ഗൗരി സ്പ്രാറ്റ്, ആമിർ ഖാൻ.
ബി ടൗൺ സൂപ്പർതാരം ആമിർ ഖാൻ പ്രണയത്തിന്റെ മൂന്നാം അധ്യായത്തിലേക്ക്. തന്റെ കാമുകി ഗൗരി സ്പ്രാറ്റുമായുള്ള വിവാഹം ഞായറാഴ്ച മുംബൈയിലെ വസതിയിൽ നടക്കുമെന്ന് താരം മാധ്യമങ്ങളോടു സ്ഥിരീകരിച്ചു. മുംബൈയിൽ നടന്ന പ്രത്യേക സിനിമാ സ്ക്രീനിംഗിനിടെയാണ് ആമിർ മാധ്യമങ്ങളോടു സന്തോഷവാർത്ത പങ്കുവച്ചത്.
ലളിതമായ ചടങ്ങുകളോടെയായിരിക്കും വിവാഹമെന്ന് ആമിർ വ്യക്തമാക്കി. ഇരുകുടുംബങ്ങളിലെഅംഗങ്ങളും അടുത്ത സുഹൃത്തുക്കളും മാത്രമായിരിക്കും പങ്കെടുക്കുക. മുംബൈയിലെ വീട്ടിൽ സ്പെഷൽ മാര്യേജ് ആക്ട് പ്രകാരം വിവാഹം രജിസ്റ്റർ ചെയ്ത ശേഷമായിരിക്കും പരമ്പരാഗത ചടങ്ങുകൾ. ബോളിവുഡിനായി വമ്പൻ റിസപ്ഷൻ പാർട്ടികൾ പ്ലാൻ ചെയ്യുന്നില്ലെന്നാണ് റിപ്പോർട്ടുകൾ. അതേസമയം, ഷാരൂഖ് ഖാൻ, സൽമാൻ ഖാൻ എന്നിവരുൾപ്പെടെയുള്ള അടുത്ത സുഹൃത്തുക്കൾ സ്വകാര്യ ചടങ്ങിൽ പങ്കെടുത്തേക്കുമെന്നാണു സൂചന.
ബംഗളൂരു സ്വദേശിനിയാണ് ഗൗരി സ്പ്രാറ്റ്. ഏറെ നാളത്തെ പ്രണയത്തിനൊടുവിൽ, കഴിഞ്ഞ വർഷം മാർച്ചിൽ തന്റെ അറുപതാം ജന്മദിനത്തിനു മുന്നോടിയായാണ് ആമിർ ഗൗരിയെ മാധ്യമങ്ങൾക്കു പരിചയപ്പെടുത്തിയത്.
Tags : Aamir Khan Gauri Spratt Bollywood Aamir Khan Gauri Spratt Wedding