19

ബ​ഹി​രാ​കാ​ശ​ത്ത് വി​ള​വെ​ടു​പ്പു​ത്സ​വം! വി​ള​വെ​ടു​ത്ത​തോ, മ​ല​യാ​ളി വം​ശ​ജ​നാ​യ ബ​ഹി​രാ​കാ​ശ സ​ഞ്ചാ​രി അ​നി​ൽ മേ​നോ​ൻ! ഒ​രു മാ​സം മു​ന്പ് ബ​ഹി​രാ​കാ​ശ​ത്തു ന​ട്ടു​വ​ള​ർ​ത്തി​യ പ​ച്ച​ക്ക​റി​ക​ളു​ടെ വി​ള​വെ​ടു​പ്പാ​ണ് ഗ​വേ​ഷ​ക​ർ ആഘോഷത്തോടെ ന​ട​ത്തി​യ​ത്. മാ​ത്ര​മ​ല്ല, വി​ള​വെ​ടു​ത്ത പ​ച്ച​ക്ക​റി​ക​ൾ പാ​ച​കം ചെ​യ്തു ക​ഴി​ക്കു​ക​യും ചെ​യ്തു അ​നി​ൽ, കൂ​ടെ അ​ദ്ദേ​ഹ​ത്തി​ന്‍റെ സ​ഹ ബ​ഹി​രാ​കാ​ശ​യാ​ത്രി​ക ജെ​സീ​ക്ക മെ​യ്റും ഉ​ണ്ടാ​യി​രു​ന്നു. ബ്രോ​ക്കോ​ളി സ​സ്യ​കു​ടും​ബ​ത്തി​ൽ​പ്പെ​ട്ട കേ​ൽ, വാ​സ​ബി എ​ന്നീ ഇ​ല​ക്ക​റി​ക​ളാ​ണ് വി​ള​വെ​ടു​ക്കു​ക​യും പാ​ച​കം ചെ​യ്തു ക​ഴി​ക്കു​ക​യും ചെ​യ്ത​ത്. ബ​ഹി​രാ​കാ​ശ​ത്ത് വി​ഭ​വ​ങ്ങ​ൾ ഉ​ത്പാ​ദി​പ്പി​ക്കു​ക വ​ഴി, ഭാ​വി​യി​ൽ ബ​ഹി​രാ​കാ​ശ​യാ​ത്രി​ക​രെ സ്വ​യം പ​ര്യാ​പ്ത​ത​യി​ലെ​ത്തി​ക്കു​ക​യാ​ണ് നാ​സ​യു​ടെ ല​ക്ഷ്യം.

വി​ള​വെ​ടു​പ്പി​ന്‍റെ​യും പാ​ച​കം ചെ​യ്യു​ന്ന​തി​ന്‍റെ​യും വീ​ഡി​യോ അ​നി​ലും സം​ഘ​വും സ​മൂ​ഹ​മാ​ധ്യ​മ​മാ​യ എ​ക്സി​ൽ പ​ങ്കു​വ​ച്ചി​ട്ടു​ണ്ട്. നാ​സ​യു​ടെ മ​ഹ​ത്താ​യ പ​രീ​ക്ഷ​ണ​ത്തി​ന്‍റെ ഭാ​ഗ​മാ​കാ​ൻ ക​ഴി​ഞ്ഞ​തി​ൽ സ​ന്തോ​ഷ​വാ​നാ​ണെ​ന്നും ബ​ഹി​രാ​കാ​ശ കൃ​ഷി​യി​ലൂ​ടെ ല​ഭി​ച്ച​ത് മി​ക​ച്ച ഭ​ക്ഷ്യ​വ​സ്തു​ക്ക​ളാ​ണെ​ന്നും, അ​തീ​വ രു​ചി​ക​ര​മാ​യി​രു​ന്നു​വെ​ന്നും വീ​ഡി​യോ പ​ങ്കു​വ​ച്ചു​കൊ​ണ്ട് അ​നി​ൽ എ​ക്സി​ൽ കു​റി​ച്ചു. നാ​സ വെ​ജ്ജി ടീം ​അം​ഗ​ങ്ങ​ളെ അ​നി​ൽ മേ​നോ​ൻ പ്ര​ത്യേ​ക​മാ​യി അ​ഭി​ന​ന്ദി​ക്കു​ക​യും ചെ​യ്തു.
അ​ന്താ​രാ​ഷ്‌​ട്ര ബ​ഹി​രാ​കാ​ശ നി​ല​യ​ത്തി​ലെ, വെ​ജ്ജി പ്ലാ​ന്‍റ് ഗ്രോ​ത്ത് ചേം​ബ​റി​ലാ​ണ് അ​താ​യ​ത്, ബ​ഹി​രാ​കാ​ശ ഗാ​ർ​ഡ​ൻ എ​ന്നു വ​ളി​ക്കാ​വു​ന്ന പ്ര​ത്യേ​ക​മാ​യി ഒ​രു​ക്കി​യ ഭാ​ഗ​ത്താ​ണ് വി​വി​ധ സ​സ്യ​ങ്ങ​ളെ ഗ​വേ​ഷ​ക​ർ വ​ള​ർ​ത്തു​ന്ന​ത്.

നി​ല​വി​ലെ ഗ​വേ​ഷ​ണ​ങ്ങ​ൾ, ഭാ​വി​യി​ൽ ചാ​ന്ദ്ര​ദൗ​ത്യം ഉ​ൾ​പ്പെ​ടെ​യു​ള്ള ഗ്ര​ഹാ​ന്ത​ര അ​ന്വേ​ഷ​ണ​ങ്ങ​ൾ​ക്കു ക​രു​ത്തു​പ​ക​രു​മെ​ന്ന് നാ​സ പ​റ​ഞ്ഞു. ഭാവിയിൽ പ്രപഞ്ചാന്വേഷണങ്ങൾക്ക് ചന്ദ്രനിൽ താവളമൊരുക്കാനാണ് നാസ ലക്ഷ്യമിടുന്നത്. മാ​സ​ങ്ങ​ളോ​ളം, ചി​ല​പ്പോ​ൾ വ​ർ​ഷ​ങ്ങ​ളോ​ളും തു​ട​രാ​ൻ ല​ക്ഷ്യ​മി​ടു​ന്ന ചൊ​വ്വ ഉ​ൾ​പ്പെ​ടെ​യു​ള്ള ഗ്ര​ഹാ​ന്ത​ര​ഗ​വേ​ഷ​ണ​ങ്ങ​ളി​ൽ, സ്വ​ന്ത​മാ​യി ഭ​ക്ഷ​ണം ഉ​ത്പാ​ദി​ക്കാ​ൻ ക​ഴി​യു​ക എ​ന്ന​തു ബ​ഹി​രാ​കാ​ശ​യാ​ത്രി​ക​രു​ടെ ആ​ത്മ​വി​ശ്വാ​സം വ​ർ​ധി​പ്പി​ക്കു​മെ​ന്നും നാസ പ​റ​യു​ന്നു. മാ​ത്ര​മ​ല്ല, ഭൂ​മി​യി​ൽ​നി​ന്നു കൊ​ണ്ടു​പോ​കേ​ണ്ട ഭ​ക്ഷ്യ​വ​സ്തു​ക്ക​ളു​ടെ ഭാ​രം കു​റ​യ്ക്കാ​ൻ ക​ഴി​യു​മെ​ന്നും നാ​സ അ​ഭി​പ്രാ​യ​പ്പെ​ടു​ന്നു.

ആഴ്ചകൾക്കു മുന്പ്, ചൈനയും ബഹിരാകാശത്തു വൻ നേട്ടം സ്വന്തമാക്കിയിരുന്നു. ചൈ​ന​യു​ടെ ടി​യാ​ൻ​ഗോം​ഗ് ബ​ഹി​രാ​കാ​ശ നി​ല​യ​ത്തി​ൽ (Tiangong Space Station) വളർത്തിയെടുത്ത നെല്ല് വിജയകരമായി കൊയ്തെടുത്തിരുന്നു. ഭൂ​മി​ക്കു പു​റ​ത്തു കൃ​ഷി ചെ​യ്ത നെ​ല്ലി​ന്‍റെ വി​ള​വെ​ടു​പ്പ് അദ്ഭുതകരമായ വാർത്തയായിരുന്നു.

ഷെ​ൻ​ഷൗ-23 (Shenzhou-23) ദൗ​ത്യ​ത്തി​ന്‍റെ ഭാ​ഗ​മാ​യി ബ​ഹി​രാ​കാ​ശ നി​ല​യ​ത്തി​ലു​ള്ള ശാ​സ്ത്ര​ജ്ഞ​രാ​ണു കാ​ർ​ഷി​ക പ​രീ​ക്ഷ​ണ​ത്തി​നു പി​ന്നി​ൽ. ഗു​രു​ത്വാ​ക​ർ​ഷ​ണ​മി​ല്ലാ​ത്ത അ​വ​സ്ഥ​യി​ൽ സ​സ്യ​ങ്ങ​ളു​ടെ ജ​നി​ത​ക​മാ​റ്റ​ങ്ങ​ളും വ​ള​ർ​ച്ച​യും പ​ഠി​ക്കു​ക​യാ​ണു പ്ര​ധാ​നം. മേ​യി​ൽ നി​ല​യ​ത്തി​ലെ​ത്തി​ച്ച വി​ത്തു​ക​ൾ മു​ള​പ്പി​ച്ച്, വ​ള​ർ​ത്തി, പൂ​വി​ട്ട് വി​ത്താ​ക്കി മാ​റ്റു​ന്ന സീ​ഡ്-​ടു-​സീ​ഡ് (Seed-to-Seed) പ്ര​ക്രി​യ​യാ​ണ് ഇ​പ്പോ​ൾ പൂ​ർ​ത്തി​യാക്കിയതെന്ന് ചൈനീസ് ഗവേഷകർ പറഞ്ഞു.

ഭൂ​മി​യി​ൽ​നി​ന്നു തു​ട​ർ​ച്ച​യാ​യി ഭ​ക്ഷ​ണ​സാ​ധ​ന​ങ്ങ​ൾ ബ​ഹി​രാ​കാ​ശ​നി​ല​യ​ത്തി​ലെ​ത്തി​ക്കു​ക എ​ന്ന​തു ചെ​ല​വേ​റി​യ​താ​ണെ​ന്നു മാ​ത്ര​മ​ല്ല, പ്രാ​യോ​ഗി​ക​വു​മ​ല്ല. അ​തു​കൊ​ണ്ട് അ​ത​തു കേ​ന്ദ്ര​ങ്ങ​ളി​ൽ ഭ​ക്ഷ്യ​വ​സ്തു​ക്ക​ൾ ഉ​ത്പാ​ദി​പ്പി​ക്കു​ന്ന ഇ​ൻ-​സി​റ്റു പ്രൊ​ഡ​ക്ഷ​ൻ വി​ക​സി​പ്പി​ക്കു​ക​യാ​ണ് ഇപ്പോൾ ശാസ്ത്രലോകത്തിന്‍റെ ലക്ഷ്യം. മൈ​ക്രോ​ഗ്രാ​വി​റ്റി​യും ബ​ഹി​രാ​കാ​ശ വി​കി​ര​ണ​ങ്ങ​ളും സ​സ്യ​ങ്ങ​ളു​ടെ ജ​നി​ത​ക​ഘ​ട​ന​യി​ൽ വ​രു​ത്തി​യ മാ​റ്റ​ങ്ങ​ളും ഗവേഷകർ നിരീക്ഷിക്കും. ഭാവിയിൽ കൂടുതൽ വിളവു ന​ൽ​കു​ന്ന​തും പ്ര​തി​രോ​ധ​ശേ​ഷി​യു​ള്ള​തു​മാ​യ പു​തി​യ വി​ത്തി​ന​ങ്ങ​ൾ വി​ക​സി​പ്പി​ക്കാ​നും ഇ​ത് സ​ഹാ​യ​ക​മാ​കു​മെ​ന്നും ഗവേഷകർ വ്യക്തമാക്കുന്നു.

Tags : NASA AstronautAnilMenon AstronautJessicaMeir Kale WasabiMustard ISS VeggiePlantGrowthChamber TiangongSpaceStation