18

തി​രു​വ​ന​ന്ത​പു​രം: മു​ഖ്യ​മ​ന്ത്രി ഉ​ൾ​പ്പെ​ടെ​യു​ള​ള മ​ന്ത്രി​മാ​ർ ഓ​ഫീ​സി​ൽ അ​ങ്ങ​നെ എ​ത്തു​ന്നി​ല്ല, ഉ​ദ്യോ​ഗ​സ്ഥ​രാ​ക​ട്ടെ ഓ​ഫീ​സു​ക​ൾ ഒ​ഴി​യാ​നു​ള്ള ത​ത്ര​പ്പാ​ടി​ലും. ത​ല​സ്ഥാ​ന​ത്ത് ഇ​പ്പോ​ൾ ഇ​ല​പൊ​ഴി​യും കാ​ലം പോ​ലെ ഓ​ഫീ​സ് ഒ​ഴി​യും കാ​ല​മാ​ണ്.

ചെ​ന്നൈ​യി​ലെ ക​ണ്ണു​ചി​കി​ത്സ​യ്ക്കു ശേ​ഷം മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ക്ലി​ഫ്ഹൗ​സി​ൽ വി​ശ്ര​മ​ത്തി​ലാ​ണ്. മ​ന്ത്രി​മാ​രൊ​ക്കെ അ​വ​ര​വ​രു​ടെ മ​ണ്ഡ​ല​ത്തി​ലും കു​ടും​ബ​ത്തി​ലു​മാ​ണ്. തി​രു​വ​ന​ന്ത​പു​രം ജി​ല്ല​ക്കാ​രാ​യ മ​ന്ത്രി​മാ​ർ ജി.​ആ​ർ. അ​നി​ലും വി. ​ശി​വ​ൻ കു​ട്ടി​യും മാ​ത്ര​മാ​ണ് ഇ​ട​യ്ക്ക് ഓ​ഫീ​സി​ൽ എ​ത്തു​ന്ന​ത്.

മ​ന്ത്രി ശി​വ​ൻകു​ട്ടി തി​രു​വ​ന​ന്ത​പു​രം കോ​ർ​പ​റേ​ഷ​നു​മാ​യി സ്ഥി​ര​മാ​യി ഉ​ട​ക്കി​ലാ​യ​തി​നാ​ൽ ഇ​ട​ക്കി​ടെ പ​ത്ര​സ​മ്മേ​ള​നം ന​ട​ത്തു​ന്നു​ണ്ട്. വൈ​ദ്യു​തി വ​കു​പ്പ് ഇ​പ്പോ​ൾ വ​ലി​യ വാ​ർ​ത്താ ചൂ​ടി​ൽ അ​ക​പ്പെ​ട്ടെ​ങ്കി​ലും മ​ന്ത്രി കൃ​ഷ്ണ​ൻകു​ട്ടി ഓ​ഫീ​സ് വ​ര​വ് കു​റ​ച്ചു; കാ​മ​റ​യ്ക്ക് മു​ന്നി​ൽ വ​ര​വും ഇ​ല്ല.

സ്പീ​ക്ക​ർ എ​ൻ.​എം ഷം​സീ​ർ മാ​ത്ര​മാ​ണ് ഉ​ദ്ഘാ​ട​ന​ങ്ങ​ളി​ലൊ​ക്കെ സ​ജീ​വ​മാ​യു​ള്ള​ത്. ദി​വ​സ​വും പ​ത്തോ​ളം പ​ത്ര​സ​മ്മേ​ള​നം ന​ട​ന്നി​രു​ന്ന സെ​ക്ര​ട്ടേ​റി​യ​റ്റി​നു സ​മീ​പ​ത്തെ പ്ര​സ്സ് ക്ല​ബി​ലും ഒ​ട്ടും തി​ര​ക്കി​ല്ല. ഏ​പ്രി​ൽ 30 വ​രെ തു​ട​രാ​നാ​യി​രു​ന്നു ജീ​വ​ന​ക്കാ​ർ​ക്കു കി​ട്ടി​യ ഔ​ദ്യോ​ഗി​ക നി​ർ​ദേ​ശം. എ​ന്നാ​ൽ, മി​ക്ക​വ​രും വി​ട്ടു ക​ഴി​ഞ്ഞു.

ഡെ​പ്യൂ​ട്ടേ​ഷ​നി​ലു​ണ്ടാ​യി​രു​ന്ന​വ​ർ ക​ഴി​ഞ്ഞ ആ​ഴ്ച​യോ​ടെ മാ​തൃ​വ​കു​പ്പു​ക​ളി​ലേ​ക്കു തി​രി​കെ പോ​യി​രു​ന്നു. ബാ​ക്കി​യു​ള്ള​വ​രോ​ട് ഈ ​മാ​സം കൂ​ടി തു​ട​രാ​നാ​ണ് നി​ർ​ദ്ദേ​ശി​ച്ചി​രു​ന്നെ​ങ്കി​ലും. മ​ന്ത്രി​മാ​ർ ഓ​ഫീ​സി​ൽ വ​രാ​ത്ത​തി​നാ​ൽ ജീ​വ​ന​ക്കാ​ർ ലീ​വി​ലോ യാ​ത്ര​യി​ലോ ആ​ണ്.

ഒ​ന്നാം പി​ണ​റാ​യി സ​ർ​ക്കാ​രി​ന്‍റെ അ​വ​സാ​ന കാ​ല​ത്ത് ഇ​ങ്ങ​നെ​യൊ​രു കൂ​ട്ട വി​ട​വാ​ങ്ങ​ൽ ഇ​ല്ലാ​യി​രു​ന്നു​വെ​ന്ന​ത് രാഷ്‌ട്രീ​യ നി​രീ​ക്ഷ​ക​ർ കൗ​തു​ക​ത്തോ​ടെ​യാ​ണ് കാ​ണു​ന്ന​ത്. തി​ര​ത്തെ​ടു​പ്പ് ഫ​ല​ത്തെ കു​റി​ച്ചു​ള്ള അ​നി​ശ്ചി​ത​ത്വം സെ​ക്ര​ട്ടേ​റി​യ​റ്റി​നു ചു​റ്റും ഘ​നീ​ഭ​വി​ച്ചു നി​ൽ​ക്കു​ന്നു​ണ്ട്.

ഇ​നി ഇ​ട​തു​മു​ന്ന​ണി ത​ന്നെ അ​ധി​കാ​ര​ത്തി​ൽ വ​ന്നാ​ലും ഇ​പ്പോ​ഴു​ള്ള മ​ന്ത്രി​മാ​ർ​ക്കു വീ​ണ്ടും അ​വ​സ​രം ല​ഭി​ക്ക​ണ​മെ​ന്നി​ല്ലാ​ത്ത​തി​നാ​ലും ഉ​ദ്യോ​ഗ​സ്ഥ​രെ​യും മാ​റ്റാ​നി​ട​യു​ള്ള​തി​നാ​ലു​മാ​ണ് മ​ന്ത്രി മ​ന്ദി​ര​ങ്ങ​ളി​ൽനി​ന്നു കു​ടി​യൊ​ഴി​യു​ന്ന​തെ​ന്ന് വ്യാ​ഖ്യാ​നി​ക്കു​ന്ന​വ​രു​ണ്ടെ​ങ്കി​ലും സ​ത്യ​മ​ത​ല്ല.

ഇ​പ്പോ​ൾ ദൈ​നം​ദി​ന പ്ര​വ​ർ​ത്ത​ന​ങ്ങ​ൾ​ക്കു​ള്ള ഫ​യ​ലു​ക​ൾ മാ​ത​മാ​ണ് ബ​ന്ധ​പ്പെ​ട്ട സെ​ക്ഷ​നു​ക​ൾ കൈ​കാ​ര്യം ചെ​യ്യു​ന്ന​ത്. അ​തും തെ​ര​ഞ്ഞെ​ടു​പ്പ് പെ​രു​മാ​റ്റ ച​ട്ടം പാ​ലി​ച്ചു കൊ​ണ്ട് മാ​ത്രം. മ​ന്ത്രി​സ​ഭാ​യോ​ഗ​ങ്ങ​ളെ​ല്ലാം ഓ​ൺ​ലൈ​നാ​യാ​ണ് ചേ​രു​ന്ന​ത്.

അ​ടു​ത്ത മ​ന്ത്രി​സ​ഭ അ​ധി​കാ​ര​മേ​ൽ​ക്കു​ന്ന​തു വ​രെ നി​ല​വി​ലു​ള്ള മ​ന്ത്രി​മാ​ർ​ക്കു തു​ട​രാം. സാ​ധാ​ര​ണ മ​ന്ത്രി മ​ന്ദി​ര​ങ്ങ​ൾ വോ​ട്ടെ​ണ്ണ​ലി​നു ശേ​ഷ​മാ​ണ് ഒ​ഴി​യു​ക. ഇ​ക്കു​റി ഏ​റെ​ക്കു​റെ നേ​ര​ത്തെത​ന്നെ കൂ​ടൊ​ഴി​യ​ൽ തു​ട​ങ്ങി. വേ​ന​ൽ മ​ഴ​മേ​ഘ​ങ്ങ​ൾ ക​ന​ത്തു നി​ന്ന് മ്ലാ​ന​മാ​യ മൂ​ട​ൽ പ​ര​ത്തു​ന്നു​ണ്ട്. ; മ​ഴ എ​ങ്ങ​നെ പെ​യ്യു​മെ​ന്ന് ; സ്വ​ഭാ​വ​വും നി​റ​വു​മെ​ന്തെ​ന്ന് മേ​യ് നാ​ലി​ന് അ​റി​യാം.

Tags : assembly election kerala ministers officers leaving