18

വാ​ഷിം​ഗ്ട​ൺ: ക്യൂ​ബ അ​തി​ന്‍റെ അ​വ​സാ​ന നി​മി​ഷ​ങ്ങ​ളി​ലാ​ണെ​ന്ന് അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ്. ക്യൂ​ബ​യി​ലെ ക​മ്യൂ​ണി​സ്റ്റ് ഭ​ര​ണ​കൂ​ടം ഉ​ട​ൻ ത​ക​രു​മെ​ന്നും, വ​ലി​യ രാ​ഷ്ട്രീ​യ മാ​റ്റ​ങ്ങ​ൾ അ​വി​ടെ സം​ഭ​വി​ക്കു​മെ​ന്നും ട്രം​പ് പ​റ​ഞ്ഞു.

ഫ്ളോ​റി​ഡ​യി​ൽ ന​ട​ന്ന ലാ​റ്റി​ൻ അ​മേ​രി​ക്ക​ൻ ഉ​ച്ച​കോ​ടി​യി​ൽ പ​ങ്കെ​ടു​ത്ത് സം​സാ​രി​ക്ക​വേ ആ​യി​രു​ന്നു അ​മേ​രി​ക്ക​ൻ പ്ര​സി​ഡ​ന്‍റി​ന്‍റെ പ്ര​സ്താ​വ​ന. ശ​നി​യാ​ഴ്ച ന​ട​ന്ന ഉ​ച്ച​കോ​ടി​യി​ൽ ക്യൂ​ബ ഒ​ഴി​കെ​യു​ള്ള അ​മേ​രി​ക്ക​ൻ സ​ഖ്യ​ക​ക്ഷി​ക​ൾ പ​ങ്കെ​ടു​ത്തി​രു​ന്നു.

ക്യൂ​ബ​യു​ടെ കാ​ര്യം താ​ൻ നോ​ക്കി​ക്കൊ​ള്ളാം. അ​വ​രു​ടെ കൈ​യി​ൽ പ​ണ​മി​ല്ല, ഇ​ന്ധ​ന​മി​ല്ല. മോ​ശം ത​ത്വ​ശാ​സ്ത്ര​മാ​ണ് ക്യൂ​ബ​യു​ടേ​ത്. വ​ള​രെ​ക്കാ​ല​മാ​യി മോ​ശ​മാ​യി തു​ട​രു​ന്ന ഒ​രു മോ​ശം ഭ​ര​ണ​കൂ​ട​മാ​ണ് അ​വ​രു​ടേ​ത്. ക്യൂ​ബ അ​തി​ന്‍റെ അ​വ​സാ​ന നി​മി​ഷ​ങ്ങ​ളി​ലാ​ണെ​ന്നും ട്രം​പ് അ​ഭി​പ്രാ​യ​പ്പെ​ട്ടു.

അ​മേ​രി​ക്ക​ൻ വം​ശ​ജ​രാ​യ ക്യൂ​ബ​ക്കാ​ർ​ക്ക് വൈ​കാ​തെ സ്വ​ന്തം നാ​ട്ടി​ലേ​ക്ക് മ​ട​ങ്ങാ​ൻ സാ​ധി​ക്കു​മെ​ന്നും ട്രം​പ് വ്യ​ക്ത​മാ​ക്കി. നേ​ര​ത്തെ​യും അ​മേ​രി​ക്ക​ൻ പ്ര​സി​ഡ​ന്‍റ് സ​മാ​ന പ്ര​സ്താ​വ​ന​ക​ൾ ന​ട​ത്തി​യി​രു​ന്നു. ഇ​റാ​നു​മാ​യു​ള്ള സം​ഘ​ർ​ഷം അ​വ​സാ​നി​ച്ചാ​ൽ ത​ന്‍റെ ശ്ര​ദ്ധ ക്യൂ​ബ​യി​ലാ​യി​രി​ക്കു​മെ​ന്നും ട്രം​പ് പ​റ​ഞ്ഞി​രു​ന്നു.

Tags : Cuba Donald Trump united states iran florida