വൈ​ക്കം കാ​യ​ലോ​ര ബീ​ച്ചി​ൽ സ​ന്ദ​ർ​ശ​ക​ർക്കു പ​ക​ൽ നി​രോ​ധ​നം; വി​ല​ക്കു ലം​ഘി​ച്ച് ആ​ളെ​ത്തു​ന്നു
Saturday, May 4, 2024 7:27 AM IST
വൈ​ക്കം: ചൂ​ടു വ​ർ​ധി​ക്കു​ന്ന​ത് ക​ണ​ക്കി​ലെ​ടു​ത്ത് വൈ​ക്കം കാ​യ​ലോ​ര ബീ​ച്ചി​ൽ രാ​വി​ലെ 10 മു​ത​ൽ നാ​ലു​വ​രെ കാ​യി​ക മ​ത്സ​ര​ങ്ങ​ൾ നി​രോ​ധി​ച്ച​താ​യി ന​ഗ​ര​സ​ഭാ ചെ​യ​ർ​പേ​ഴ്സ​ൺ പ്രീ​ത രാ​ജേ​ഷ് അ​റി​യി​ച്ചു.

രാ​വി​ലെ 10 നു ​മു​മ്പും വൈ​കു​ന്നേ​രം നാ​ലി​നു ശേ​ഷ​വും കാ​യ​ലോ​ര ബീ​ച്ചി​ൽ പ്ര​വേ​ശ​നം അ​നു​വ​ദി​ക്കും. ക​ഴി​ഞ്ഞ​ദി​വ​സം കാ​യ​ലോ​ര ബീ​ച്ചി​ൽ ക്രി​ക്ക​റ്റ് ക​ളി​ക്കു​ന്ന​തി​നി​ടെ ത​ല​യോ​ല​പ്പ​റ​മ്പ് ത​ല​പ്പാ​റ സ്വ​ദേ​ശി​യാ​യ യു​വാ​വ് കു​ഴ​ഞ്ഞു​വീ​ണു മ​രി​ച്ച​തി​ന്‍റെ അ​ടി​സ്ഥാ​ന​ത്തി​നാ​ണ് കാ​യ​ലോ​ര​ബീ​ച്ചി​ൽ പ്ര​വേ​ശ​നം പ​രി​മി​ത​പ്പെ​ടു​ത്തി​യ​ത്.

വൈ​ക്കം ബോ​ട്ടു​ജെ​ട്ടി​ക്ക് സ​മീ​പ​ത്തു​ള്ള കാ​യ​ലോ​ര ബീ​ച്ചി​ന് ഏ​ഴു കി​ലോ​മീ​റ്റ​ർ വി​സ്തൃ​തി​യാ​ണു​ള്ള​ത്. പൊ​തു​ക​ളി​സ്ഥ​ല​ങ്ങ​ൾ വൈ​ക്ക​ത്ത് കു​റ​വാ​യ​തി​നാ​ൽ വൈ​ക്ക​ത്തെ​യും സ​മീ​പ​പ്ര​ദേ​ശ​ങ്ങ​ളി​ലെ​യും വി​ദ്യാ​ർ​ഥി​ക​ളും യു​വാ​ക്ക​ളും കളിക്കാ നെത്തുന്നത് കാ​യ​ലോ​ര ബീ​ച്ചി​ലാ​ണ്. ക്രി​ക്ക​റ്റ്, ഫു​ട്ബോ​ൾ ടൂ​ർ​ണ​മെ​ന്‍റു​ക​ളും ഇ​വി​ടെ ന​ട​ത്തു​ന്ന​ത് പ​തി​വാ​യി​രു​ന്നു.

അ​തേ​സ​മ​യം, വൈ​ക്കം ന​ഗ​ര​സ​ഭ രാ​വി​ലെ 10 നു ​ശേ​ഷം ബീ​ച്ചി​ൽ ആ​ളെ​ത്തു​ന്ന​തി​ന് നി​യ​ന്ത്ര​ണം ഏ​ർ​പ്പെ​ടു​ത്തി​യെ​ങ്കി​ലും പൊ​രി​വെ​യി​ൽ കാ​ര്യ​മാ​ക്കാ​തെ ദൂ​രെ സ്ഥ​ല​ങ്ങ​ളി​ൽ നി​ന്ന​ട​ക്കം നി​ര​വ​ധി വി​ദ്യാ​ർ​ഥി​ക​ളും യു​വ​തീ-​യു​വാ​ക്ക​ളും കാ​യ​ലോ​ര ബീ​ച്ചി​ലെ​ത്തി സ​ല്ല​പി​ക്കു​ന്നു​ണ്ട്.

Copyright @ 2022 , Rashtra Deepika Ltd.