18

കൊ​ച്ചി: കേ​ര​ള നി​യ​മ​സ​ഭാ തെ​ര​ഞ്ഞെ​ടു​പ്പി​നു​ള്ള എ​ൻ​ഡി​എ​യു​ടെ പ്ര​ക​ട​ന​പ​ത്രി​ക പു​റ​ത്തി​റ​ക്കി. 'മോ​ദി ഗ്യാ​ര​ണ്ടി' എ​ന്ന മു​ദ്രാ​വാ​ക്യം മു​ൻ​നി​ർ​ത്തി വി​ക​സ​ന​ത്തി​നും ക്ഷേ​മ​ത്തി​നും ഊ​ന്ന​ൽ ന​ൽ​കു​ന്ന വാ​ഗ്ദാ​ന​ങ്ങ​ളാ​ണ് ബി​ജെ​പി ന​യി​ക്കു​ന്ന മു​ന്ന​ണി മു​ന്നോ​ട്ടു​വെ​ച്ചി​രി​ക്കു​ന്ന​ത്. ബിജെപി ദേശീയ അധ്യക്ഷൻ നിതിൻ നബീന്‍റെ സാ​ന്നി​ധ്യ​ത്തി​ൽ തിരുവനന്തപുരത്ത് ന​ട​ന്ന ച​ട​ങ്ങി​ലാ​ണ് പ​ത്രി​ക പ്ര​കാ​ശ​നം ചെ​യ്ത​ത്.

ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ, തിരുവനന്തപുരം കോർപ്പറേഷൻ മേയർ വി.വി. രാജേഷ്, എൻഡിഎ സംസ്ഥാന കൺവീനർ തുഷാർ വെള്ളാപ്പള്ളി, ട്വന്‍റി ട്വന്‍റി പ്രസിഡന്‍റ് സാബു എം ജേക്കബ് തുടങ്ങിയ നേതാക്കളും ചടങ്ങിൽ പങ്കെടുത്തു.

സം​സ്ഥാ​ന​ത്ത് ആ​രും പ​ട്ടി​ണി കി​ട​ക്കാ​ത്ത സാ​ഹ​ച​ര്യം ഉ​റ​പ്പാ​ക്കാ​ൻ പ്ര​ത്യേ​ക പ​ദ്ധ​തി​ക​ൾ ആ​വി​ഷ്ക​രി​ക്കും. കു​റ​ഞ്ഞ നി​ര​ക്കി​ൽ ഭ​ക്ഷ​ണം ല​ഭ്യ​മാ​ക്കു​ന്ന ജ​ന​കീ​യ ഹോ​ട്ട​ലു​ക​ളു​ടെ വി​പു​ലീ​ക​ര​ണം, കേ​ര​ളം നേ​രി​ടു​ന്ന പ്ര​ധാ​ന വെ​ല്ലു​വി​ളി​യാ​യ ല​ഹ​രി മാ​ഫി​യ​യെ അ​ടി​ച്ച​മ​ർ​ത്താ​ൻ പ്ര​ത്യേ​ക 'ആ​ന്‍റി നാ​ർ​ക്കോ​ട്ടി​ക് ടാ​സ്ക് ഫോ​ഴ്സ്, വി​ദ്യാ​ല​യ​ങ്ങ​ളും തൊ​ഴി​ലി​ട​ങ്ങ​ളും കേ​ന്ദ്രീ​ക​രി​ച്ച് ക​ർ​ശ​ന നി​രീ​ക്ഷ​ണം, 

നി​ല​വി​ലു​ള്ള ക്ഷേ​മ പെ​ൻ​ഷ​നു​ക​ളുടെ വ​ർ​ധനവ്, ക്ഷേമ പെൻഷനുകളുടെ കൃ​ത്യ​മായ വിതരണം, റ​ബ്ബ​ർ ക​ർ​ഷ​ക​ർ​ക്കും നെ​ൽ​ക​ർ​ഷ​ക​ർ​ക്കും താ​ങ്ങു​വി​ല വ​ർ​ധി​പ്പി​ക്കൽ, വ​ന്യ​ജീ​വി ആ​ക്ര​മ​ണ​ങ്ങ​ളി​ൽ നി​ന്ന് ക​ർ​ഷ​ക​രെ സം​ര​ക്ഷി​ക്കാ​ൻ ശാ​ശ്വ​ത പ​രി​ഹാ​രം തുടങ്ങിയവയൊക്കെയാണ് എൻഎഡിഎ പ്രകടനപത്രികയിലെ പ്രധാന വാഗ്‌ദാനങ്ങൾ. 

അ​ടി​സ്ഥാ​ന സൗ​ക​ര്യ വി​ക​സ​ന​ത്തി​ന് കേ​ന്ദ്ര സ​ഹാ​യ​ത്തോ​ടെ വ​ൻ പ​ദ്ധ​തി​ക​ൾ ന​ട​പ്പി​ലാ​ക്കും. തൊ​ഴി​ലി​ല്ലാ​യ്മ പ​രി​ഹ​രി​ക്കാ​ൻ പു​തി​യ വ്യ​വ​സാ​യ പാ​ർ​ക്കു​ക​ൾ ആ​രം​ഭി​ക്കും. ശ​ബ​രി​മ​ല​യി​ലെ ആ​ചാ​ര സം​ര​ക്ഷ​ണ​ത്തി​നാ​യി പ്ര​ത്യേ​ക നി​യ​മ​നി​ർ​മാ​ണം ന​ട​ത്തും തുടങ്ങിയ വാഗ്‌ദാനങ്ങളും എൻഡിഎ പ്രകടന പത്രിക‍യലുണ്ട്. 

Tags : BJP NDA manifesto Elections Latest News