കൊച്ചി: കേരള ലേബര് മൂവ്മെന്റ് (കെഎല്എം) സംസ്ഥാന കമ്മിറ്റിയുടെയും കേരള ഡൊമസ്റ്റിക് വര്ക്കേഴ്സ് ഫോറത്തിന്റെയും ആഭിമുഖ്യത്തിൽ അന്താരാഷ്ട്ര ഗാര്ഹിക തൊഴിലാളി ദിനാചരണം പിഒസിയിൽ സംഘടിപ്പിച്ചു. ഉമാ തോമസ് എംഎൽഎ ഉദ്ഘാടനം ചെയ്തു.
ഡൊമസ്റ്റിക് വര്ക്കേഴ്സ് ഫോറം സംസ്ഥാന പ്രസിഡന്റ് അഞ്ജലി സൈറസ് അധ്യക്ഷത വഹിച്ചു.
കെസിബിസി ഡെപ്യൂട്ടി സെക്രട്ടറി ഫാ. തോമസ് തറയില് അനുഗ്രഹപ്രഭാഷണം നടത്തി.
കെഎല്എം സംസ്ഥാന പ്രസിഡന്റ് ജോസ് മാത്യു ഊക്കന്, ഡയറക്ടര് ഫാ. അരുണ് വലിയതാഴത്ത്, യുടിഎ സംസ്ഥാന ചെയര്മാന് ജോസഫ് ജൂഡ്, കെഎല്എം സംസ്ഥാന ജനറല് സെക്രട്ടറി ഡിക്സന് മനീക്ക്, സംസ്ഥാന ട്രഷറര് തോമസ് മാത്യു, യുടിഎ കണ്വീനര് ബാബു തണ്ണിക്കോട്ട്, ബെറ്റ്സി ബ്ലെയ്സ്, റോസമ്മ, സിസ്റ്റര് ലീന എന്നിവർ പ്രസംഗിച്ചു. ഡോ. കൊച്ചുറാണി ജോസഫ് ക്ലാസ് നയിച്ചു. ഫോറം സംസ്ഥാന ഭാരവാഹികളെ സമ്മേളനത്തിൽ തെരഞ്ഞെടുത്തു.
Tags : Domestic Workers' Day celebrated POC