19

ആലുവ: ബസില്‍നിന്ന് കളഞ്ഞുകിട്ടിയ സ്വര്‍ണമാല ഉടമയ്ക്ക് തിരിച്ചുനല്‍കി ആലുവയിലെ കെഎസ്ആര്‍ടിസി കണ്ടക്ടര്‍. ആലുവ പറവൂര്‍ സര്‍വീസ് ബസിലെ കണ്ടക്ടര്‍ കൊട്ടാരക്കര സ്വദേശി അജികുമാറിനാണ് മാല സീറ്റിനടിയില്‍ നിന്ന് പറവൂര്‍ എത്താറായപ്പോള്‍ കിട്ടിയത്.

ആലുവ - പറവൂര്‍കവല മണപ്പുറം റോഡില്‍ അര്‍ച്ചനാസ് ബ്യൂട്ടി പാര്‍ലര്‍ ജീവനക്കാരി കൂത്താട്ടുകുളം പെരുമ്പിള്ളിക്കുന്നേല്‍ കൃഷ്‌ണേന്ദു ഷാജിയുടെ ആറ് ഗ്രാമിന്‍റെ മാലയാണ് ബസില്‍ നഷ്ടമായത്. മാല നഷ്ടപ്പെട്ടു എന്ന പരാതിയുമായി കൃഷ്‌ണേന്ദു ഡിപ്പോയിലെത്തി.

യാത്രചെയ്ത ടിക്കറ്റും ഹാജരാക്കിയപ്പോഴാണ് കണ്ടക്ടര്‍ അജികുമാര്‍ ഉടമ കൃഷ്ണന്ദുവിന് കൈമാറിയത്. ആലുവയില്‍ വച്ച് തന്നെ ഊരിപ്പോയ മാല പറവൂരില്‍ ബസ് എത്തുന്നത് വരെ ആരുടേയും ശ്രദ്ധയില്‍ പെടാതിരുന്നതാണ് ഭാഗ്യമായത്.

Tags : KSRTC conductor gold necklace passenger