20

ക​ണ്ണൂ​ർ: ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ അ​മൃ​ത് കു​ടി​വെ​ള്ള പ​ദ്ധ​തി​യു​ടെ പൈ​പ്പു​ക​ൾ സ്ഥാ​പി​ക്കു​ന്ന​തി​നാ​യി വെ​ട്ടി​പ്പൊ​ളി​ച്ച റോ​ഡു​ക​ൾ കാ​ല​വ​ർ​ഷ​ത്തി​നു മു​ന്പ് ശാ​സ്ത്രീ​യ​മാ​യി ടാ​ർ ചെ​യ്ത് ഗ​താ​ഗ​ത​യോ​ഗ്യ​മാ​ക്ക​ണ​മെ​ന്ന ആ​വ​ശ്യം അ​ടി​യ​ന്ത​ര​മാ​യി പ​രി​ശോ​ധി​ക്ക​ണ​മെ​ന്ന് മ​നു​ഷ്യാ​വ​കാ​ശ ക​മ്മീ​ഷ​ൻ ജു​ഡീ​ഷ്യ​ൽ അം​ഗം കെ. ​ബൈ​ജു​നാ​ഥ് ഉ​ത്ത​ര​വി​ട്ടു.
15 ദി​വ​സ​ത്തി​ന​കം ഇ​തു സം​ബ​ന്ധി​ച്ച റി​പ്പോ​ർ​ട്ട് സ​മ​ർ​പ്പി​ക്ക​ണ​മെ​ന്ന് പൊ​തു​മ​രാ​മ​ത്ത് (നി​ര​ത്തു​ക​ൾ വി​ഭാ​ഗം) എ​ക്സി​ക്യൂ​ട്ടീ​വ് എ​ൻ​ജി​നി​യർ​ക്ക് (ക​മ്മീ​ഷ​ൻ നി​ർ​ദേ​ശം ന​ൽ​കി. ജൂ​ണി​ൽ ക​ണ്ണൂ​ർ റ​സ്റ്റ് ഹൗ​സി​ൽ ന​ട​ക്കു​ന്ന സി​റ്റിം​ഗി​ൽ കേ​സ് പ​രി​ഗ​ണി​ക്കും.

പൊ​തു​പ്ര​വ​ർ​ത്ത​ക​നാ​യ അ​ഡ്വ. വി. ​ദേ​വ​ദാ​സ് സ​മ​ർ​പ്പി​ച്ച പ​രാ​തി​യി​ലാ​ണ് ന​ട​പ​ടി. ക​ണ്ണൂ​ർ കോ​ർ​പ​റേ​ഷ​ൻ പ​രി​ധി​യി​ലു​ള്ള എ​ള​യാ​വൂ​ർ സോ​ണി​ൽ വൈ​ദ്യ​ർ പീ​ടി​ക എം​ആ​ർ​സി റോ​ഡ്, വ​യ​ൽ റോ​ഡ്, കാ​രാ​യ​ൻ റോ​ഡ് എ​ന്നി​വ വെ​ട്ടി​പ്പൊ​ളി​ച്ച് പൈ​പ്പി​ട്ട ശേ​ഷം റോ​ഡി​ൽ നി​റ​ച്ച മ​ണ്ണ് ഒ​റ്റമ​ഴ​യി​ൽ ത​ന്നെ ഒ​ലി​ച്ചു​പോ​യ​തോ​ടെ റോ​ഡ് പൂ​ർ​ണ​മാ​യി ത​ക​ർ​ന്ന​താ​യി പ​രാ​തി​യി​ൽ പ​റ​യു​ന്നു. ജ​ന​ങ്ങ​ളു​ടെ​യും വാ​ഹ​ന​ങ്ങ​ളു​ടെ​യും യാ​ത്ര ദു​ഷ്ക​ര​മാ​ണ്. ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ റോ​ഡു​ക​ൾ ത​ക​ർ​ന്നു കി​ട​ക്കു​ക​യാ​ണെ​ന്നും പ​രാ​തി​യി​ൽ ചൂ​ണ്ടി​ക്കാ​ട്ടു​ന്നു.

Tags : Roads dug up nattuvisheaham local news