2

ആയിരക്കണക്കിനു വർഷങ്ങളായി ഹിമപാളികൾക്കിടയിൽ സുരക്ഷിതമായിക്കിടന്ന, മനുഷ്യന്‍റെ അടയാളങ്ങൾ പതിഞ്ഞ പുരാരേഖകൾ ശേഖരിക്കുന്ന തിരക്കിലാണു ഗവേഷകർ! ചരിത്രവസ്തുക്കളുടെ കണ്ടെത്തൽ ആ​വേ​ശ​ക​രമാണെ​ങ്കി​ലും, ഭൂ​മി​യു​ടെ താപനിലയിൽ ഭയാ​ന​ക​മാ​യ ആ​ഘാ​തമാണു വ്യ​ക്ത​മാകു​ന്നതെന്നു ഗവേഷകർ പറയുന്നു. ക​ലാ​വ​സ്ഥാ വ്യ​തി​യാ​നം മൂ​ലം ആ​ർ​ട്ടി​ക് മേ​ഖ​ല​യി​ലെ​യും പ​ർ​വ​ത​നി​ര​ക​ളി​ലെ​യും മ​ഞ്ഞു​പാ​ളി​ക​ൾ അ​തി​വേ​ഗം ഉ​രു​കി​യൊ​ലി​ക്കു​മ്പോ​ൾ പുറത്തുവരുന്നത് ആ​യി​ര​ക്ക​ണ​ക്കി​നു വ​ർ​ഷ​ങ്ങ​ൾ പ​ഴ​ക്ക​മു​ള്ള അ​പൂ​ർ​വ പു​രാ​വ​സ്തു​ക്കളാണ്. നോ​ർ​വേ​യി​ലെ പ്ര​ശ​സ്ത​മാ​യ യൂ​ട്ട​ൻ​ഹൈ​മ​ൻ പ​ർ​വ​ത​നി​ര​ക​ളി​ൽ ന​ട​ത്തി​യ പ​രി​ശോ​ധ​ന​യി​ലാ​ണു ശാ​സ്ത്ര​ലോ​ക​ത്തെ അ​ത്ഭു​ത​പ്പെ​ടു​ത്തി​ക്കൊ​ണ്ട് 5,000 മു​ത​ൽ 6,000 വ​ർ​ഷം വ​രെ പ​ഴ​ക്ക​മു​ള്ള അസ്ത്രങ്ങൾ പു​രാ​വ​സ്തുഗ​വേ​ഷ​ക​ർ ക​ണ്ടെ​ത്തി​യ​ത്.

21 ദിവസത്തെ തി​ര​ച്ചിൽ, 48 അ​മ്പു​ക​ൾ
ഇ​ൻ​ലാ​ൻ​ഡ് കൗ​ണ്ടി കൗ​ൺ​സി​ലും ഓ​സ്‌ലോ സ​ർവ​ക​ലാ​ശാ​ല​യി​ലെ മ്യൂ​സി​യം ഓ​ഫ് ക​ൾ​ച്ച​റ​ൽ ഹി​സ്റ്റ​റി​യും ചേ​ർ​ന്നു ന​ട​ത്തു​ന്ന 'സീ​ക്ര​ട്സ് ഓ​ഫ് ദി ​ഐ​സ്' പ​ദ്ധ​തി​യു​ടെ ഭാ​ഗ​മാ​യാ​ണു തി​ര​ച്ചി​ൽ ന​ട​ന്ന​ത്. ലാം​ഗ്ഫോ​ൺ, സ്‌റ്റോർ​ഫോ​ൺ, ഹാ​ൻ​ഡ്ക്ലെ​ഫോ​ൺ തു​ട​ങ്ങി​യ മ​ഞ്ഞു​പാ​ളി​ക​ൾ​ക്കു സ​മീ​പം ന​ട​ത്തി​യ മൂ​ന്നാ​ഴ്ച നീ​ണ്ട തി​ര​ച്ചി​ലി​ൽ 48 പു​രാ​ത​ന അ​മ്പു​ക​ളാ​ണു സം​ഘം വീ​ണ്ടെ​ടു​ത്ത​ത്. ഇ​തി​ൽ ഏ​റ്റ​വും പ​ഴ​ക്ക​മേ​റി​യ​തു ക​ല്ലി​ൽ തീ​ർ​ത്ത അന്പ് ആണ്. കൂ​ടാ​തെ 3,600 വ​ർ​ഷം പ​ഴ​ക്ക​മു​ള്ള​തും ​ചി​പ്പി​യു​ടെ തോ​ടു​കൊ​ണ്ട് അ​ഗ്രം നി​ർമി​ച്ച​തു​മാ​യ മ​റ്റൊ​രു അ​മ്പും, അ​സ്ഥി​ക​ളും ഇ​രു​മ്പും കൊ​ണ്ടു നി​ർ​മി​ച്ച മ​റ്റു ചി​ല അ​മ്പു​ക​ളും കണ്ടെത്തിയവയിലുണ്ട്.

സാ​ധാ​ര​ണ​യാ​യി ജൈ​വ​വ​സ്തു​ക്ക​ൾ അ​ന്ത​രീ​ക്ഷ വാ​യു​വു​മാ​യി സ​മ്പ​ർ​ക്ക​ത്തി​ൽ വ​രു​മ്പോ​ൾ സൂ​ക്ഷ്മ​ജീ​വി​ക​ളു​ടെ പ്ര​വ​ർ​ത്ത​നം മൂ​ലം വേ​ഗ​ത്തി​ൽ ന​ശി​ച്ചു​പോ​കാ​റു​ണ്ട്. എ​ന്നാ​ൽ മ​ഞ്ഞി​ന​ടി​യി​ൽ വാ​യു​വും ഓ​ക്സി​ജ​നും ല​ഭി​ക്കാ​ത്ത കു​റ​ഞ്ഞ താ​പ​നി​ല​യു​ള്ള അ​വ​സ്ഥ​യി​ൽ സൂ​ക്ഷ്മ​ജീ​വി​ക​ളു​ടെ പ്ര​വ​ർ​ത്ത​നം പൂ​ർ​ണ​മാ​യും നി​ല​യ്ക്കു​ന്നു. ഇ​തു പു​രാ​ത​ന വ​സ്തു​ക്ക​ളെ കേ​ടു​പാ​ടു​ക​ൾ കൂ​ടാ​തെ ആ​യി​ര​ക്ക​ണ​ക്കി​നു വ​ർ​ഷ​ങ്ങ​ൾ നി​ല​നി​ർ​ത്താ​ൻ സ​ഹാ​യി​ക്കു​ന്നു. 2006-ൽ ​ഗ​വേ​ഷ​ണം ആ​രം​ഭി​ച്ച​പ്പോ​ൾ 2,000 വ​ർ​ഷ​ത്തി​ൽ താ​ഴെ പ​ഴ​ക്ക​മു​ള്ള വ​സ്തു​ക്ക​ളാ​ണു ല​ഭി​ച്ചി​രു​ന്ന​തെ​ങ്കി​ൽ, നി​ല​വി​ൽ വ​ൻ​തോ​തി​ൽ മ​ഞ്ഞു​രു​കു​ന്ന​തോ​ടെ ഏ​റ്റ​വും ആ​ഴ​ത്തി​ലു​ള്ള​തും പ​ഴ​ക്ക​മേ​റി​യ​തു​മാ​യ മ​ഞ്ഞു​പാ​ളി​ക​ളി​ൽനി​ന്നു കൂ​ടു​ത​ൽ പു​രാ​ത​ന ശേഷിപ്പുകൾ പു​റ​ത്തു​വ​രി​ക​യാ​ണ്.

ആ​ശ​ങ്ക​പ്പെ​ടു​ത്തു​ന്ന യാ​ഥാ​ർ​ഥ്യം
പു​തി​യ ക​ണ്ടെ​ത്ത​ലു​ക​ൾ ച​രി​ത്രപ​ഠ​ന​ത്തി​നു വ​ലി​യ സം​ഭാ​വ​ന​യാ​ണെ​ങ്കി​ലും, ഇ​തി​നു​പി​ന്നി​ലെ പ​രി​സ്ഥി​തിനാ​ശം ഗ്ലേ​ഷ്യ​ൽ ആ​ർ​ക്കി​യോ​ള​ജി​സ്റ്റുകൾ ചൂണ്ടിക്കാണിക്കുന്നു. ആ​യി​ര​ക്ക​ണ​ക്കി​നു വ​ർ​ഷ​ങ്ങ​ളാ​യി മാ​റ്റ​മി​ല്ലാ​തെ തു​ട​ർ​ന്ന മ​ഞ്ഞു​പാ​ളി​ക​ളാ​ണ് ഇ​പ്പോ​ൾ പൂ​ർ​ണമാ​യും ഇ​ല്ലാ​താ​കു​ന്ന​ത്. നി​ല​വി​ലെ അ​വ​സ്ഥ തു​ട​ർ​ന്നാ​ൽ ഇരുപതു വ​ർ​ഷ​ത്തി​നു​ള്ളി​ൽ മേ​ഖ​ല​യി​ലെ മ​ഞ്ഞു​പാ​ളി​ക​ൾ ഭൂ​രി​ഭാ​ഗ​വും അ​പ്ര​ത്യ​ക്ഷ​മാ​കു​മെ​ന്നാ​ണ് ഗ​വേ​ഷ​ക​രു​ടെ ക​ണ​ക്കു​കൂ​ട്ട​ൽ.

അതേസമയം, ക​ണ്ടെ​ത്തി​യ പു​രാ​വ​സ്തു​ക്ക​ൾ നി​ല​വി​ൽ ലോ​മി​ലെ നോ​ർ​വീ​ജി​യ​ൻ മൗ​ണ്ട​ൻ സെ​ന്‍റ​റി​ൽ പ്ര​ത്യേ​ക ത​ണു​പ്പു​ള്ള ഡി​സ്പ്ലേ കേ​സി​ൽ പ്ര​ദ​ർ​ശ​ന​ത്തി​നു വച്ചിട്ടുണ്ട്. ഡി​സം​ബ​റോ​ടെ കൂ​ടു​ത​ൽ ശാ​സ്ത്രീ​യ പ​ഠ​ന​ങ്ങ​ൾ​ക്കും സം​ര​ക്ഷ​ണ​ത്തി​നു​മാ​യി ഇ​വ ഓസ്‌ലോ​യി​ലെ മ്യൂ​സി​യം ഓ​ഫ് ക​ൾ​ച്ച​റ​ൽ ഹി​സ്റ്റ​റി​യി​ലേ​ക്കു മാ​റ്റും.

Tags : InternationalNews ClimateChange Earth Enviornment Norway Jotunheimen History Archeology