21

കൊച്ചി: ഓപ്പറേഷന്‍ തണ്ടറിന്‍റെ ഭാഗമായി നടന്ന പരിശോധനയില്‍ കോതമംഗലത്ത് കഞ്ചാവുമായി ഒരാള്‍ അറസ്റ്റില്‍. കോതമംഗലം പീസ് വാലിക്ക് സമീപം 314 ഭാഗത്ത് വച്ചാണ് വെസ്റ്റ് ബംഗാള്‍, മുര്‍ഷിദാബാദ് സ്വദേശി എസ്.കെ. മുതുള്‍ എന്നയാളെ 1.305 കിലോഗ്രാം ഉണക്ക കഞ്ചാവുമായി പിടിയിലായത്.

പ്രദേശവാസികളായ അന്യസംസ്ഥാന തൊഴിലാളികള്‍ക്കിടയില്‍ വില്‍പ്പന നടത്തുന്നതിനായി കൊണ്ടു വന്ന കഞ്ചാവ് ആണിത്. എക്‌സൈസ് ഇന്‍സ്‌പെക്ടര്‍ എം.പി. പ്രമോദിന്‍റെ നേതൃത്വത്തില്‍ നടത്തിയ പരിശോധനയിലാണ് പ്രതി പിടിയിലായത്.

എക്‌സൈസ് വാഹനം കണ്ട് ഓടി രക്ഷപ്പെടാന്‍ ശ്രമിച്ച പ്രതിയെ പിന്തുടര്‍ന്ന് പിടികൂടുകയായിരുന്നു. കഞ്ചാവ് ഷോള്‍ഡര്‍ ഭാഗില്‍ സൂക്ഷിച്ച നിലയില്‍ ആയിരുന്നു. പ്രദേശത്ത് പകല്‍ സമയത്ത് പോലീസിന്‍റെയും എക്‌സൈസിന്‍റെയും പരിശോധനകള്‍ നടക്കുന്ന സാഹചര്യത്തിലാണ് ഇയാള്‍ രാത്രിയില്‍ കഞ്ചാവ് വില്‍ക്കാന്‍ എത്തിയത്.

മേയ്, ജൂണ്‍ മാസങ്ങളിലായി കോതമംഗലം റേഞ്ച് ഓഫീസില്‍ മാത്രം 39 എന്‍ഡിപിഎസ് കേസ് രജിസ്റ്റര്‍ ചെയ്യുകയും 36 പ്രതികളെ അറസ്റ്റ് ചെയ്തിട്ടുണ്ട്. ഇതില്‍ നാലു പ്രതികള്‍ റിമാന്‍ഡില്‍ തുടരുന്നുണ്ടെന്നും എക്‌സൈസ് ഇന്‍സ്‌പെക്ടര്‍ എം.പി. പ്രമോദ് പറഞ്ഞു.

പരിശോധനയില്‍ അസിസ്റ്റന്‍റ് എക്‌സൈസ് ഇന്‍സ്പെക്ടര്‍ എ.ഇ. സിദ്ധിക്ക്, പ്രിവന്‍റീവ് ഓഫീസര്‍മാരായ വി.എ. ഷെമീര്‍, പി.ബി. ലിബു, കെ.എ. റസാഖ്, സിവില്‍ എക്‌സൈസ് ഓഫീസര്‍മാരായ പി.എം. ഉബൈസ്, വി.ഐ. ബിന്‍സാര്‍ എന്നിവരും പങ്കെടുത്തു.

Tags : Excise ganja escape Arrest