13

തി​രു​വ​ന​ന്ത​പു​രം: മെ​സി​യെ കേ​ര​ള​ത്തി​ൽ എ​ത്തി​ക്കു​ന്ന​തു​മാ​യി ബ​ന്ധ​പ്പെ​ട്ട് ന​ട​ന്ന ക്ര​മ​ക്കേ​ടു​ക​ളെ​ക്കു​റി​ച്ചു​ള്ള കാ​യി​ക വ​കു​പ്പ് സ്‌​പെ​ഷ്യ​ൽ സെ​ക്ര​ട്ട​റി​യു​ടെ അ​ന്വേ​ഷ​ണ റി​പ്പോ​ർ​ട്ട് ഇ​ന്ന് ചേ​രു​ന്ന മ​ന്ത്രി​സ​ഭാ യോ​ഗം ച​ർ​ച്ച ചെ​യ്യും. മു​ൻ കാ​യി​ക മ​ന്ത്രി​യു​ടെ നേ​രി​ട്ടു​ള്ള ഇ​ട​പെ​ട​ലി​ലൂ​ടെ സ​ർ​ക്കാ​ർ സം​വി​ധാ​ന​ങ്ങ​ൾ ദു​രു​പ​യോ​ഗം ചെ​യ്തു​വെ​ന്ന് റി​പ്പോ​ർ​ട്ടി​ൽ വ്യ​ക്ത​മാ​യി ചൂ​ണ്ടി​ക്കാ​ട്ടു​ന്നു​ണ്ട്. ഈ ​ക​ണ്ടെ​ത്ത​ലു​ക​ളു​ടെ അ​ടി​സ്ഥാ​ന​ത്തി​ൽ വി​ഷ​യ​ത്തി​ൽ സ​മ​ഗ്ര​മാ​യ തു​ട​ര​ന്വേ​ഷ​ണം പ്ര​ഖ്യാ​പി​ക്കാ​നാ​ണ് സാ​ധ്യ​ത. 

സ്പോ​ൺ​സ​ർ​മാ​രാ​യി റി​പ്പോ​ർ​ട്ട​ർ ക​മ്പ​നി​യെ തെ​ര​ഞ്ഞെ​ടു​ത്ത​ത് മു​ത​ൽ സ്റ്റേ​ഡി​യം കൈ​മാ​റ്റം വ​രെ​യു​ള്ള ന​ട​പ​ടി​ക​ളി​ൽ ഗു​രു​ത​ര​മാ​യ ച​ട്ട​ലം​ഘ​ന​ങ്ങ​ൾ ന​ട​ന്ന​താ​യി അ​ന്വേ​ഷ​ണ​ത്തി​ൽ തെ​ളി​ഞ്ഞി​ട്ടു​ണ്ട്. സ​ർ​ക്കാ​രി​ന് ക​ന​ത്ത സാ​മ്പ​ത്തി​ക ന​ഷ്ട​വും ബാ​ധ്യ​ത​ക​ളും വ​രു​ത്തി​വെ​ച്ച ഈ ​ഇ​ട​പാ​ടു​ക​ൾ കാ​യി​ക​രം​ഗ​ത്ത് കേ​ര​ള​ത്തി​ന്‍റെ വി​ശ്വാ​സ്യ​ത​യെ ത​ന്നെ പ്ര​തി​കൂ​ല​മാ​യി ബാ​ധി​ച്ചു. സ്വ​കാ​ര്യ ക​രാ​ർ ത​ർ​ക്ക​ങ്ങ​ളി​ൽ സം​സ്ഥാ​ന സ​ർ​ക്കാ​രി​നെ ക​ക്ഷി​യാ​ക്കി​യ​തും കേ​ന്ദ്ര ഏ​ജ​ൻ​സി​ക​ളു​ടെ ഇ​ട​പെ​ട​ലു​ക​ൾ​ക്ക് വ​ഴി​വെ​ച്ച​തും ഭ​ര​ണ​സം​വി​ധാ​ന​ത്തി​ന് വ​ലി​യ തി​രി​ച്ച​ടി​യാ​യി.

അ​തേ​സ​മ​യം, ഇ​ട​പാ​ടു​ക​ളി​ൽ ക്ര​മ​ക്കേ​ടു​ക​ൾ ന​ട​ന്നി​ട്ടി​ല്ലെ​ന്നും ഇ​പ്പോ​ൾ പു​റ​ത്തു​വ​രു​ന്ന വാ​ർ​ത്ത​ക​ൾ മ​റ്റ് വി​ഷ​യ​ങ്ങ​ളി​ൽ നി​ന്ന് ശ്ര​ദ്ധ തി​രി​ക്കാ​നാ​ണെ​ന്നും മു​ൻ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ പ്ര​തി​ക​രി​ച്ചു. കാ​ര്യ​ങ്ങ​ളി​ൽ അ​ന്ന​ത്തെ കാ​യി​ക​മ​ന്ത്രി ത​ന്നെ കൂ​ടു​ത​ൽ വ്യ​ക്ത​ത വ​രു​ത്തു​മെ​ന്നും ഔ​ദ്യോ​ഗി​ക​മാ​യി ക​ത്തു​ക​ളൊ​ന്നും ല​ഭി​ച്ചി​ട്ടി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. എ​ന്നാ​ൽ, അ​ന്വേ​ഷ​ണ റി​പ്പോ​ർ​ട്ടി​ലെ പു​തി​യ വി​വ​ര​ങ്ങ​ൾ പു​റ​ത്തു​വ​ന്ന​തോ​ടെ സ​ർ​ക്കാ​രി​ന് സാ​മ്പ​ത്തി​ക ബാ​ധ്യ​ത​യി​ല്ലെ​ന്ന വാ​ദ​ങ്ങ​ൾ പൂ​ർ​ണ​മാ​യും പൊ​ളി​യു​ക​യാ​ണ്.

Tags : Kerala Cabinet Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash