മാനന്തവാടി: കൈതപ്പൊയില്‍ വാഹനാപകടത്തില്‍ പരിക്കേറ്റ് ചികിത്സയിലായിരുന്ന വയനാട് സ്വദേശി മരിച്ചു. അഞ്ചുകുന്ന് മാനാഞ്ചിറ ചക്കര റഷീദ്(51)ആണ് ഇന്നു പുലര്‍ച്ചെ കോഴിക്കോട് മെഡിക്കല്‍ കോളജ് ആശുപത്രിയില്‍ മരിച്ചത്.

നോളജ് സിറ്റി റോഡില്‍ ബുധനാഴ്ച രാത്രി ഏഴരയോടെയാണ് അപകടമുണ്ടായത്. റഷീദും ഭാര്യ റംലയും സഞ്ചരിച്ച സ്‌കൂട്ടര്‍ പിക്കപ്പ് വാനില്‍ ഇടിക്കുകയായിരുന്നു. പരിക്കേറ്റ റംല കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയിലാണ്.

Tags : Accident Wayanad Hospital Scooter