പാലക്കാട്: കോണ്ഗ്രസ് സ്ഥാനാര്ഥിയെ സ്വാധീനിക്കാന് ശ്രമിച്ചെന്ന ആരോപണത്തില് ബിജെപി നേതാക്കള്ക്കെതിരേ ടൗണ് നോര്ത്ത് പോലീസ് കേസെടുത്തു.
അമ്പതാം വാര്ഡ് കോൺഗ്രസ് സ്ഥാനാർഥി രമേഷിനു പണം വാഗ്ദാനം ചെയ്തു സ്ഥാനാര്ഥിത്വം പിന്വലിപ്പിക്കാന് ശ്രമിച്ച സംഭവത്തിലാണ് കേസെടുത്തത്.
നിലവിലെ ബിജെപി കൗണ്സിലര് ജയലക്ഷ്മിയാണ് ഒന്നാംപ്രതി. ജയലക്ഷ്മിക്കൊപ്പം രമേശിന്റെ വീട്ടിലെത്തിയ ഗണേഷ് രണ്ടാംപ്രതിയാണ്. കണ്ടാലറിയാവുന്ന മറ്റു മൂന്നു പേര്ക്കെതിരേയുമാണു കേസ്.
തെരഞ്ഞെടുപ്പില് സ്വാധീനം ചെലുത്തല്, വീട്ടില് അതിക്രമിച്ചുകയറല് നിയമപ്രകാരമാണു കേസെടുത്തത്. എന്നാൽ, രമേഷ് ആരോപണമുന്നയിച്ച നാല്പത്താറാംവാര്ഡിലെ ബിജെപി സ്ഥാനാര്ഥിയുടെ പേര് എഫ്ഐആറിലില്ല.
രമേഷിന്റെയും കുടുംബാംഗങ്ങളുടെയും മൊഴിയുടെ അടിസ്ഥാനത്തിലാണ് പാലക്കാട് ടൗണ് നോര്ത്ത് പോലീസ് കേസെടുത്തത്.
Tags : candidacy Bribe offered UDF BJP LDF Kerala Local body election