21

കാ​ല്‍​പ്പ​ന്ത് ലോ​ക​ത്തി​നു പു​തി​യ ച​ക്ര​വ​ര്‍​ത്തി; ലാ ​റോ​ഹ എ​ന്ന​റി​യ​പ്പെ​ടു​ന്ന സ്‌​പെ​യി​ന്‍. വ​നി​ത​ക​ള്‍​ക്കു പി​ന്നാ​ലെ പു​രു​ഷവി​ഭാ​ഗ​ത്തി​ലും സ്‌​പെ​യി​ന്‍ ഫി​ഫ ലോ​ക​ക​പ്പ് ട്രോ​ഫി​യി​ല്‍ ചും​ബി​ച്ചു. ഇ​തോ​ടെ കാ​ല്‍​പ്പ​ന്തി​ലെ ഒ​രേ​യൊ​രു അ​ഡ്ര​സാ​യി സ്‌​പെ​യി​ന്‍.

ഫി​ഫ 2026 പു​രു​ഷ ലോ​ക​ക​പ്പ് ഫൈ​ന​ലി​ല്‍ സൂ​പ്പ​ര്‍ താ​രം ല​യ​ണ​ല്‍ മെ​സി​യു​ടെ അ​ര്‍​ജ​ന്‍റീ​ന​യെ നി​ഷ്പ്ര​ഭ​മാ​ക്കി​യാ​ണ് ലാ​മി​ന്‍ യ​മാ​ലി​ന്‍റെ സ്‌​പെ​യി​ന്‍ ക​പ്പു​യ​ര്‍​ത്തി​യ​ത്. ക്യാ​പ്റ്റ​ന്‍ റോ​ഡ്രി മു​ന്നി​ല്‍​നി​ന്ന് ന​യി​ച്ച​പ്പോ​ള്‍ സ്‌​പെ​യി​ന്‍ 2010നു​ശേ​ഷം വീ​ണ്ടും ലോ​ക ഫു​ട്‌​ബോ​ളി​ന്‍റെ നെ​റു​ക​യി​ല്‍. പ​ന്ത് പൂ​ര്‍​ണ​മാ​യി സ്‌​പെ​യി​നിന്‍റെ നി​യ​ന്ത്ര​ണ​ത്തി​ലാ​യ​തോ​ടെ, മെ​സി​ക്കും സം​ഘ​ത്തി​നും മൈ​താ​ന​ത്ത് കാ​ഴ്ച​ക്കാ​രാ​കേ​ണ്ടി​വ​ന്ന അ​വ​സ്ഥ. മ​ത്സ​രം അ​തോ​ടെ സ്‌​പെ​യി​ന്‍ Vs എ​മി​ലി​യാ​നൊ മാ​ര്‍​ട്ടി​നെ​സ് (അ​ര്‍​ജ​ന്‍റൈ​ന്‍ ഗോ​ളി) എ​ന്ന​തി​ലേ​ക്കു മാ​റി​യെ​ന്ന​തും ശ്ര​ദ്ധേ​യം.

നി​ശ്ചി​ത സ​മ​യ​ത്ത് ഗോ​ള്‍ അ​ക​ന്നുനി​ന്നു. എ​ന്നാ​ല്‍, ര​ണ്ടാം പ​കു​തി​യു​ടെ ഇ​ഞ്ചു​റി ടൈ​മി​ല്‍ എ​ന്‍​സോ ഫെ​ര്‍​ണാ​ണ്ട​സ് (90+3-ാം മി​നി​റ്റ്) ര​ണ്ടാം മ​ഞ്ഞ​ക്കാ​ര്‍​ഡി​ലൂ​ടെ ചു​വ​പ്പു​ ക​ണ്ട​തോ​ടെ അ​ര്‍​ജ​ന്‍റീ​ന ത​ള​ര്‍​ന്നു. അ​ധി​കസ​മ​യ​ത്തി​ന്‍റെ ആ​ദ്യ​പ​കു​തി​യി​ല്‍ ഫെ​റാ​ന്‍ ടോ​റ​സി​ന്‍റെ (106-ാം മി​നി​റ്റ്) ബു​ള്ള​റ്റ് ഷോ​ട്ട് അ​ര്‍​ജ​ന്‍റൈ​ന്‍ വ​ല​യി​ല്‍. ആ ​ഒ​രൊ​റ്റ ഗോ​ളി​ല്‍ 1-0ന്‍റെ ​ജ​യ​വു​മാ​യി സ്‌​പെ​യി​ന്‍ ലോ​ക​ക​പ്പ് ട്രോ​ഫി​യി​ല്‍ ചും​ബി​ച്ചു. 2010ല്‍ ​ടി​ക്കി-​ടാ​ക്ക എ​ന്ന വ​ണ്‍ ട​ച്ച് പാ​സിം​ഗ് ഗെ​യി​മി​ലൂ​ടെ ലോ​കം കീ​ഴ​ട​ക്കി സ്‌​പെ​യി​ന്‍, ടി​ക്കി-​ടാ​ക്ക​യു​ടെ ന​വ പ​തി​പ്പി​ലൂ​ടെ ര​ണ്ടാ​മ​തും കാ​ല്‍​പ്പ​ന്ത് ലോ​ക​ത്തി​ന്‍റെ ത​ല​പ്പ​ത്ത്; ലാ ​റോ​ഹ​യു​ടെ ടി​ക്കി-​ടാ​ക്ക II...

ടി​ക്കി-​ടാ​ക്ക സൗ​ന്ദ​ര്യം

എ​തി​രാ​ളി​ക​ള്‍​ക്കു പ​ന്ത് ന​ല്‍​കാ​തെ നി​ശ​ബ്ദ​മാ​ക്കു​ക എ​ന്ന​താ​യി​രു​ന്നു സ്‌​പെ​യി​നി​ന്‍റെ ഈ ​ലോ​ക​ക​പ്പി​ലെ പ​ര​സ്യ​മാ​യ ത​ന്ത്രം. സെ​മി​യി​ല്‍ ഫ്രാ​ന്‍​സി​ന്‍റെ പ​വ​ര്‍ ഗെ​യി​മി​നെ കൃ​ത്യ​മാ​യി പൂ​ട്ടി​യാ​ണ് സ്‌​പെ​യി​ന്‍ കി​രീ​ടപോ​രാ​ട്ട​ത്തി​ന് എ​ത്തി​യ​ത്. മ​ത്സ​ര​ത്തി​ന്‍റെ തു​ട​ക്കം മു​ത​ല്‍ സ്‌​പെ​യി​ന്‍ പ​ന്തി​ന്‍റെ നി​യ​ന്ത്ര​ണം ഏ​റ്റെ​ടു​ത്തു. മാ​ര്‍​ക്ക് കു​ക്ക​റെ​യ്യ, റോ​ഡ്രി, പെ​ഡ്രൊ പൊ​റോ എ​ന്നി​വ​രി​ലൂ​ടെ തു​ട​ങ്ങി ഫെ​റാ​ന്‍ റൂ​യി​സ്, ഡാ​നി ഓ​ള്‍​മോ, അ​ലെ​ക്‌​സ് ബ​യെ​ന, ലാ​മി​ന്‍ യ​മാ​ല്‍ എ​ന്നി​വ​രി​ലൂ​ടെ മൈ​ക്ക​ല്‍ ഒ​യ​ര്‍​സ​ബാ​ലി​ല്‍ എ​ത്തി​നി​ല്‍​ക്കു​ന്ന​താ​യി​രു​ന്നു സ്പാ​നി​ഷ് ടീ​മി​ന്‍റെ ആ​ക്ര​മ​ണം. അ​ര്‍​ജ​ന്‍റൈ​ന്‍ ഗോ​ള്‍മു​ഖ​ത്തി​നു പു​റ​ത്ത് ത​മ്പ​ടി​ച്ചു​ള്ള ഹൈ​പ്ര​സിം​ഗ് ലാ ​റോ​ഹ തു​ട​ക്കം മു​ത​ല്‍ കാ​ഴ്ച​വ​ച്ചു.

സ്‌​പെ​യി​നി​ന്‍റെ ആ​ക്ര​മ​ണം ത​ട​യു​ന്ന​തി​ല്‍ 90 മി​നി​റ്റും അ​ര്‍​ജ​ന്‍റീ​ന വി​ജ​യി​ച്ചു. ഗോ​ള്‍ വ​ഴ​ങ്ങാ​ന്‍ അ​ര്‍​ജ​ന്‍റീ​ന കൂ​ട്ടാ​ക്കി​യി​ല്ല. അ​തി​ന്‍റെ പ്ര​ധാ​ന കാ​ര​ണം ഗോ​ള്‍ കീ​പ്പ​ര്‍ എ​മി​ലി​യാ​നൊ മാ​ര്‍​ട്ടി​നെ​സി​ന്‍റെ പ്ര​ക​ട​ന​മാ​യി​രു​ന്നു. നി​ശ്ചി​ത സ​മ​യ​വും ഇ​ഞ്ചു​റി ടൈ​മും പൂ​ര്‍​ത്തി​യാ​യ​പ്പോ​ള്‍ സ്‌​പെ​യി​ന്‍ തൊ​ടു​ത്ത​ത് 15 ഷോ​ട്ട്. അ​തി​ല്‍ ഒ​മ്പ​ത് എ​ണ്ണം ഓ​ണ്‍ ടാ​ര്‍​ഗ​റ്റ് ആ​യി​രു​ന്നു. അ​ര്‍​ജ​ന്‍റീ​ന​യ്ക്ക് ഒ​രു ഷോ​ട്ട് പോ​ലും തൊ​ടു​ക്കാ​നാ​യി​ല്ല.

ചു​വ​പ്പ് നി​ര്‍​ണാ​യ​ക​മാ​യി

മ​ത്സ​രം അ​ധി​കസ​മ​യ​ത്തേ​ക്ക് നീ​ണ്ട​പ്പോ​ള്‍ അ​ര്‍​ജ​ന്‍റീ​ന​യു​ടെ അം​ഗ​ബ​ലം പ​ത്താ​യി ചു​രു​ങ്ങി. ര​ണ്ടാം പ​കു​തി​യു​ടെ സ്റ്റോ​പ്പേ​ജ് ടൈ​മി​ല്‍ ര​ണ്ടാം മ​ഞ്ഞ​ക്കാ​ര്‍​ഡി​ലൂ​ടെ എ​ന്‍​സോ ഫെ​ര്‍​ണാ​ണ്ട​സ് മാ​ര്‍​ച്ചിം​ഗ് ഓ​ര്‍​ഡ​ര്‍ വാ​ങ്ങി​യ​താ​ണ് അ​ര്‍​ജ​ന്‍റീ​ന​യ്ക്കു വി​ന​യാ​യ​ത്. മ​ധ്യ​നി​ര​യി​ല്‍ അ​തു​വ​രെ പോ​രാ​ടി​യ എ​ന്‍​സോ പു​റ​ത്തു​പോ​യ​തും സ്‌​പെ​യി​നി​ന്‍റെ ഫീ​ല്‍​ഡി​ലെ പ​ത്ത് താ​ര​ങ്ങ​ള്‍​ക്കെ​തി​രേ ഒ​മ്പ​താ​യി ചു​രു​ങ്ങി​യ​തും അ​ര്‍​ജ​ന്‍റീ​ന​യു​ടെ പ്ര​തീ​ക്ഷ ത​കി​ടം മ​റി​ച്ചു.

മി​ന്നും ഗോ​ള്‍

അം​ഗ​ബ​ലം കു​റ​ഞ്ഞ​തോ​ടെ അ​ര്‍​ജ​ന്‍റീ​ന​യു​ടെ ക​രു​ത്തും ചോ​ര്‍​ന്നു. അ​തു​വ​രെ വി​യ​ര്‍​പ്പൊ​ഴു​ക്കി​യ താ​ര​ങ്ങ​ളു​ടെ കാ​ലു​ക​ള്‍ ത​ള​ര്‍​ച്ച​യി​ലേ​ക്ക്. ഈ ​ബ​ല​ഹീ​ന​ത 106-ാം മി​നി​റ്റി​ല്‍ സ്‌​പെ​യി​ന്‍ മു​ത​ലാ​ക്കി. പെ​ഡ്രൊ പൊ​റോ ബോ​ക്‌​സി​ന്‍റെ വ​ല​ത് കോ​ണി​നു പു​റ​ത്തു​നി​ന്ന് പ​ന്ത് ഉ​യ​ര്‍​ത്തി ന​ല്‍​കി​യ​ത് ഇ​ട​ത് ഗോ​ള്‍ പോ​സ്റ്റി​ന്‍റെ ക്ലോ​സ് റേ​ഞ്ചി​ലേ​ക്ക്. പൊ​റോ​യു​ടെ ഹൈ ​പാ​സ് നി​ക്കൊ വി​ല്യം​സ് ഹെ​ഡ് ചെ​യ്തു ന​ല്‍​കി​യ​ത് ഫെ​റാ​ന്‍ ടോ​റ​സി​ന്‍റെ പാ​ക​ത്തി​ന്. ടോ​റ​സി​ന്‍റെ ക​രു​ത്തു​റ്റ ഷോ​ട്ട് അ​ര്‍​ജ​ന്‍റൈ​ന്‍ ഗോ​ള്‍വ​ല​യു​ടെ മേ​ല്‍​ത്ത​ട്ടി​ല്‍. അ​തു​ മ​തി​യാ​യി​രു​ന്നു സ്‌​പെ​യി​നി​നു ട്രോ​ഫി​യി​ല്‍ ചും​ബി​ക്കാ​ന്‍.

113-ാം മി​നി​റ്റി​ല്‍ സ്‌​പെ​യി​ന്‍ വീ​ണ്ടും അ​ര്‍​ജ​ന്‍റൈ​ന്‍ വ​ല കു​ലു​ക്കി. എ​ന്നാ​ല്‍, ഓ​ഫ് സൈ​ഡ് ഫ്‌​ളാ​ഗ് ഉ​യ​ര്‍​ന്ന​തോ​ടെ റ​ഫ​റി ഗോ​ള്‍ നി​ഷേ​ധി​ച്ചു. നി​ശ്ചി​ത സ​മ​യ​ത്തും സ​മാ​ന​മാ​യ രീ​തി​യി​ല്‍ സ്‌​പെ​യി​നി​ന്‍റെ ഗോ​ള്‍ നി​ഷേ​ധി​ക്ക​പ്പെ​ട്ടി​രു​ന്നു.

അ​ന്ന് ഇ​നി​യെ​സ്റ്റ, ഇ​ന്ന് ടോ​റ​സ്

ഫി​ഫ ലോ​ക​ക​പ്പി​ല്‍ സ്‌​പെ​യി​ന്‍ ര​ണ്ടു ത​വ​ണ ഫൈ​ന​ല്‍ ക​ളി​ച്ചു. ര​ണ്ടി​ലും കി​രീ​ടം സ്വ​ന്ത​മാ​ക്കി. ര​ണ്ട് ത​വ​ണ​യും അ​ധി​കസ​മ​യ ഗോ​ളി​ലാ​യി​രു​ന്നു കി​രീ​ടനേ​ട്ടം എ​ന്ന​തും ശ്ര​ദ്ധേ​യം.

നെ​ത​ര്‍​ല​ന്‍​ഡ്‌​സി​ന് എ​തി​രാ​യ 2010 ലോ​ക​ക​പ്പ് ഫൈ​ന​ലി​ന്‍റെ 116-ാം മി​നി​റ്റി​ല്‍ ആ​ന്ദ്രെ ഇ​നി​യെ​സ്റ്റ​യാ​യി​രു​ന്നു സ്‌​പെ​യി​നി​ന്‍റെ വി​ജ​യഗോ​ള്‍ നേ​ടി​യ​ത്. 16 വ​ര്‍​ഷ​ത്തി​നു​ശേ​ഷം ആ ​നി​യോ​ഗം നി​ര്‍​വ​ഹി​ച്ച​ത് 106-ാം മി​നി​റ്റി​ല്‍ ഫെ​റാ​ന്‍ ടോ​റ​സും...

Tags : Spain FIFAWorldCup Football Soccer WorldCup2026 Sports SportsNews Highlights