കോഴിക്കോട് : ഓപറേഷന് തൂഫാന്റെ ഭാഗമായി പോലീസ് നടത്തിയ പരിശോധനയില് സിറ്റിയുടെ പല ഭാഗങ്ങളിലും എംഡിഎംഎയും കഞ്ചാവും എത്തിച്ച് ചില്ലറ വിൽപ്പന നടത്തുന്ന അഞ്ച് പേര് പിടിയില്.
കക്കോടി കിഴക്കുമുറി സ്വദേശി കാരുണ്യം വീട്ടില് ലൂദ്ഫാൻ അലി (22 ) മലപ്പുറം അരീക്കോട് കീഴ്പറമ്പ് സ്വദേശി മണ്ണിൽ തൊടിയില് വീട്ടില് ജിഫ്രി അൽഹാസ് (22 ) കിരാലൂർ കിഴക്കുമുറി സ്വദേശി കുറത്തോളി വീട്ടില് മുഹമ്മദ് റഷ്ദാൻ (22 ) സൗത്ത് ബീച്ച് പരപ്പില് സ്വദേശികളായ സിയ വീട്ടില് മുഹമ്മദ് (30 ) എംകെ. റോഡ് ഹന മഹലില് ദിയ മുഹമ്മദ് ബഹ് ബഹാനി (22 ) അസ്മാ മൻസിലിൽ മുഹമ്മദ് നാസ് (24 )
കല്ലായി ഫ്രാൻസിസ് റോഡ് സ്വദേശി ചെറിയചക്കാല തോപ്പ് യാസർ വില്ലയില് മുഹമ്മദ് ഷഹാദുൽ അഫം (25 ) നടക്കാവ് സ്വദേശി നാലുകൂടിപറമ്പില് മുഹമ്മദ് അന്ഷാദ് (26) എന്നിവരെയാണ് രഹസ്യ വിവരത്തെ തുടര്ന്ന് പന്തീരാങ്കാവ് പോലീസ് അറസ്റ്റ് ചെയ്തത്. പോലീസ് ഇവരുടെ വീടുകളില് പരിശോധന നടത്തുകയും വീടിന്റെ ഹാളിലെ കട്ടിലില് പ്രതികള് വില്പനക്കായി സൂക്ഷിച്ച 93.300 ഗ്രാം ഹാഷിഷ് ഓയിലും 6.940 ഗ്രാം മെത്താഫിറ്റമിനും മയക്കുമരുന്ന് വില്പന നടത്തുന്നതിനായുള്ള ഒന്പത് സിപ്പ് ലോക്ക് കവറുകളും 124 ചെറിയ ബോട്ടിലുകളും മയക്കുമരുന്ന് ഉപയോഗിക്കാനുള്ള മൂന്ന് ബര്ണര് പൈപ്പുകളും കണ്ടെടുത്തു.
പ്രതികളുടെ ബാങ്ക് അക്കൗണ്ടുകളും ഫോണും പരിശോധിച്ച് വരികയാണെന്നും പ്രതികള് ആരിൽ നിന്നാണ് മയക്കുമരുന്ന് വാങ്ങുന്നതെന്നും നിരീക്ഷിച്ചു വരികയാണെന്നും പോലീസ് പറഞ്ഞു.
Tags : Local News Nattuvishesham Kozhikode