14

കൊ​ല്ലം: കൊ​ട്ടി​യം ഹോ​ളി ക്രോ​സ് ആ​ശു​പ​ത്രി​ക്കു സ​മീ​പം ആ​വ​ശ്യ​മാ​യ ലൈ​സ​ന്‍​സു​ക​ളി​ല്ലാ​തെ പ്ര​വ​ര്‍​ത്തി​ക്കു​ന്ന ചൂ​ര​ല്‍​പ്പൊ​യ്ക​യി​ലെ അ​ന​ന്ത​പു​രി ട്രേ​ഡേ​ഴ്സി​ന്‍റെ ടാ​ര്‍ മി​ക്സിം​ഗ് പ്ലാ​ന്‍റിനെ​തി​രേ ജ​ന​കീ​യ പ്ര​ക്ഷോ​ഭം ശ​ക്ത​മാ​കു​ന്നു.

കോ​ണ്‍​ക്രീ​റ്റ് മി​ക്സിം​ഗ് പ്ലാ​ന്‍റ് പ്ര​വ​ര്‍​ത്തി​ച്ചി​രു​ന്ന​തി​ന്‍റെ കൂ​ടെ​യാ​ണ് ടാ​ര്‍ മി​ക്സിം​ഗ് പ്ലാ​ന്‍റ് കൂ​ടി പ്ര​വ​ര്‍​ത്ത​നം ആ​രം​ഭി​ച്ച​ത്. ഫ​യ​ര്‍ ആ​ന്‍​ഡ് സേ​ഫ്ടി ലൈ​സ​ന്‍​സ് ഇ​ല്ലാ​തെ​യാ​ണ് ഇ​ത്ര​യും കാ​ലം കോ​ണ്‍​ക്രീ​റ്റ് മി​ക്സിം​ഗ് പ്ലാ​ന്‍റ് പ്ര​വ​ര്‍​ത്തി​ച്ച​ത്. അ​തി​നൊ​പ്പ​മാ​ണ് മ​ലി​നീ​ക​ര​ണ നി​യ​ന്ത്ര​ണ ബോ​ര്‍​ഡി​ന്‍റെ സ​ര്‍​ട്ടി​ഫി​ക്ക​റ്റു​ക​ളി​ല്ലാ​തെ ടാ​ര്‍ മി​ക്സിം​ഗ് യൂ​ണി​റ്റ് കൂ​ടി പ്ര​വ​ര്‍​ത്ത​നം തു​ട​ങ്ങി​യ​തെ​ന്ന് ചൂ​ര​ല്‍ പൊ​യ്ക പ​രി​സ്ഥിതി സം​ര​ക്ഷ​ണ സ​മി​തി ആ​രോ​പി​ക്കു​ന്നു.

ഫ​യ​ര്‍​സു​ര​ക്ഷാ സ​ര്‍​ട്ടി​ഫി​ക്ക​റ്റു​ക​ള്‍ ഇ​ല്ലെ​ന്നു ക​ണ്ടെ​ത്തു​ക​യും അ​തു​സം​ബ​ന്ധി​ച്ച സ​ര്‍​ട്ടി​ഫി​ക്ക​റ്റു​ക​ള്‍ സ​മ​ര​ക്കാ​ര്‍ പ​ഞ്ചാ​യ​ത്ത് സെ​ക്ര​ട്ട​റി​ക്ക് സ​മ​ര്‍​പ്പി​ക്കു​ക​യും ചെ​യ്തു. ഇ​തേ​ത്തു​ട​ര്‍​ന്ന് സം​സ്ഥാ​ന മ​ലി​നീ​ക​ര​ണ നി​യ​ന്ത്ര​ണ ബോ​ര്‍​ഡി​ന്‍റെ വ്യ​വ​സ്ഥ​ക​ള്‍, വി​വി​ധ സ​ര്‍​ക്കാ​ര്‍ ഉ​ത്ത​ര​വു​ക​ള്‍ എ​ന്നി​വ ഉ​ള്‍​പ്പെ​ടെ​യു​ള്ള രേ​ഖ​ക​ളും നി​യ​മ​വ​ശ​ങ്ങ​ളും പ​രി​ശോ​ധി​ച്ച​ശേ​ഷം​ ആ​ദി​ച്ച​ന​ല്ലൂ​ര്‍ പ​ഞ്ചാ​യ​ത്ത് സെ​ക്ര​ട്ട​റി പ്ലാ​ന്‍റ് പ്ര​വ​ര്‍​ത്ത​നം നി​ര്‍​ത്തി​വ​യ്ക്കാ​ന്‍ ഉ​ത്ത​ര​വ് ന​ല്‍​കി​യി​രി​ക്കു​ക​യാ​ണ്.

നി​യ​മ​ങ്ങ​ള്‍ വ​ഴി​മാ​റി

ത​ണ്ണീ​ര്‍​ത​ട​മാ​യ പ്ര​ദേ​ശ​ത്ത് 2009 -ല്‍​ഡ ഒ​രേ​ക്ക​ര്‍ 29 സെ​ന്‍റ് വാ​ങ്ങി​യാ​ണ് കോ​ണ്‍​ക്രീ​റ്റ് മി​ക്സിം​ഗ് കേ​ന്ദ്രം തു​ട​ങ്ങി​യ​ത്. മി​ക്സിം​ഗ് കേ​ന്ദ്രം തു​റ​ക്കു​മ്പോ​ള്‍ ഈ ​ഭൂ​മി നെ​ല്‍​കൃ​ഷി​യി​റ​ക്കു​ന്ന വ​യ​ലാ​യി​രു​ന്നു. ത​ണ്ണീ​ര്‍​ത​ടം നി​ക​ത്തു​ന്ന നി​യ​മ​ങ്ങ​ള്‍ പ്ലാ​ന്‍റിനു മു​ന്നി​ല്‍ വ​ഴി​മാ​റി​ക്കൊ​ടു​ത്തു.

ക​നാ​ല്‍ ഗ​തി ​മാ​റ്റി​വി​ട്ടു

കോ​ണ്‍​ക്രീ​റ്റ് മി​ക്സിം​ഗ് കേ​ന്ദ്രം സ്ഥാ​പി​ച്ച വ​യ​ലി​നു ന​ടു​വി​ലൂ​ടെ ക​ല്ല​ട ഇ​റി​ഗേ​ഷ​ന്‍റെ ക​നാ​ല്‍ ഒ​ഴു​കു​ന്നു​ണ്ടാ​യി​രു​ന്നു. കോ​ണ്‍​ക്രീ​റ്റ് മി​ക്സിം​ഗ് പ്ലാ​ന്‍റ് ന​ട​ത്തി​പ്പു​കാ​ര്‍​ക്കാ​യി ക​ല്ല​ട ഇ​റി​ഗേ​ഷ​ന്‍ ഉ​ദ്യോ​ഗ​സ്ഥ​ര്‍ പ​ദ്ധ​തി പ്ര​ദേ​ശ​ത്തു നി​ന്ന് ര​ണ്ടു കി​ലോ​മീ​റ്റ​ര്‍ അ​ക​ലെ ക​ണ്ട​ച്ചി​റ​യി​ല്‍ വെ​ള്ളം ഒ​ഴു​ക്ക് ത​ട​ഞ്ഞ് ക​നാ​ലി​ന്‍റെ ഗ​തി​മാ​റ്റി​വി​ട്ടു. കോ​ണ്‍​ക്രീ​റ്റ് മി​ക്സിം​ഗ് കേ​ന്ദ്രം സ്ഥി​തി ചെ​യ്യു​ന്ന സ്ഥ​ല​ത്തു​ണ്ടാ​യി​രു​ന്ന ചൂ​ര​ല്‍​പൊ​യ്ക അ​മൃ​ത വാ​ഹി​നി പ​ദ്ധ​തി​യി​ല്‍​ നി​ന്നാ​ണ് പ്ര​ദേ​ശ​ത്ത് കു​ടി​വെ​ള്ള വി​ത​ര​ണം ന​ട​ത്തി​വ​ന്ന​ത്. ഈ ​കി​ണ​റി​ലെ വെ​ള്ളം ഉ​പ​യോ​ഗ യോ​ഗ്യ​മ​ല്ലെ​ന്ന് വാ​ട്ട​ര്‍ അ​ഥോറി​റ്റി ഉ​ദ്യോ​ഗ​സ്ഥ​രി​ല്‍​നി​ന്ന് വ്യാ​ജ സ​ര്‍​ട്ടി​ഫി​ക്ക​റ്റ് നേ​ടി. അ​തോ​ടെ മേ​ല്‍​പ​രി​ശോ​ധ​ന​ക​ളി​ല്ലാ​തെ പ​ദ്ധ​തി നി​ര്‍​ത്തി​വ​യ്ക്കു​ക​യും പ​ദ്ധ​തി റ​ദ്ദാ​ക്കു​ക​യും ചെ​യ്തു. ഇ​തോ​ടെ സ​ര്‍​ക്കാ​ര്‍ അ​തു​വ​രെ ചെ​ല​വാ​ക്കി​യ പ​ണം പാ​ഴാ​കു​ക​യും ചെ​യ്തു.

അ​നു​മ​തി​ അ​ഞ്ചു ട​ണ്ണിന് മാത്രം

കൊ​ല്ലം മു​ത​ല്‍ പാ​രി​പ്പ​ള്ളി​വ​രെ പ​ല​ഭാ​ഗ​ങ്ങ​ളി​ലാ​യി ദേ​ശീ​യ​പാ​ത പു​ന​ര്‍ നി​ര്‍​മാ​ണം ന​ട​ക്കു​ക​യാ​ണ്. അ​വി​ടേ​ക്കെ​ല്ലാ​മാ​യി ടാ​ര്‍ മി​ക്സു ചെ​യ്തു കൊ​ണ്ടു​പോ​കു​ന്ന​ത് ചൂ​ര​ല്‍​പൊ​യ്ക​യി​ല്‍​ നി​ന്നാ​ണ്. ദി​വ​സേ​ന 1440 ട​ണ്‍ ടാ​ര്‍ മി​ക്സിം​ഗാണ് നടക്കുന്നത്. ഇ​തോ​ടെ പ്ര​ദേ​ശ​ത്ത് അ​ന്ത​രീ​ക്ഷ മ​ലി​നീ​ക​ര​ണം കൂ​ടു​ക​യും പ്ര​ദേ​ശ​വാ​സി​ക​ള്‍ ഹൈ​ക്കോ​ട​തി​യെ സ​മീ​പി​ക്കു​ക​യും ചെ​യ്തു. അ​ഞ്ചു ട​ണ്‍ ടാ​ര്‍ മി​ക്സിം​ഗ് ന​ട​ത്താ​നും കൊ​ണ്ടു​പോ​കാ​നു​മാ​ണ് ഹൈ​ക്കോ​ട​തി ഈ ​മാ​സം അ​ഞ്ചി​ന് വി​ധി​ച്ച​ത്.

അ​ന്ത​രീ​ക്ഷം മ​ലി​ന​മാ​ക്കു​ന്നു

കൊ​ട്ടി​യം ദേ​ശീ​യ​പാ​ത​യി​ല്‍​നി​ന്ന് ഹോ​ളി​ക്രോ​സ് ആ​ശു​പ​ത്രി​ക്കു മു​ന്നി​ലൂ​ടെ​യു​ള്ള റോ​ഡ് അ​വ​സാ​നി​ക്കു​ന്ന​ത് ചൂ​ര​ല്‍ പൊ​യ്ക​യി​ലെ കാ​യ​ലി​ലാ​ണ്. ഇ​റ​ക്കം ഇ​റ​ങ്ങി ചെ​ല്ലു​മ്പോ​ള്‍ ര​ണ്ടു​നി​ല വീ​ടി​ന്‍റെ താ​ഴ്ച​യി​ലാ​ണ് ചൂ​ര​ല്‍​പൊ​യ്ക അ​മൃ​ത വാ​ഹി​നി പ​ദ്ധ​തി പ്ര​വ​ര്‍​ത്തി​ച്ചു​പോ​ന്ന​ത്. ഈ ​സ്ഥ​ല​ത്താ​ണ് കോ​ണ്‍​ക്രീ​റ്റ്-​ടാ​ര്‍ മി​ക്സിം​ഗ് ഫാ​ക്‌ടറി പ്ര​വ​ര്‍​ത്തി​ക്കു​ന്ന​ത്. ഫാ​ക്‌ടറി​യു​ടെ പു​ക കു​ഴ​ല്‍ സ്ഥി​തി ചെ​യ്യു​ന്ന​ത് കൊ​ട്ടി​യം ഹോ​ളി​ക്രോ​സ് ആ​ശു​പ​ത്രി, കൊ​ട്ടി​യം സ്‌​കൂ​ള്‍, കൊ​ല്ലം രൂ​പ​ത​യി​ലെ വൈ​ദി​ക മ​ന്ദി​രം, വീ​ടു​ക​ള്‍ എ​ന്നി​വ​യെ​ക്കാ​ള്‍ താ​ഴ്ന്ന നി​ര​പ്പി​ലാ​ണ്. അ​തി​നാ​ല്‍ ഫാ​ക്‌ടറി​യി​ലെ ടാ​ര്‍ ഉ​രു​ക്കു​മ്പോ​ള്‍ പു​റ​ത്തു വ​രു​ന്ന മ​ലി​ന​മാ​യ പു​ക പ്ര​ദേ​ശ​ത്ത് പ​ര​ക്കു​ന്നു. വീ​ടു​ക​ള്‍​ക്കു​ള്ളി​ലേ​ക്കും സ്‌​കൂ​ളി​നു​ള്ളി​ലേ​ക്കും പു​ക പ​ര​ക്കു​ന്നു. പ്ര​ദേ​ശ​ത്ത് 200 ഓ​ളം വീ​ടു​ക​ളാ​ണു​ള്ള​ത്.

എ​ന്നാ​ല്‍ പ്ലാ​ന്‍റിനു ചു​റ്റ​ള​വി​ല്‍ ഒ​റ്റ വീ​ടു മാ​ത്ര​മേ ഉ​ള്ളൂ​വെ​ന്ന രേ​ഖ​യാ​ണ് പ്ലാ​ന്‍റ് ഉ​ട​മ​ക​ള്‍ ക​ള​ക്‌ടര്‌‍​ക്കു മു​ന്നി​ലും ഹൈ​ക്കോ​ട​തി​യി​ലും ഹാ​ജ​രാ​ക്കി​യ​ത്.

ശ്വാ​സ​കോ​ശ രോ​ഗ​ങ്ങ​ള്‍ ക്ര​മാ​തീ​ത​മാ​യി കൂ​ടു​ന്നു

കോ​ണ്‍​ക്രീ​റ്റ്-​ടാ​ര്‍ മി​ക്സിം​ഗ് ഫാ​ക്‌ടറി പ്ര​വ​ര്‍​ത്ത​നം ആ​രം​ഭി​ച്ച​തോ​ടെ സ​മീ​പ പ്ര​ദേ​ശ​ത്തെ താ​മ​സ​ക്കാ​രി​ല്‍ ശ്വാ​സ​കോ​ശ​രോ​ഗം വി​ട്ടു​മാ​റു​ന്നി​ല്ല. ചു​മ​യോ ജ​ല​ദോ​ഷ​മോ വ​ന്നാ​ല്‍ ബ്രോ​ങ്കൈ​റ്റി​സാ​യി മാ​റു​ന്ന​താ​യി ഡോ​ക്ട​ര്‍​മാ​ര്‍ ഉ​ദാ​ഹ​ര​ണ സ​ഹി​തം പ​റ​യു​ന്നു.
ചു​മ വ​രു​ന്ന​വ​ര്‍​ക്ക് വെ​ളു​ത്ത ക​ഫ​മാ​ണ് തു​പ്പു​മ്പോ​ള്‍ പു​റ​ത്തു​വ​രു​ന്ന​ത്. ‌ ഈ​സ്നോ​ഫീ​ലി​യ ബാ​ധി​ച്ച കു​ട്ടി​ക​ള്‍ ചു​മ​യ്ക്കു​ള്ള മ​രു​ന്നു ക​ഴി​ച്ച് മ​ടു​ക്കു​ന്നു. വൈ​ദി​ക മ​ന്ദി​ര​ത്തി​ലെ വൈ​ദി​ക​ര്‍​ക്കും ചു​മ വ​ന്നാ​ല്‍ വി​ട്ടു​മാ​റാ​ത്ത കാ​ര്യ​മാ​ണ് ചൂ​ണ്ടി​ക്കാ​ണി​ക്കാ​നു​ള്ള​ത്.

വീ​ണ്ടും സ്റ്റോ​പ്പ് മെ​മ്മോ ന​ല്‍​കി പ​ഞ്ചാ​യ​ത്ത്

സു​ര​ക്ഷാ മാ​ന​ദ​ണ്ഡ​ങ്ങ​ള്‍ പാ​ലി​ക്കാ​തെ ചൂ​ര​ല്‍​പൊ​യ്ക​യി​ല്‍ അ​ന​ധി​കൃ​ത​മാ​യി പ്ര​വ​ര്‍​ത്തി​ച്ചു​വ​ന്ന ടാ​ര്‍ ഹോ​ട്ട് മി​ക്‌​സിം​ഗ് പ്ലാ​ന്റി​നും കോ​ണ്‍​ക്രീ​റ്റ് മി​ക്‌​സിം​ഗ് പ്ലാ​ന്‍റിനും ആ​ദി​ച്ച​ന​ല്ലൂ​ര്‍ പ​ഞ്ചാ​യ​ത്ത് വീ​ണ്ടും സ്റ്റോ​പ് മെ​മ്മോ ന​ല്‍​കി. നാ​ട്ടു​കാ​രു​ടെ ശ​ക്ത​മാ​യ പ്ര​തി ഷേ​ധ​ത്തെ തു​ട​ര്‍​ന്നാ​ണ് ന​ട​പ​ടി. കെ ​സ്വി​ഫ്റ്റ് മു​ഖേ​ന അ​നു​മ​തി നേ​ടി​യാ​ണ് ടാ​ര്‍ പ്ലാ​ന്റ് പ്ര​വ​ര്‍​ത്ത നം ​ആ​രം​ഭി​ച്ച​ത്.

ക​മ്പ​നി അ​ന​ധി​കൃ​ത​മാ​യാ​ണ് പ്ര​വ​ര്‍​ത്തി​ക്കു​ന്ന​തെ​ന്ന് ക​ണ്ടെ​ത്തി പ​ഞ്ചാ​യ​ത്ത് നേ​ര​ത്തെ ര​ണ്ടു ത​വ​ണ സ്റ്റോ​പ്പ് മെ​മ്മോ ന​ല്‍​കി​യി​രു​ന്നു. എ​ന്നാ​ല്‍ അ​വ നി​ല​നി​ല്‍​ക്കെ ദേ​ശീ​യ പാ​ത​യി​ല്‍ ക​ല്ലും താ​ഴം ഭാ​ഗ​ത്തെ നി​ര്‍​മാ​ണ ത​ട​സം ഒ​ഴി​വാ​ക്കാ​നെ​ന്ന പേ​രി​ല്‍ നി​ശ്ചി​ത കാ​ല​യ​ള​വ് വ​രെ ക​മ്പ​നി​ക്ക് 1440 ട​ണ്‍ മി​ശ്രി​തം പ്ര​തി​ദി​നം ഉ​ത്പാ​ദി​പ്പി​ക്കാ​ന്‍ ജി​ല്ല​ഭ​ര​ണ​കു​ടം ഇ​ട​പെ​ട്ട് അ​നു​മ​തി ന​ല്‍​കി. പ​രി​സ​ര​വാ​സി​ക​ളു​ടെ ദു​രി​തം കാ​ണാ​തെ​യു​ള്ള അ​ധി​കൃ​ത​രു​ടെ ന​ട​പ​ടി​ക്കെ​തി​രേ ശ​ക്ത​മാ​യ പ്ര​തി​ഷേ​ധം ഉ​യ​ര്‍​ന്നി​രു​ന്നു.
ക​മ്പ​നി​യി​ലേ​ക്കു​ള്ള ഒ​രു കി​ലോ​മീ​റ്റ​റോ​ളം വ​രു​ന്ന റോ​ഡി​ന് മ​തി​യാ​യ വീ​തി​യി​ല്ലാ​ത്ത​തും അ​ഗ്‌​നി​ശ​മ​ന സേ​നാ​വി​ഭാ​ഗം നി​ഷ്‌​ക​ര്‍​ശി​ച്ച സു​ര​ക്ഷാ സം​വി​ധാ​ന​ങ്ങ​ള്‍ സ്ഥാ​പി​ക്കാ​ത്ത​തും ചൂ​ണ്ടി​ക്കാ​ട്ടി ചൂ​ര​ല്‍​പൊ​യ്ക പാ​രി​സ്ഥി​തി​ക സം​ര​ക്ഷ​ണ സ​മി​തി ന​ല്‍​കി​യ പ​രാ​തി​യി​ല്‍ അ​ഗ്‌​നി​ശ​മ​ന സേ​ന വി​ഭാ​ഗം അ​ന്വേ​ഷ​ണ റി​പ്പോ​ര്‍​ട്ട് സ​മ​ര്‍​പ്പി​ച്ച​തി​നെ തു​ട​ര്‍​ന്നാ​ണ് പ​ഞ്ചാ​യ​ത്ത് വീ​ണ്ടും ക​മ്പ​നി​ക്ക് സ്റ്റോ​പ്പ് മെ​മ്മോ ന​ല്‍​കി​യി​ട്ടു​ള്ള​ത്.

‘അടച്ചു പൂട്ടണം’

പ്ര​ദേ​ശ​ത്തെ ജ​ന​ങ്ങ​ളു​ടെ ആ​രോ​ഗ്യ​ത്തി​ന് ഭീ​ഷ​ണി​യാ​യി മാ​റി​യ ടാ​ര്‍ മി​ക്സിം​ഗ് കേ​ന്ദ്രം അ​ട​ച്ചു പൂ​ട്ട​ണ​മെ​ന്ന് സ​ജി ലോ​റ​ന്‍​സ് ആ​വ​ശ്യ​പ്പെ​ട്ടു.

മ​ലി​ന​മാ​യി കിണർ

കൊ​ട്ടി​യം ഹോ​ളി​ക്രോ​സ് ആ​ശു​പ​ത്രി, സ്‌​കൂ​ള്‍ എ​ന്നി​വ​യ്ക്കാ​യി വെ​ള്ള​മെ​ടു​ക്കു​ന്ന കി​ണ​റി​ന് 200 മീ​റ്റ​ര്‍ മാ​ത്രം അ​ക​ലെ​യാ​ണ് ടാ​ര്‍ മി​ക്സിം​ഗ് യൂ​ണി​റ്റ് പ്ര​വ​ര്‍​ത്ത​നം ന​ട​ത്തു​ന്ന​ത്. കു​ടി​വെ​ള്ളം മ​ലി​ന​മാ​ക്കു​ന്ന​ത് പ​ഠ​ന വി​ധേ​യ​മാ​ക്ക​ണ​മെ​ന്ന് പ്ര​സി​ഡ​ന്‍റ് സി​റി​ല്‍ റി​ച്ചാ​ര്‍​ഡ് ആ​വ​ശ്യ​പ്പെ​ട്ടു.

പ​ഠ​ന വി​ധേ​യ​മാ​ക്ക​ണം

ചൂ​ര​ല്‍​പൊ​യ്ക ടാ​ര്‍ മി​ക്സിം​ഗ് ഫാ​ക്ട​റി പ്ര​വ​ര്‍​ത്ത​നം ആ​രം​ഭി​ച്ച​ശേ​ഷം പ്ര​ദേ​ശ​ത്ത് ശ്വാ​സ​കോ​ശ രോ​ഗം വ​ര്‍​ധി​ക്കു​ന്ന​തു സം​ബ​ന്ധി​ച്ച് ആ​രോ​ഗ്യ​വ​കു​പ്പ് പ​ഠ​ന​വി​ധേ​യ​മാ​ക്ക​ണ​മെ​ന്ന് ചൂ​ര​ല്‍​പൊ​യ്ക പാ​രി​സ്ഥി​തി​ക സ​മി​തി സെ​ക്ര​ട്ട​റി ഗോ​ഡ്സ​ണ്‍ യേ​ശു​ദാ​സ് ആ​വ​ശ്യ​പ്പെ​ട്ടു.

Tags : Public protest NattuVishasham DistrictNews