18

കൊ​ച്ചി: ആ​ഗോ​ള​ത​ല​ത്തി​ൽ എ​ബോ​ള വൈ​റ​സ് വ്യാ​പ​നം ആ​ശ​ങ്ക ഉ​യ​ർ​ത്തു​ന്ന സാ​ഹ​ച​ര്യ​ത്തി​ൽ കൊ​ച്ചി നെ​ടു​മ്പാ​ശ്ശേ​രി അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ മു​ൻ​ക​രു​ത​ൽ ന​ട​പ​ടി​ക​ൾ ക​ർ​ശ​ന​മാ​ക്കി. ലോ​കാ​രോ​ഗ്യ സം​ഘ​ട​ന​യു​ടെ മു​ന്ന​റി​യി​പ്പി​ന് പി​ന്നാ​ലെ കേ​ന്ദ്ര ആ​രോ​ഗ്യ മ​ന്ത്രാ​ല​യം പു​റ​പ്പെ​ടു​വി​ച്ച ക​ടു​ത്ത ജാ​ഗ്ര​താ നി​ർ​ദേ​ശ​ത്തി​ന്‍റെ അ​ടി​സ്ഥാ​ന​ത്തി​ലാ​ണ് വി​മാ​ന​ത്താ​വ​ള ഹെ​ൽ​ത്ത് ഓ​ർ​ഗ​നൈ​സേ​ഷ​ന്‍റെ നേ​തൃ​ത്വ​ത്തി​ൽ പ​രി​ശോ​ധ​ന​ക​ൾ ശ​ക്ത​മാ​ക്കി​യ​ത്.

നി​ല​വി​ൽ ഇ​ന്ത്യ​യി​ൽ ഒ​രി​ട​ത്തും എ​ബോ​ള കേ​സു​ക​ൾ റി​പ്പോ​ർ​ട്ട് ചെ​യ്തി​ട്ടി​ല്ലെ​ന്നും വി​മാ​ന​ത്താ​വ​ള​ങ്ങ​ളി​ലെ പ​രി​ശോ​ധ​ന​ക​ൾ മു​ൻ​ക​രു​ത​ലി​ന്‍റെ ഭാ​ഗം മാ​ത്ര​മാ​ണെ​ന്നും അ​ധി​കൃ​ത​ർ വ്യ​ക്ത​മാ​ക്കി. എ​ബോ​ള ബാ​ധി​ത പ്ര​ദേ​ശ​ങ്ങ​ളാ​യ ഡെ​മോ​ക്രാ​റ്റി​ക് റി​പ്പ​ബ്ലി​ക് ഓ​ഫ് കോം​ഗോ, ഉ​ഗാ​ണ്ട, ദ​ക്ഷി​ണ സു​ഡാ​ൻ എ​ന്നീ രാ​ജ്യ​ങ്ങ​ളി​ൽ നി​ന്ന് നേ​രി​ട്ടോ അ​ല്ലാ​തെ​യോ എ​ത്തു​ന്ന യാ​ത്ര​ക്കാ​രെ പ്ര​ത്യേ​കം നി​രീ​ക്ഷി​ക്കും.

ഈ ​രാ​ജ്യ​ങ്ങ​ളി​ൽ നി​ന്ന് വ​രു​ന്ന യാ​ത്ര​ക്കാ​ർ​ക്ക് പ​നി, ക​ടു​ത്ത ക്ഷീ​ണം, ത​ല​വേ​ദ​ന, പേ​ശി വേ​ദ​ന, ഛർ​ദി, വ​യ​റി​ള​ക്കം, തൊ​ണ്ട​വേ​ദ​ന, അ​ല്ലെ​ങ്കി​ൽ അ​കാ​ര​ണ​മാ​യ ര​ക്ത​സ്രാ​വം എ​ന്നീ ല​ക്ഷ​ണ​ങ്ങ​ൾ ഉ​ണ്ടെ​ങ്കി​ൽ ഇ​മി​ഗ്രേ​ഷ​ൻ ക്ലി​യ​റ​ൻ​സി​ന് മു​ൻ​പാ​യി എ​യ​ർ​പോ​ർ​ട്ട് ഹെ​ൽ​ത്ത് ഡെ​സ്കി​ൽ നി​ർ​ബ​ന്ധ​മാ​യും റി​പ്പോ​ർ​ട്ട് ചെ​യ്യ​ണം. രോ​ഗ​ബാ​ധി​ത​രു​മാ​യി നേ​രി​ട്ട് സ​മ്പ​ർ​ക്ക​മു​ണ്ടാ​യ​വ​രും വി​വ​രം അ​റി​യി​ക്ക​ണം.

എ​ബോ​ള വൈ​റ​സി​ന്‍റെ ഇ​ൻ​കു​ബേ​ഷ​ൻ പി​രീ​ഡ് ര​ണ്ട് മു​ത​ൽ 21 ദി​വ​സം വ​രെ​യാ​യ​തി​നാ​ൽ, ഹൈ-​റി​സ്ക് രാ​ജ്യ​ങ്ങ​ളി​ൽ നി​ന്നെ​ത്തി 21 ദി​വ​സ​ത്തി​ന​കം ല​ക്ഷ​ണ​ങ്ങ​ൾ കാ​ണി​ക്കു​ന്ന​വ​ർ ആ​രോ​ഗ്യ​വ​കു​പ്പി​നെ വി​വ​രം അ​റി​യി​ച്ച് ചി​കി​ത്സ തേ​ട​ണം. കേ​ര​ള​ത്തി​ലെ​ത്തു​ന്ന ഇ​ത്ത​രം യാ​ത്ര​ക്കാ​രെ 21 ദി​വ​സ​ത്തെ ക​ർ​ശ​ന ആ​രോ​ഗ്യ നി​രീ​ക്ഷ​ണ​ത്തി​ന് വി​ധേ​യ​മാ​ക്കു​മെ​ന്ന് സം​സ്ഥാ​ന ആ​രോ​ഗ്യ​വ​കു​പ്പും അ​റി​യി​ച്ചി​ട്ടു​ണ്ട്.

എ​ബോ​ള ബാ​ധി​ത രാ​ജ്യ​ങ്ങ​ളി​ൽ നി​ന്നു​ള്ള ട്രാ​ൻ​സി​റ്റ് യാ​ത്ര​ക്കാ​ർ ഉ​ൾ​പ്പെ​ടെ​യു​ള്ള​വ​ർ​ക്കാ​യി ഇ​ൻ-​ഫ്ലൈ​റ്റ് അ​നൗ​ൺ​സ്‌​മെ​ന്‍റു​ക​ൾ ന​ട​ത്താ​നും സെ​ൽ​ഫ് ഡി​ക്ല​റേ​ഷ​ൻ ഫോ​മു​ക​ൾ പൂ​രി​പ്പി​ച്ചു വാ​ങ്ങാ​നും എ​യ​ർ​ലൈ​നു​ക​ൾ​ക്ക് നി​ർ​ദേ​ശം ന​ൽ​കി. നെ​ടു​മ്പാ​ശ്ശേ​രി​ക്ക് പു​റ​മേ സം​സ്ഥാ​ന​ത്തെ മ​റ്റ് മൂ​ന്ന് അ​ന്താ​രാ​ഷ്ട്ര വി​മാ​ന​ത്താ​വ​ള​ങ്ങ​ളി​ലും നി​രീ​ക്ഷ​ണ കൗ​ണ്ട​റു​ക​ളും ഐ​സൊ​ലേ​ഷ​ൻ വാ​ർ​ഡു​ക​ളും സ​ജ്ജ​മാ​ക്കി​യി​ട്ടു​ണ്ട്.

Tags : Ebola Kerala African Countries CIAL Latest News