11

ചിത്രങ്ങളിലും ദൃശ്യങ്ങളിലും മാ​ത്രം ക​ണ്ടി​ട്ടു​ള്ള ച​രി​ത്ര​ശേ​ഷി​പ്പു​ക​ളെ നേ​രി​ട്ടു കാ​ണാ​ൻ ആ​രാ​ണ് ആ​ഗ്ര​ഹി​ക്കാ​ത്ത​ത്. ശാ​സ്ത്ര​ജ്ഞ​ര്‍, ഭ​ര​ണാ​ധി​കാ​രി​ക​ള്‍, വി​ശു​ദ്ധ​ന്മാ​ര്‍ മു​ത​ല്‍ പു​രാ​ത​ന മ​നു​ഷ്യ​ര്‍ വ​രെ​യു​ള്ള​വ​രു​ടെ മൃ​ത​ദേ​ഹ​ങ്ങ​ളും ശ​രീ​ര​ഭാ​ഗ​ങ്ങ​ളും ഇ​ന്നും മ്യൂ​സി​യ​ങ്ങ​ളി​ലും പ​ള്ളി​ക​ളി​ലും കേ​ടു​പാ​ടു​ക​ള്‍ കൂ​ടാ​തെ സം​ര​ക്ഷി​ക്ക​പ്പെ​ടു​ന്നു. വി​വി​ധ രാ​ജ്യ​ങ്ങ​ളി​ലാ​യി സൂ​ക്ഷി​ച്ചി​രി​ക്കു​ന്ന, പൊ​തു​ജ​ന​ങ്ങ​ൾ​ക്കു സ​ന്ദ​ർ​ശ​നം അ​നു​വ​ദി​ച്ചി​ട്ടു​ള്ള ഒമ്പതു ​ച​രി​ത്ര​ശേ​ഷി​പ്പു​ക​ൾ മ​ന​സി​ലാ​ക്കാം.

1. ഗ​ലീ​ലി​യോ ഗ​ലീ​ലി​യു​ടെ ന​ടു​വി​ര​ല്‍
ആ​ധു​നി​ക ജ്യോ​തി​ശാ​സ്ത്ര​ത്തി​ന്‍റെ പി​താ​വാ​യ ഗ​ലീ​ലി​യോ ഗ​ലീ​ലി​യു​ടെ കൈ​വി​ര​ല്‍ ഇ​റ്റ​ലി​യി​ലെ ഫ്ളോ​റ​ന്‍​സി​ലു​ള്ള 'മ്യൂ​സി​യോ ഗ​ലീ​ലി​യോ'​യി​ല്‍ പ്ര​ദ​ര്‍​ശി​പ്പി​ച്ചി​ട്ടു​ണ്ട്. അ​സ്ഥി​കൂ​ട​ത്തി​ല്‍​നി​ന്നു വേ​ര്‍​പെ​ടു​ത്തി​യ ന​ടു​വി​ര​ൽ സ​ന്ദ​ർ​ശ​ക​ർ​ക്കു കാ​ണാം. പ്ര​ത്യേ​ക ഗ്ലാ​സ് പേ​ട​ക​ത്തി​ലാ​ണു സൂ​ക്ഷി​ച്ചി​രി​ക്കു​ന്ന​ത്. ശാ​സ്ത്ര​ലോ​ക​ത്തി​ന് അ​ദ്ദേ​ഹം ന​ല്‍​കി​യ സം​ഭാ​വ​ന​ക​ളു​ടെ ഭൗ​തി​ക സ്മാ​ര​ക​മാ​യി ഇ​തു നി​ല​കൊ​ള്ളു​ന്നു.
അ​സ്ട്രോ​ണ​മി​ക്ക​ൽ ടെ​ലി​സ്കോ​പ്പ്, ജ്യോ​മെ​ട്രി​ക് ആ​ൻ​ഡ് മി​ലി​റ്റ​റി കോ​മ്പ​സ്, തെ​ർ​മോ​സ്കോ​പ് (തെ​ർ​മോ​മീ​റ്റ​റി​ന്‍റെ ആ​ദ്യ​രൂ​പം) തു​ട​ങ്ങി​ നി​ര​വ​ധി ക​ണ്ടു​പി​ടി​ത്ത​ങ്ങ​ൾ ന​ട​ത്തി​യ മ​ഹാ​നാ​യ ശാ​സ്ത്ര​ജ്ഞ​നാ​ണ് ഗ​ലീ​ലി​യോ.

2. വി​ശു​ദ്ധ തോ​മ​സ് അ​ക്വി​നാ​സി​ന്‍റെ കൈ​യു​ടെ അ​സ്ഥി
ക​ത്തോ​ലി​ക്കാ സ​ഭ​യി​ലെ വി​ശു​ദ്ധ​നും പാ​ശ്ച​ത്യ തത്വചിന്തയിലെ പ്രമുഖനുമായിരുന്ന വി​ശു​ദ്ധ തോ​മ​സ് അ​ക്വി​നാ​സി​ന്‍റെ കൈ​യുടെ അ​സ്ഥി നേ​പ്പി​ള്‍​സി​ലെ 'സാ​ന്‍ ഡൊ​മെ​നി​ക്കോ മ​ജി​യോ​റെ' പ​ള്ളി​യി​ല്‍ പു​ണ്യ​ശേ​ഷി​പ്പാ​യി സൂ​ക്ഷി​ച്ചി​ട്ടു​ണ്ട്. വി​ശ്വാ​സി​ക​ള്‍ വ​ലി​യ ആ​ദ​ര​വോ​ടെ​യാ​ണ് ഈ ​വി​ശു​ദ്ധ തി​രു​ശേ​ഷി​പ്പു കാ​ണാ​നെ​ത്തു​ന്ന​ത്. 1272-1274 കാ​ല​ഘ​ട്ട​ത്തി​ൽ അ​ക്വി​നാ​സ് ഈ ​മ​ഠ​ത്തി​ലാ​ണു ജീ​വി​ച്ചി​രു​ന്ന​ത്.
വെ​ങ്ക​ലം, വെ​ള്ളി, ഗ്ലാ​സ് എ​ന്നി​വ കൊ​ണ്ടു നി​ർ​മി​ച്ച പ്ര​ത്യേ​ക പെ​ട്ടി​യി​ലാ​ണ് ​അ​സ്ഥി പൊ​തു​ജ​ന​ങ്ങ​ൾ​ക്കു ദർശിക്കാൻ സാധിക്കുന്ന രീതിയിൽ സൂക്ഷിച്ചിരിക്കുന്നത്.

3. സി​യ​ന്ന​യി​ലെ വി​ശു​ദ്ധ കാ​ത​റി​ന്‍റെ ശി​ര​സ്
വി​ശു​ദ്ധ കാ​ത​റി​ന്‍റെ ശി​ര​സ് ഇ​റ്റ​ലി​യി​ലെ സി​യ​ന്ന​യി​ലു​ള്ള 'ബ​സി​ലി​ക്ക കാ​റ്റ​റി​നി​യാ​ന സാ​ന്‍ ഡൊ​മെ​നി​ക്കോ' പ​ള്ളി​യി​ല്‍ പ്ര​ദ​ര്‍​ശി​പ്പി​ച്ചി​ട്ടുണ്ട്. ലോകത്തിലെ പ്രധാന തീ​ര്‍​ഥാ​ടനകേ​ന്ദ്ര​ങ്ങ​ളി​ലൊ​ന്നാ​ണി​ത്. 600-ലേറെ വർഷം കഴിഞ്ഞിട്ടും ഇപ്പോഴും തേജസോടെ വിശുദ്ധയുടെ ശിരസ് ദർശിക്കാം.

4. വ്‌​ളാ​ഡി​മി​ര്‍ ലെ​നി​ന്‍റെ മൃ​ത​ദേ​ഹം
സോ​ഷ്യ​ലി​സ്റ്റ് വി​പ്ല​വ നേ​താ​വ് വ്‌​ളാ​ഡി​മി​ര്‍ ലെ​നി​ന്‍റെ ഭൗ​തി​ക​ശ​രീ​രം മോ​സ്‌​കോ​യി​ലെ റെ​ഡ് സ്‌​ക്വ​യ​റി​ലു​ള്ള മൗ​സോ​ളി​യ​ത്തി​ല്‍ എം​ബാം ചെ​യ്ത് സൂ​ക്ഷി​ച്ചി​ട്ടു​ണ്ട്. 1924-ല്‍ ​അ​ന്ത​രി​ച്ച അ​ദ്ദേ​ഹ​ത്തി​ന്‍റെ ശ​രീ​രം സു​താ​ര്യ​മാ​യ ഗ്ലാ​സ് ശ​വ​പ്പെ​ട്ടി​യി​ല്‍, ജീ​വ​സു​റ്റ രീ​തി​യി​ല്‍ ഇ​ന്നും പൊ​തു​ജ​ന​ങ്ങ​ള്‍​ക്കു കാ​ണാം.
പ്രതിവർഷം എ​ക​ദേ​ശം 25 ല​ക്ഷ​ത്തോ​ളം സ​ന്ദ​ർ​ശ​ക​ർ ഇ​വി​ടെ എ​ത്താ​റു​ണ്ടെ​ന്നാ​ണു ക​ണ​ക്ക്. സ​ന്ദ​ർ​ശ​ക​ർ ക​ർ​ശ​ന നി​യ​മ​ങ്ങ​ൾ പാ​ലി​ക്കേ​ണ്ടി​വ​രും. ച​ട്ട​വി​രു​ദ്ധ​മാ​യി പ്ര​വ​ർ​ത്തി​ച്ചാ​ൽ സു​ര​ക്ഷാ ഉ​ദ്യോ​ഗ​സ്ഥ​ർ പു​റ​ത്താ​ക്കും.

5. റോ​സാ​ലി​യ ലൊം​ബാ​ര്‍​ഡോ (ഉ​റ​ങ്ങു​ന്ന സു​ന്ദ​രി)
ലോ​ക​ത്തി​ലെ ഏ​റ്റ​വും പ്ര​ശ​സ്ത​യാ​യ മ​മ്മി​യാ​ണ് റോ​സാ​ലി​യ ലൊം​ബാ​ര്‍​ഡോ. ഇ​റ്റ​ലി​യി​ലെ സി​സി​ലി​യി​ലു​ള്ള 'ക​പ്പു​ചി​ന്‍ കാ​റ്റ​കോം​ബ്‌​സി​ലാ​ണ്' ര​ണ്ടു വ​യസി​ല്‍ മ​രി​ച്ച ​പെ​ണ്‍​കു​ട്ടി​യു​ടെ മൃ​ത​ദേ​ഹം സൂ​ക്ഷി​ച്ചി​രി​ക്കു​ന്ന​ത്. പ്ര​ത്യേ​ക രാ​സ​മി​ശ്രി​തം ഉ​പ​യോ​ഗി​ച്ച് എം​ബാം ചെ​യ്ത​തി​നാ​ല്‍ ഇ​ന്നും ജീ​വ​നു​ള്ള കു​ട്ടി ഉ​റ​ങ്ങു​ന്ന​തു​പോ​ലെ തോ​ന്നും.

6. ആ​ല്‍​ബ​ര്‍​ട്ട് ഐ​ന്‍​സ്റ്റീ​ന്‍റെ മ​സ്തി​ഷ്‌​കം
മ​ഹാ​നാ​യ ശാ​സ്ത്ര​ജ്ഞ​ന്‍ ആ​ല്‍​ബ​ര്‍​ട്ട് ഐ​ന്‍​സ്റ്റീ​ന്‍റെ ത​ല​ച്ചോ​റി​ന്‍റെ ഭാ​ഗ​ങ്ങ​ള്‍ ഫി​ലാ​ഡ​ല്‍​ഫി​യ​യി​ലെ മ്യൂ​ട്ട​ര്‍ മ്യൂ​സി​യ​ത്തി​ല്‍ സൂ​ക്ഷി​ച്ചി​രി​ക്കു​ന്നു. 1955-ല്‍ ​അ​ദ്ദേ​ഹ​ത്തി​ന്‍റെ മ​ര​ണ​ശേ​ഷം ഡോ. ​തോ​മ​സ് ഹാ​ര്‍​വി പ​ഠ​നാ​വ​ശ്യ​ങ്ങ​ള്‍​ക്കാ​യി വേ​ര്‍​പെ​ടു​ത്തി​യ ത​ല​ച്ചോ​റി​ന്‍റെ ചി​ല ഭാ​ഗ​ങ്ങ​ളാ​ണ് ഇ​വി​ടെ പൊ​തു​ജ​ന​ങ്ങ​ള്‍​ക്കാ​യി പ്ര​ദ​ര്‍​ശി​പ്പി​ച്ചി​ട്ടു​ള്ള​ത്.

7. മാ​വോ സെ ​തും​ഗി​ന്‍റെ ഭൗ​തി​ക​ശ​രീ​രം
ചൈ​നീ​സ് ക​മ്യൂ​ണി​സ്റ്റ് പാ​ര്‍​ട്ടി സ്ഥാ​പ​ക​നാ​യ മാ​വോ സെ ​തുംഗിന്‍റെ ഭൗതികശ​രീ​രം ​ബീജിംഗി​ലെ ടി​യാ​ന​ന്‍​മെ​ന്‍ സ്‌​ക്വ​യ​റി​ലു​ള്ള മൗ​സോ​ളി​യ​ത്തി​ല്‍ എം​ബാം ചെ​യ്തു സൂക്ഷിക്കുന്നുണ്ട്. ഗ്ലാ​സ് പേ​ട​ക​ത്തി​ല്‍ സൂ​ക്ഷി​ച്ചി​രി​ക്കു​ന്ന അ​ദ്ദേ​ഹ​ത്തി​ന്‍റെ ശ​രീ​രം കാ​ണാ​ന്‍ ദി​നം​പ്ര​തി ആ​യി​ര​ക്ക​ണ​ക്കി​നു സന്ദർശകരാണെത്തുന്നത്.

8. ടു​ട്ട​ന്‍​ഖാ​മ​ന്‍ രാ​ജാ​വിന്‍റെ മ​മ്മി
പുരാ​ത​ന ഈ​ജി​പ്ഷ്യ​ന്‍ ഫ​റ​വോ​യാ​യ ടു​ട്ട​ന്‍​ഖാ​മന്‍റെ മ​മ്മി ഈ​ജി​പ്തി​ലെ ല​ക്‌​സ​റി​ലു​ള്ള വാലി ഓഫ് കിംഗ്സിലെ ഭൂ​ഗ​ര്‍​ഭ ക​ല്ല​റ​യി​ല്‍ ത​ന്നെ​യാ​ണ് ഇ​ന്നും സൂ​ക്ഷി​ച്ചി​രി​ക്കു​ന്ന​ത്. കൃ​ത്രി​മ രാ​സ​വ​സ്തു​ക്ക​ളി​ല്ലാ​തെ പു​രാ​ത​ന ഈ​ജി​പ്ഷ്യ​ന്‍ രീ​തി​യി​ല്‍ സ്വാ​ഭാ​വി​ക​മാ​യി സം​ര​ക്ഷി​ക്ക​പ്പെ​ട്ട മ​മ്മി​യാ​ണി​ത്.

9. ടോ​ള​ണ്ട് മാ​ന്‍
പു​രാ​ത​ന കാ​ല​ത്തെ സാ​ധാ​ര​ണ​ക്കാ​രു​ടെ ശ​രീ​ര​വും ന​ശി​ക്കാ​തെ ല​ഭി​ച്ചി​ട്ടു​ണ്ട്. വെ​ങ്ക​ല​യു​ഗ​ത്തി​ല്‍ ജീ​വി​ച്ചി​രു​ന്ന 'ടോ​ള​ണ്ട് മാ​ന്‍' എ​ന്നു നാമകരണം ചെയ്ത മ​നു​ഷ്യ​ന്‍റെ ശ​രീ​രം ഡെ​ന്‍​മാ​ര്‍​ക്കി​ലെ ച​തു​പ്പു​നി​ല​ത്തി​ല്‍ നി​ന്നാ​ണു ക​ണ്ടെ​ത്തി​യ​ത്. ച​തു​പ്പി​ലെ പ്ര​ത്യേ​ക രാ​സ​സാ​ഹ​ച​ര്യ​ങ്ങ​ള്‍ കാ​ര​ണം ച​ര്‍​മ​വും മു​ഖവും കേ​ടു​പാ​ടു​ക​ളി​ല്ലാ​തെ സം​ര​ക്ഷി​ക്ക​പ്പെ​ട്ടു. നി​ല​വി​ല്‍ ഡെ​ന്‍​മാ​ര്‍​ക്കി​ലെ സി​ല്‍​ക്കെ​ബോ​ര്‍​ഗ് മ്യൂ​സി​യ​ത്തി​ല്‍ പ്രദർശിപ്പിച്ചിട്ടുണ്ട്. നിരവധി സഞ്ചാരികൾ എത്തുന്ന ചരിത്രകേന്ദ്രമാണിത്.

Tags : ScienceNews Archaeology GalileoGalilei VladimirLenin SleepingBeauty St.ThomasAquinas St.CatherineofSiena