3

തിരുവനന്തപുരം: എസ്‌എഫ്ഐ തിരുവനന്തപുരം ജില്ലാ സെക്രട്ടറിയെ ഫോണിൽ വിളിച്ച് ഭീഷണിപ്പെടുത്തിയെന്ന പരാതിയിൽ കന്‍റോൺമെന്‍റ് എസ്‌ഐ ജി. ഗോകുലിനെതിരെ എസ്‌എഫ്‌ഐ ജില്ലാ കമ്മിറ്റി ഡിജിപിക്ക് പരാതി നൽകി.

വീടിലേക്ക് മാർച്ച് നടത്തിയാൽ പാർട്ടി ഓഫീസിൽ കയറി പിടികൂടുമെന്നും, ആഭ്യന്തരമന്ത്രിയുടെ നിർദേശം ഉള്ളതുകൊണ്ട് മാത്രമാണ് അറസ്റ്റ് നടപടികൾ നിർത്തിവച്ചിരിക്കുന്നതെന്നും എസ്‌ഐ ഫോണിലൂടെ ഭീഷണിപ്പെടുത്തുന്ന ശബ്ദരേഖ എസ്‌എഫ്ഐ നേതൃത്വം പുറത്തുവിട്ടു.

തിരുവനന്തപുരം യൂണിവേഴ്സിറ്റി കോളജ് ഹോസ്റ്റലിലുണ്ടായ സംഘർഷത്തെ തുടർന്ന് എസ്‌എഫ്ഐ നേതാക്കൾക്കെതിരെ കേസെടുക്കുകയും തുടർന്ന് പൊലിസിന്‍റെ ലാത്തിച്ചാർജ് ഉണ്ടാകുകയും ചെയ്തിരുന്നു.

ഇതിൽ കന്‍റോൺമെന്‍റ് സിഐക്കും എസ്‌ഐക്കുമെതിരെ നടപടി ആവശ്യപ്പെട്ടാണ് എസ്‌എഫ്ഐ ശബ്ദരേഖ പുറത്തുവിട്ടത്. സംഭവത്തിൽ ശബ്ദരേഖയെക്കുറിച്ച് അന്വേഷിക്കാൻ തിരുവനന്തപുരം സിറ്റി പൊലിസ് കമ്മീഷണർക്ക് എഡിജിപി പി. വിജയൻ നിർദേശം നൽകിയിട്ടുണ്ട്.

Tags : Threatening PhoneCall Gokul Complaint Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash