മാ​ന​ന്ത​വാ​ടി: ക​ഴി​ഞ്ഞ ദി​വ​സം അ​ന്ത​രി​ച്ച മ​ക്കി​മ​ല അ​ത്തി​മ​ല കാ​ട്ടു​നാ​യ്ക്ക കോ​ള​നി​യി​ലെ ദാ​മോ​ദ​ര​നെ(75) അ​വ​സാ​ന​മാ​യി ഒ​രു​നോ​ക്കു​കാ​ണാ​നും അ​ന്ത്യാ​ഞ്ജ​ലി​യ​ര്‍​പ്പി​ക്കാ​നും മാ​വോ​യി​സ്റ്റ് കേ​സി​ല്‍ ത​ട​വി​ലു​ള്ള മ​ക​ള്‍ ജി​ഷ​യെ പൊ​ലി​സ് എ​ത്തി​ച്ച​ത് ക​ന​ത്ത സു​ര​ക്ഷാ സ​ന്നാ​ഹ​ങ്ങ​ളോ​ടെ.  വി​യ്യൂ​ര്‍ വ​നി​താ ജ​യി​ലി​ല്‍ ത​ട​വി​ല്‍ ക​ഴി​യു​ന്ന ജി​ഷ​യെ കൊ​ച്ചി എ​ന്‍​ഐ​എ കോ​ട​തി​യു​ടെ അ​നു​മ​തി ന​ല്‍​കി​യ​ത​നു​സ​രി​ച്ചാ​ണ് മ​ക്കി​മ​ല​യി​ലെ വീ​ട്ടി​ലെ​ത്തി​ച്ച​ത്. 

വെ​ള്ളി​യാ​ഴ്ച രാ​ത്രി എ​ട്ട​ര​യോ​ടെ​യാ​ണ് പൊ​ലി​സ് ജി​ഷ​യെ വീ​ട്ടി​ല്‍ കൊ​ണ്ടു​വ​ന്ന​ത്. ഒ​ന്ന​ര മ​ണി​ക്കൂ​റി​നു​ശേ​ഷം തി​രി​കേ ജ​യി​ലേ​ക്ക് കൊ​ണ്ടു​പോ​യി. ജ​യി​ലി​ല്‍ തി​ര​ച്ചെ​ത്തി​ക്കു​ന്ന​തി​ന് ശ​നി​യാ​ഴ്ച രാ​ത്രി 10 വ​രെ കോ​ട​തി സ​മ​യം അ​നു​വ​ദി​ച്ചി​ട്ടും ജി​ഷ​യെ രാ​ത്രി വീ​ട്ടി​ല്‍ ത​ങ്ങാ​ന്‍ പൊ​ലി​സ് അ​നു​വ​ദി​ച്ചി​ല്ലെ​ന്ന് ബ​ന്ധു​ക്ക​ള്‍ ആ​രോ​പി​ച്ചു. 

മാ​വോ​യി​സ്റ്റ് ക​ബ​നി, ഭ​വാ​നി ദ​ള​ങ്ങ​ളി​ലും വീ​ര​ഗൗ​ഡ സം​ഘ​ത്തി​ലും ജി​ഷ പ്ര​വ​ര്‍​ത്തി​ച്ചി​ട്ടു​ണ്ട്. 2014ല്‍ 24-ാം ​വ​യ​സി​ലാ​ണ് മാ​വോ​യി​സ്റ്റ് പ്ര​സ്ഥാ​ന​ത്തി​ല്‍ ചേ​ര്‍​ന്ന​ത്. കേ​ര​ള​ത്തി​ല്‍ 18ഓ​ളം കേ​സ് ഇ​വ​ര്‍​ക്കെ​തി​രേ​യു​ണ്ട്. 2025 ജ​നു​വ​രി എ​ട്ടി​ന് ക​ര്‍​ണാ​ട​ക​യി​ലെ ബം​ഗ​ളൂ​രു​വി​ല്‍ പൊ​ലി​സ് മു​മ്പാ​കെ കീ​ഴ​ട​ങ്ങി​യ ആ​റ് മാ​വോ​യി​സ്റ്റു​ക​ളി​ല്‍ ജി​ഷ​യും ഉ​ള്‍​പ്പ​ട്ടി​രു​ന്നു. 

Tags : Jisha heavy security Deepika DeepikaNewspaper BreakingNews NewsUpdate Headlines CurrentAffairs DailyNews InDepth NewsFlash maoist