19

തി​രു​വ​ന​ന്ത​പു​രം: സം​സ്ഥാ​ന​ത്ത് ഓ​ണ​ത്തി​ന് ഹോ​ർ​ട്ടി​കോ​ർ​പ്പി​ന്‍റെ​യും വി​എ​ഫ്പി​സി​കെ​യു​ടെ​യും നേ​തൃ​ത്വ​ത്തി​ൽ സം​സ്ഥാ​ന​ത്തു​ട​നീ​ളം 2000 ഓ​ണ​ച്ച​ന്ത​ക​ൾ ആ​രം​ഭി​ക്കു​മെ​ന്ന് കൃ​ഷി​മ​ന്ത്രി ടി. ​സി​ദ്ദീ​ഖ്. ഓ​ണ​വി​പ​ണി​യി​ലെ വി​ല​ക്ക​യ​റ്റം നി​യ​ന്ത്രി​ക്കു​ന്ന​തി​നും വി​പ​ണി​യി​ൽ ഫ​ല​പ്ര​ദ​മാ​യി ഇ​ട​പെ​ടു​ന്ന​തി​നു​മാ​യി സം​സ്ഥാ​ന സ​ർ​ക്കാ​ർ 20 കോ​ടി രൂ​പ നീ​ക്കി​വ​ച്ചി​ട്ടു​ണ്ടെ​ന്നും മ​ന്ത്രി പ​റ​ഞ്ഞു.

സം​സ്ഥാ​ന കൃ​ഷി വ​കു​പ്പി​ന്‍റെ ആ​ഭി​മു​ഖ്യ​ത്തി​ൽ ന​ട​പ്പാ​ക്കു​ന്ന സ​മ​ഗ്ര പ​ച്ച​ക്ക​റി, പു​ഷ്പ ഉ​ത്പാ​ദ​ന യ​ജ്ഞ​ത്തി​ന്‍റെ ഭാ​ഗ​മാ​യി സം​ഘ​ടി​പ്പി​ച്ച 'ഓ​ണ​ത്തി​നൊ​രു​ക്കാം, വി​ള​വി​ന്റെ വി​സ്മ​യം' പ​ച്ച​ക്ക​റി വി​ള​വെ​ടു​പ്പ് സെ​ക്ര​ട്ടേ​റി​യ​റ്റ് അ​ങ്ക​ണ​ത്തി​ൽ ഉ​ദ്ഘാ​ട​നം ചെ​യ്യു​ക​യാ​യി​രു​ന്നു കൃ​ഷി​മ​ന്ത്രി.

സം​സ്ഥാ​ന​ത്ത് പ​ഴം, പ​ച്ച​ക്ക​റി, പു​ഷ്പ കൃ​ഷി​ക​ൾ മി​ക​ച്ച രീ​തി​യി​ൽ മു​ന്നേ​റു​ക​യാ​ണെ​ന്ന് മ​ന്ത്രി പ​റ​ഞ്ഞു. പ​ച്ച​ക്ക​റി കൃ​ഷി വ്യാ​പി​പ്പി​ക്കു​ന്ന​തി​നാ​യി കൃ​ഷി​വ​കു​പ്പ് സ​മ​ഗ്ര പ​ദ്ധ​തി​ക​ൾ ന​ട​പ്പാ​ക്കി​വ​രി​ക​യാ​ണ്. 'ക​തി​ർ', 'കൃ​ഷി സ​ഖി' തു​ട​ങ്ങി​യ പ​ദ്ധ​തി​ക​ളും ഇ​തി​ന്‍റെ ഭാ​ഗ​മാ​യി ന​ട​പ്പാ​ക്കു​ന്നു​ണ്ട്.

നാ​ളി​കേ​ര ക​ർ​ഷ​ക​രെ സ​ഹാ​യി​ക്കു​ന്ന​തി​നാ​യി സം​സ്ഥാ​ന​ത്ത് 100 കോ​ടി രൂ​പ​യു​ടെ പ്ര​ത്യേ​ക നാ​ളി​കേ​ര പു​ന​രു​ജ്ജീ​വ​ന പ​ദ്ധ​തി ന​ട​പ്പാ​ക്കും. സെ​പ്റ്റം​ബ​ർ ര​ണ്ടി​ന് തി​രു​വ​ന​ന്ത​പു​ര​ത്ത് ന​ട​ക്കു​ന്ന സം​സ്ഥാ​ന​ത​ല 'കേ​രാ​മൃ​തം' പ​രി​പാ​ടി​യി​ൽ പ​ദ്ധ​തി​ക്ക് ഔ​ദ്യോ​ഗി​ക തു​ട​ക്ക​മാ​കും. നാ​ളി​കേ​ര ദി​നം ഇ​ത്ത​വ​ണ വി​പു​ല​മാ​യി ആ​ച​രി​ക്കാ​ൻ സ​ർ​ക്കാ​ർ തീ​രു​മാ​നി​ച്ച​താ​യും മ​ന്ത്രി അ​റി​യി​ച്ചു. റ​വ​ന്യൂ മ​ന്ത്രി എ ​പി അ​നി​ൽ കു​മാ​റും തൊ​ഴി​ൽ മ​ന്ത്രി ബി​ന്ദു കൃ​ഷ്ണ​യും വി​ള​വെ​ടു​പ്പി​ൽ പ​ങ്കു​ചേ​ർ​ന്നു.

Tags : Onam Markets Opening Across State Minister T. Siddique