21

തി​രുവനന്തപുരം: കി​രീ​ട​വും സ്വ​ർ​ണ​മാ​ല​ക​ളും അ​ണി​ഞ്ഞെ​ത്തി​യ മ​ഹാ​ബ​ലി ച​ക്ര​വ​ർ​ത്തി​ക്കു കേ​ര​ള നാ​ടുക​ണ്ട​പ്പോ​ൾ, ത​ന്‍റെ പ്ര​ജ​ക​ളെ ക​ണ്ട​പ്പോ​ൾ നി​റ​ഞ്ഞ ആ​ഹ്ലാ​ദം... തൊ​ട്ട​ടു​ത്തു ത​ന്നെ വാ​മ​ന​നും ഉ​ണ്ടാ​യി​രു​ന്നു.​ ഒ​രു വാ​മ​ന​ന​ല്ല ര​ണ്ടു കൊ​ച്ചു വാ​മ​ന​ന്മാ​ർ. പ​ശ്ചാ​ത്ത​ല​ത്തി​ൽ അ​പ്പോ​ൾ ഓ​ണ​പ്പാ​ട്ട് അ​ല​യ​ടി​ക്കു​ക​യാ​യി​രു​ന്നു. മ​ഹാ​ബ​ലിമ​ന്ന​നാ​യി വേ​ഷം ധ​രി​ച്ചുവ​ന്ന അ​ല​ക്സി​നു സ​മീ​പംനി​ന്ന വാ​മ​ന​ന്മാ​ർ സ​ന്തോ​ഷം അ​ട​ക്കാ​ൻ ആ​വാ​തെ പാ​ട്ടി​നൊ​പ്പം തു​ള്ളി​ച്ചാ​ടി....

ഇ​ത് ഡി​സി​എം​ആ​ർ സ്കൂ​ളി​ലെ ഭി​ന്ന​ശേ​ഷി​ക്കാ​രാ​യ വി​ദ്യാ​ർ​ഥികളുടെ വ​ർ​ണ്ണാ​ഭ​മാ​യ ഓ​ണാ​ഘോ​ഷം. മു​റി​ഞ്ഞ​പാ​ലം കൂ​നം​കു​ളം ലൈ​നി​ൽ പ്ര​വ​ർ​ത്തി​ക്കു​ന്ന സെ​ൻ​ട്ര​ൽ ഇ​ൻ​സ്റ്റി​റ്റ്യൂ​ട്ട് ഓ​ൺ മെ​ന്‍റൽ റി​ട്ടാ​ർ​ഡേ​ഷ​നു കീ​ഴി​ലു​ള്ള ഡിസിഎം​ആ​ർ ഒ​രു​ക്കി​യ ഓ​ണാ​ഘോ​ഷ പ​രി​പാ​ടി വേറിട്ട അനുഭവമായി.
അം​ബി​ക​യും സം​ഘ​വും അ​വ​ത​രി​പ്പി​ച്ച ശി​ങ്കാ​രി മേ​ള​ത്തി​ന്‍റെ അകന്പടിയിൽ "പു​ലി​ക​ൾ' ചു​വ​ടു​വ​ച്ചു. അ​വ​ർ​ക്ക് പി​ന്നാ​ലെയെത്തിയ വേ​ട്ട​ക്കാ​ര​നും സ​ദ​സി​നെ ഗൃ​ഹാ​തു​ര സ്മ​ര​ണ​ക​ളി​ലേ​ക്കു കൂ​ട്ടി​ക്കൊ​ണ്ടു​പോ​യി.​ ഓ​ണ​പ്പാ​ട്ടി​ൻ താ​ളം തു​ള്ളും തു​മ്പ​പ്പൂ​വേ.. എ​ന്ന ഗാ​ന​ത്തി​നൊ​പ്പം നൃ​ത്തം ചെ​യ്ത​ത് ഷി​ഫാ​ന​യു​ടെ നേ​തൃ​ത്വ​ത്തി​ലു​ള്ള ചെ​റി​യ പെ​ൺ​കു​ട്ടി​ക​ളാ​ണ്. പൂ​വുനു​ള്ളാ​നും ഊ​ഞ്ഞാ​ലാ​ടാ​നു​മാ​യി അ​വ​ർ ഓ​ണ​ത്തെ മാ​ടി വി​ളി​ച്ചു. വ​ള്ളം​ക​ളി​യു​ടെ മ​ത്സ​രാ​വേ​ശം പ​ക​ർ​ന്ന​ത് വി​നാ​യ​കും സം​ഘ​വും ആ​ണ്. ഓ​ണ​ക്കാ​ഴ്ച​ക​ൾ ക​ണ്ടും അ​നു​ഗ്ര​ഹി​ച്ചും വ​ലി​യ മ​ഹാ​ബ​ലി​യാ​യി വേ​ഷ​മി​ട്ട ജി​ജി​ൻ വേ​ദി​യി​ലൂ​ടെ ന​ട​ക്കു​ന്നു​ണ്ടാ​യി​രു​ന്നു.

അ​ധ്യാ​പി​ക​മാ​രാ​യ ശ്രീ​ക്കു​ട്ടി​യു​ടെ​യും സം​ഘ​ത്തി​ന്‍റെ​യും ഫ്യൂ​ഷ​ൻ നൃ​ത്ത​വും ഓ​ണ​പ​രി​പാ​ടി​ക്കു മി​ക​വേ​കി. ഡി​സി​എംആ​റിലെ ​അധ്യാപകരാണു വിദ്യാർഥികളെ വി​വി​ധ ക​ലാ​പ​രി​പാ​ടി​ക​ൾ അ​ഭ്യ​സി​പ്പി​ച്ച​ത്. വ​ലി​യൊ​രു അ​ത്ത​പ്പൂ​ക്ക​ള​വും കു​ട്ടി​ക​ളും അ​ധ്യാ​പി​ക​മാ​രും ചേ​ർ​ന്ന് സ്ഥാ​പ​ന​ത്തി​ന്‍റെ മു​ന്നി​ൽ തീ​ർ​ത്തി​രു​ന്നു. വി​ഭ​വ​സ​മൃ​ദ്ധ​മാ​യ സ​ദ്യ​യും കു​ട്ടി​ക​ൾ​ക്കാ​യി ഒ​രു​ക്കി​യി​രു​ന്നു. തി​രു​വ​ന​ന്ത​പു​രം കോർപറേഷൻ മേ​യ​ർ വി.​വി. രാ​ജേ​ഷ് കു​ട്ടി​ക​ൾ​ക്ക് ഓ​ണ​സ​ന്ദേ​ശം ന​ൽ​കി. സി​ഐഎംആ​ർ ഡ​യ​റ​ക്ട​ർ സി​സ്റ്റ​ർ എ​ലൈ​സ് മേ​രി മേ​യ​റെ പൊ​ന്നാ​ട അ​ണി​യി​ച്ചു ആ​ദ​രി​ച്ചു.

Tags : Onam celebration NattuVishasham DistrictNews