഥാന കമ്മിറ്റി അംഗം ചിന്താ ജെറോമിനെ വാഹനം ഇടിപ്പിച്ചു കൊലപ്പെടുത്താന് ശ്രമിച്ചതായി ആരോപിച്ച് രജിസ്റ്റര് ചെയ്ത കേസിലെ പ്രതികളായ സെയ്ദ് മുഹമ്മദാലി, സെയ്ദലി എന്നിവരെ അഡീഷണല് ഡിസ്ട്രിക്ട് ജഡ്ജ് മോഹന് ജോര്ജ് വെറുതെ വിട്ടു.
ഏപ്രില് 14ന് സ്വകാര്യ ചാനല് നടത്തിയ തെരഞ്ഞെടുപ്പ് പരിപാടിയില് പങ്കെടുത്ത് അമ്മയ്ക്കൊപ്പം വീട്ടിലേക്ക് മടങ്ങവേ യൂത്ത് കോണ്ഗ്രസ് പ്രവര്ത്തകരായ പ്രതികള് വാഹനം പുറകോട്ടെടുത്ത് ഇടിപ്പിച്ചു വധിക്കാന് ശ്രമിച്ചതായി ആരോപിച്ച് ചിന്താ ജെറോം വെസ്റ്റ് പോലീസ് സ്റ്റേഷനില് നല്കിയ മൊഴിയുടെ അടിസ്ഥാനത്തിലാണ് പോലീസ് കേസെടുത്ത് കുറ്റപത്രം സമര്പ്പിച്ചത്.
പ്രതികള്ക്ക് വേണ്ടി അഭിഭാഷകരായ ധീരജ് രവി, അജയ് കോയിവിള, വി. ദേവിക എന്നിവര് ഹാജരായി.
Tags : Local News Nattuvishesham Kollam