കൊല്ലം: ജില്ലയിലെ കോണ്ഗ്രസും യുഡിഎഫും ലത്തീന് കത്തോലിക്കരെ അവഗണിക്കുകയും പരിഹസിക്കുകയും ചെയ്യുന്നുവെന്നു കേരള ലാറ്റിന് കാത്തലിക് അസോസിയേഷന്. അധികാരത്തിലെത്തിയ ശേഷം കോണ്ഗ്രസും യുഡിഎഫും ലത്തീന് സമുദായത്തോട് തികഞ്ഞ ചിറ്റമ്മ നയം സ്വീകരിക്കുന്നതായും കെഎല്സിഎ കൊല്ലം രൂപതാസമിതി കുറ്റപ്പെടുത്തി.
വോട്ട് വാങ്ങി അധികാരത്തിലെത്തിയ കോണ്ഗ്രസ് മന്ത്രിമാരുടെ പേഴ്സണല് സ്റ്റാഫ് നിയമനങ്ങളിലും ബോര്ഡ് കോര്പറേഷന് നിയമനങ്ങളിലും ലത്തീന് സമുദായത്തെ പാടെ അവഗണിച്ചുവെന്നും ജില്ലയിലെ മൂന്ന് മന്ത്രിമാരുടെ പേഴ്സണല് സ്റ്റാഫ് നിയമനങ്ങളില് ഒരാളെ പോലും പരിഗണിക്കാതിരുന്നത് സമുദായത്തോടുള്ള കടുത്ത അവഗണനയാണെന്നും കെഎല്സിഎ ചൂണ്ടിക്കാട്ടി.
കെഎല്സിഎ രൂപതാ ഡയറക്ടര് ഫാ. ജോര്ജ് സെബാസ്റ്റ്യന് ഉദ്ഘാടനം ചെയ്ത യോഗത്തില് അനില് ജോണ്, എഡിസണ് അലക്സ്, ലറ്റീഷ്യ മാര്ട്ടിന്, ജോയി ഫ്രാന്സിസ്, സലി സക്കറിയാസ്, സോളമന് റോസാരിയോ, ജോസ് ക്ലാപ്പന എന്നിവര് പ്രസംഗിച്ചു.
Tags : Local News Nattuvishesham Kollam