20

കോ​ട്ട​പ്പു​റം: ഫാ. ​തെ​യോ​ഫി​ൻ ക​പ്പൂ​ച്ചി​ന്‍റെ ധ​ന്യ പ​ദ​വി പ്ര​ഖ്യാ​പ​ന​ത്തോ​ട​നു​ബ​ന്ധി​ച്ചു​ ജ​ന്മ​സ്ഥ​ല​മാ​യ കോ​ട്ട​പ്പു​റ​ത്തെ ആ​ഘോ​ഷ​ങ്ങ​ൾ സെ​ന്‍റ് മൈ​ക്കി​ൾ​സ് ക​ത്തീ​ഡ്ര​ലി​ൽ നാ​ളെ ന​ട​ക്കും. വൈ​കീ​ട്ട് അ​ഞ്ചി​ന് ധ​ന്യ​ൻ തെയോ​ഫി​ന​ച്ച​ന്‍റെ കൂ​ട​ല്ലൂ​ർ ത​റ​വാ​ട്ടി​ലെ ജ​ന്മ​ഗൃ​ഹ​ത്തി​ൽ​നി​ന്ന് ക​ത്തീ​ഡ്ര​ൽ അ​ങ്ക​ണ​ത്തി​ലു​ള്ള തി​യോ​ഫി​ൽ ആ​ർ​ക്കേ​ഡി​ലേ​ക്ക് ന​ട​ക്കു​ന്ന ഛായാ​ചി​ത്ര പ്ര​യാ​ണ​ത്തി​നും പ്രാ​ർ​ഥ​ന​യ്ക്കും കോ​ട്ട​പ്പു​റം രൂ​പ​ത വി​കാ​രി ജ​ന​റാ​ൾ മോ​ണ്‍. റോ​ക്കി റോ​ബി ക​ള​ത്തി​ൽ നേ​തൃ​ത്വം ന​ൽ​കും.

5.30 ന് ​ക​ത്തീ​ഡ്ര​ലി​ൽ ന​ട​ക്കു​ന്ന പൊ​ന്തി​ഫി​ക്ക​ൽ കൃ​ത​ജ്ഞ​താ ദി​വ്യ​ബ​ലി​ക്കു കോ​ട്ട​പ്പു​റം ബി​ഷ​പ് ഡോ. ​അം​ബ്രോ​സ് പു​ത്ത​ൻ​വീ​ട്ടി​ൽ മു​ഖ്യ​കാ​ർ​മി​ക​ത്വം വ​ഹി​ക്കും. നാ​മ​ക​ര​ണ​ന​ട​പ​ടി​ക​ളു​ടെ വൈ​സ് പോ​സ്റ്റു​ലേ​റ്റ​റും സ​ഹോ​ദ​രീ പു​ത്ര​നു​മാ​യ ഫാ. ​റോ​ബി​ൻ ഡാ​നി​യ​ൽ ഒ​എ​ഫ്എം വ​ച​ന​പ്ര​ഘോ​ഷ​ണം ന​ട​ത്തും. നി​ര​വ​ധി വൈ​ദി​ക​ർ സ​ഹ​കാ​ർ​മി​ക​രാ​കും. ക​ത്തീ​ഡ്ര​ൽ വി​കാ​രി ഫാ. ഡോ. ഡൊ​മി​നി​ക് പി​ൻ​ഹി​റോ, സ​ഹ​വി​കാ​രി​മാ​രാ​യ ഫാ. ​നി​ഖി​ൽ മു​ട്ടി​ക്ക​ൽ, ഫാ. ​ടോ​ണി കു​ന്ന​ത്തൂ​ർ എ​ന്നി​വ​ർ നേ​തൃ​ത്വം ന​ൽ​കും.

തെയോ​ഫി​ൻ ക​പ്പൂച്ചി​ന​ച്ച​ൻ കോ​ട്ട​പ്പു​റ​ത്ത് കൂ​ട​ല്ലൂ​ർ കു​ടും​ബ​ത്തി​ൽ ഇ​ട്ടി​ച്ചെ​റി​യ ജോ​ർ​ജ് - അ​ന്ന ദ​ന്പ​തി​ക​ളു​ടെ ഒ​ന്പ​തു മ​ക്ക​ളി​ൽ ആ​റാ​മ​നാ​യി 1913 ജൂ​ലൈ 20 നാ​ണ് ജ​നി​ച്ച​ത്. 1968 ഏ​പ്രി​ൽ 4 ന് 55-ാം​വ​യ​സി​ൽ ദി​വം​ഗ​ത​നാ​യി. 2005 ജ​നു​വ​രി 10 ന് ​അ​ദ്ദേ​ഹം ദൈ​വ​ദാ​സ​നാ​യി ഉ​യ​ർ​ത്ത​പ്പെ​ട്ടു. ലെ​യോ മാർപാ​പ്പ 2026 ഫെ​ബ്രു​വ​രി 21 നാ​ണ് ധ​ന്യ​ൻ’ എ​ന്ന പ​ദ​വി​യി​ലേ​ക്ക് ഉ​യ​ർ​ത്തി​യ​ത്. ഇ​തോ​ട​നു​ബ​ന്ധി​ച്ചു​ള്ള ആ​ഘോ​ഷ​ങ്ങ​ൾ ഏ​പ്രി​ൽ 26 ന് ​ക​ബ​റി​ടം സ്ഥി​തി​ചെ​യ്യു​ന്ന പൊ​ന്നു​രു​ന്നി​യി​ൽ ന​ട​ന്നി​രു​ന്നു.

Tags : Fr. Theophanes' nattuvisheaham local news