19

എടപ്പാള്‍:കുറ്റിപ്പാല ശ്രീ എക്കിക്കാവ് ഭഗവതി ക്ഷേത്രോത്സവത്തിനിടെ നടന്ന വെടിക്കെട്ടിനിടയില്‍ അവശിഷ്ടം തെറിച്ചു വീണ് ഒരാള്‍ക്ക് പരിക്കേറ്റു. അത്താണിപ്പടി സ്വദേശി കണ്ണത്ത് സജീവന്‍(32) എന്നയാള്‍ക്കാണ് പരിക്കേറ്റത്.

തലയില്‍ പരിക്കേറ്റ സജീവനെ നാട്ടുകാര്‍ ചേര്‍ന്ന് എടപ്പാളിലെ സ്വകാര്യ ആശുപത്രിയില്‍ പ്രവേശിപ്പിച്ചു. വെള്ളിയാഴ്ചയായിരുന്നു ക്ഷേത്രത്തിലെ ഉത്സവം നടന്നത്. പകല്‍ പൂരത്തിനു ശേഷം രാത്രി എട്ടോടെയാണ് വെടിക്കെട്ട് നടന്നത്.

വെടിക്കെട്ടിനിടെ കാണാന്‍നിന്നയാളുടെ തലയിലേക്കു വെടിക്കെട്ട് അവശിഷം തെറിച്ചു വീഴുകയായിരുന്നു എന്നാണ് വിവരം. സംഭവത്തില്‍ അനുമതിയില്ലാതെ വെടിക്കെട്ട് നടത്തിയതിനു വെടിക്കെട്ട് കമ്മിറ്റി ചുമതലയുള്ള ഭാരവാഹികള്‍ക്കെതിരെ ചങ്ങരംകുളം പോലീസ് കേസെടുത്തിട്ടുണ്ട്.

Tags : fireworks temple festival Accident Kuttipala temple fireworks display