1

പ​രി​ഹാ​രം ക​ണ്ടെ​ത്താ​ന്‍ നി​ര്‍​ദേ​ശം നൽകി മ​നു​ഷ്യാ​വ​കാ​ശ ക​മ്മീ​ഷ​ൻ

കോ​ഴി​ക്കോ​ട്: പു​തു​പ്പാ​ടി പ​ഞ്ചാ​യ​ത്തി​ലെ സെ​റ്റി​ൽ​മെ​ന്‍റ് നി​വാ​സി​ക​ൾ​ക്ക് പ​ട്ട​യം ന​ൽ​കു​ന്ന​തി​ലു​ണ്ടാ​യ കാ​ല​താ​മ​സം ക​ണ​ക്കി​ലെ​ടു​ത്ത് എ​ത്ര​യും വേ​ഗം ശാ​ശ്വ​ത​പ​രി​ഹാ​രം ക​ണ്ടെ​ത്ത​ണ​മെ​ന്ന് മ​നു​ഷ്യാ​വ​കാ​ശ ക​മ്മീ​ഷ​ൻ ജു​ഡീ​ഷ​ൽ അം​ഗം കെ. ​ബൈ​ജു​നാ​ഥ് ജി​ല്ലാ ക​ള​ക്ട​ർ​ക്ക് നി​ർ​ദേ​ശം ന​ൽ​കി.

സ്വീ​ക​രി​ച്ച ന​ട​പ​ടി​ക​ൾ മൂ​ന്ന് മാ​സ​ത്തി​ന​കം രേ​ഖാ​മൂ​ലം സ​മ​ർ​പ്പി​ക്ക​ണ​മെ​ന്നും ക​മ്മീ​ഷ​ൻ നി​ർ​ദേ​ശി​ച്ചു. ദീ​ർ​ഘ​കാ​ല​മാ​യി നി​ല​നി​ൽ​ക്കു​ന്ന സ​ങ്കീ​ർ​ണ​മാ​യ വി​ഷ​യ​മാ​ണി​ത്.​നി​യ​മാ​നു​സൃ​ത​മാ​യ ന​ട​പ​ടി​ക​ൾ സ്വീ​ക​രി​ച്ച് വ​രു​ന്നു​ണ്ടെ​ന്ന് ജി​ല്ലാ ക​ള​ക്ട​ർ മ​നു​ഷ്യാ​വ​കാ​ശ ക​മ്മീ​ഷ​നെ അ​റി​യി​ച്ചു. ലാ​ൻ​ഡ് ബോ​ർ​ഡി​ന്‍റെ നി​ർ​ദേ​ശ​പ്ര​കാ​രം അ​ർ​ഹ​രാ​യ കൈ​വ​ശ​ക്കാ​ർ​ക്ക് അ​വ​കാ​ശം ഉ​റ​പ്പാ​ക്കി പ​ട്ട​യം അ​നു​വ​ദി​ക്കാ​നു​ള്ള ന​ട​പ​ടി​ക​ൾ പു​രോ​ഗ​മി​ക്കു​ന്ന​താ​യി റി​പ്പോ​ർ​ട്ടി​ൽ പ​റ​ഞ്ഞു.

വി​ഷ​യ​ത്തി​ൽ ശാ​ശ്വ​ത പ​രി​ഹാ​രം കാ​ണു​ന്ന​തി​നാ​യി പ്ര​ത്യേ​ക ഉ​ദ്യോ​ഗ​സ്ഥ സം​ഘം രൂ​പീ​ക​രി​ച്ച് രേ​ഖാ​ശേ​ഖ​ര​ണ​വും പ​രി​ശോ​ധ​ന​യും ന​ട​ത്തി വ​രു​ന്നു​ണ്ട്. ഏ​ക​ദേ​ശം 400 ഓ​ളം കു​ടും​ബ​ങ്ങ​ളാ​ണ് ക​ഴി​ഞ്ഞ ആ​റു പ​തി​റ്റാ​ണ്ടാ​യി പ​ട്ട​യം ല​ഭി​ക്കു​ന്ന​തി​നാ​യി കാ​ത്തി​രി​ക്കു​ന്ന​ത്.

പു​തു​പ്പാ​ടി ജി​ല്ല​യി​ലെ സ​ർ​വേ ന​മ്പ​ർ 1/1 ൽ ​ഉ​ൾ​പ്പെ​ടു​ന്ന ഏ​ക​ദേ​ശം 100 ഏ​ക്ക​ർ ഭൂ​മി​യു​മാ​യി ബ​ന്ധ​പ്പെ​ട്ടാ​ണ് പ്ര​ശ്നം നി​ല​നി​ൽ​ക്കു​ന്ന​ത്. മി​ച്ച​ഭൂ​മി ഏ​റ്റെ​ടു​ത്ത​തു​മാ​യി ബ​ന്ധ​പ്പെ​ട്ട നി​ര​വ​ധി ഫ​യ​ലു​ക​ൾ ന​ഷ്ട​മാ​യ​തി​നാ​ൽ മി​ച്ച ഭൂ​മി​യും മ​റ്റു ഭൂ​മി​ക​ളും വ്യ​ക്ത​മാ​യി വേ​ർ​തി​രി​ച്ച​റി​യാ​ൻ പ്ര​യാ​സം നേ​രി​ടു​ന്നു​ണ്ടെ​ന്ന് ജി​ല്ലാ ക​ള​ക്ട​ർ അ​റി​യി​ച്ചു. ഇ​താ​ണ് പ​ട്ട​യം അ​നു​വ​ദി​ക്കു​ന്ന ന​ട​പ​ടി​ക​ൾ നീ​ളാ​ൻ കാ​ര​ണം. ആ​കെ​യു​ള്ള 7700 ഏ​ക്ക​ർ ഭൂ​മി​യി​ൽ ഏ​താ​ണ്ട് പ​കു​തി​യോ​ളം ഭൂ​മി നി​ക്ഷി​പ്ത വ​ന​ഭൂ​മി​യാ​യി തി​രി​ച്ചി​ട്ടു​ള്ള​തും 500 ഏ​ക്ക​റി​ൽ താ​ഴെ​യു​ള്ള ഭൂ​മി മി​ച്ച​ഭൂ​മി​യാ​യി ഏ​റ്റെ​ടു​ത്തി​ട്ടു​ള്ള​തു​മാ​ണ്.

ശേ​ഷി​ക്കു​ന്ന ഭൂ​മി സ​ർ​ക്കാ​ർ ഭൂ​മി​യ​ല്ലാ​ത്ത​തി​നാ​ൽ ലാ​ന്‍റ് അ​സൈ​ൻ​മെ​ന്‍റ് ച​ട്ട​ങ്ങ​ൾ പ്ര​കാ​രം പ​ട്ട​യം അ​നു​വ​ദി​ക്കാ​ൻ ക​ഴി​യി​ല്ല. വി​ഷ​യം ശാ​ശ്വ​ത​മാ​യി പ​രി​ഹ​രി​ക്കു​ന്ന​തി​ന് താ​മ​ര​ശേ​രി താ​ലൂ​ക്ക് ഓ​ഫീ​സ്, ലാ​ന്‍​ഡ് ട്രി​ബ്യൂ​ണ​ൽ ഓ​ഫീ​സ്, ജി​ല്ലാ ക​ള​ക്ട​റേ​റ്റ് എ​ന്നി​വി​ട​ങ്ങ​ളി​ലെ ഉ​ദ്യോ​ഗ​സ്ഥ​രെ ഉ​ൾ​പ്പെ​ടു​ത്തി പ്ര​ത്യേ​ക സം​ഘം രൂ​പീ​ക​രി​ച്ചി​ട്ടു​ണ്ടെ​ന്നും ക​ള​ക്ട​ർ അ​റി​യി​ച്ചു.

Tags : Local News Nattuvishesham Kozhikode