തൃശൂർ: അന്തരിച്ച സിപിഎം പോളിറ്റ് ബ്യൂറോ അംഗം കോടിയേരി ബാലകൃഷ്ണനു തൃശൂരിന്‍റെ അന്ത്യാഞ്ജലി. നടുവിലാലിൽ ചേർന്ന സർവകക്ഷി അനുശോചനയോഗത്തിൽ നൂറുകണക്കിനാളുകൾ പങ്കെടുത്തു.
സിപിഎം ജില്ലാ സെക്രട്ടറി എം.എം. വർഗീസ് അധ്യക്ഷനായി. സിപിഎം സംസ്ഥാന കമ്മിറ്റി അംഗങ്ങളായ ബേബിജോൺ, എം.കെ. കണ്ണൻ, ഡിസിസി പ്രസിഡന്‍റ് ജോസ് വള്ളൂർ, ബിജെപി മേഖലാ സെക്രട്ടറി രവികുമാർ ഉപ്പത്ത്, സിപിഐ ജില്ലാ കൗൺസിൽ അംഗം ടി. പ്രദീപ്കുമാർ, യുഡിഎഫ് കൺവീനർ ജോസഫ് ചാലിശേരി, കേരള കോൺഗ്രസ് എം ജില്ലാ പ്രസിഡന്‍റ് ഉണ്ണികൃഷ്ണൻ ഈച്ചരത്ത്, എൻസിപി ജില്ലാ പ്രസിഡന്‍റ് മോളി ഫ്രാൻസിസ്, കോൺഗ്രസ് ജില്ലാ പ്രസിഡന്‍റ് സി.ആർ. വൽസൻ, ജനതാദൾ ജില്ലാ പ്രസിഡന്‍റ് സി.ടി. ജോഫി, മുസ്‌ലിം ലീഗ് ജില്ലാ പ്രസിഡന്‍റ് സി.എ. മുഹമ്മദ് റഷീദ്, എൽജെഡി ജില്ലാ ജനറൽ സെക്രട്ടറി വിൻസെന്‍റ് പുത്തൂർ, ഐഎൻഎൽ ജില്ലാ പ്രസിഡന്‍റ് മുഹമ്മദ് ചാമക്കാല, കേരള കോൺഗ്രസ് ബി ജില്ലാ പ്രസിഡന്‍റ് ഷൈജു ബഷീർ, ജനാധിപത്യ കോൺഗ്രസ് ജില്ലാ പ്രസിഡന്‍റ് ഗോപി താറ്റാട്ട്, ആർഎസ്പി ജില്ലാ സെക്രട്ടറി എം.പി. ജോബി, ഫോർവേഡ് ബ്ലോക്ക് ജില്ലാ സെക്രട്ടറി ലോനപ്പൻ ചക്കച്ചാംപറമ്പിൽ, ടി.എം. ഏലിയാസ്, സിഎംപി സംസ്ഥാന സെക്രട്ടറി പി.ആർ.എൻ നമ്പീശൻ, എം.കെ. തങ്കപ്പൻ, പി.കെ. ഷാജൻ, കെരവീന്ദ്രൻ എന്നിവർ പ്രസംഗിച്ചു.