തോണിച്ചാലില് സോഷ്യല് വെല്ഫെയര് സൊസൈറ്റി ഉദ്ഘാടനം ഡബ്ല്യുഎസ്എസ്എസ് ജോയിന്റ് ഡയറക്ടര് ഫാ. ജോണി കുന്നത്ത് നിര്വഹിക്കുന്നു.
മാനന്തവാടി: വയനാട് സോഷ്യല് സര്വീസ് സൊസൈറ്റിക്കു കീഴില് തോണിച്ചാലില് സോഷ്യല് വെല്ഫെയര് സൊസൈറ്റി പ്രവര്ത്തനം തുടങ്ങി.
തോണിച്ചാല് സെന്റ് സെബാസ്റ്റ്യന്സ് പാരീഷ് ഹാളില് ഡബ്ല്യുഎസ്എസ്എസ് ജോയിന്റ് ഡയറക്ടര് ഫാ. ജോണി കുന്നത്ത് ഉദ്ഘാടനം ചെയ്തു. സെന്റ് സെബാസ്റ്റ്യന്സ് പള്ളി വികാരി ഫാ. ബിജോ കറുകപ്പള്ളി അധ്യക്ഷത വഹിച്ചു. ഡബ്ല്യുഎസ്എസ്എസ് എക്സിക്യുട്ടീവ് ഡയറക്ടര് ഫാ. ജിനോജ് പാലത്തടത്തില് മുഖ്യപ്രഭാഷണം നടത്തി.
കോ ഓര്ഡിനേറ്റര് ചിഞ്ചു മരിയ പീറ്റര്, റീജണല് കോ ഓര്ഡിനേറ്റര് ബിന്സി വര്ഗീസ് എന്നിവര് പ്രസംഗിച്ചു. വെല്ഫെയര് സൊസൈറ്റി ഭാരവാഹികളായി ടി.എം. ജോഷി തകരപ്പള്ളി (പ്രസിഡന്റ്), ഷീജമോള് ജെയ്സണ് പൊന്നോല (സെക്രട്ടറി) എന്നിവരെ തെരഞ്ഞെടുത്തു. തോണിച്ചാല് സൊസൈറ്റിയില് 12 സ്വാശ്രയ സംഘങ്ങളിലായി 139 അംഗങ്ങളുണ്ട്.
ഡബ്ല്യുഎസ്എസ്എസ് പ്രവര്ത്തനങ്ങള് ഏകോപിപ്പിക്കുന്നത് പ്രാദേശികമായി രൂപീകരിക്കുന്ന സോഷ്യല് വെല്ഫെയര് സൊസൈറ്റികള് വഴിയാണ്. വയനാട്, കൊട്ടിയൂര് പ്രദേശങ്ങളിലായി 66 സോഷ്യല് വെല്ഫെയര് സൊസൈറ്റികള് പ്രവര്ത്തിക്കുന്നുണ്ട്.
Tags : Local News Nattuvishesham Wayanad